JEREMIA 51:34 - Biblia Ilagho Jiboie Kwa Wandu Wose

³⁴ Wandu wa Sioni ndewighambe, “Nebukadnezari mzuri wa Babuloni wameria kudija, wamerie kudifasha-fasha; wadibonyere diwoneke sa kilambo kiduu wadimilie sa are; waghudishiro ni kuboa kodu, na kudidaika.

JEREMIA 51:34 ပူးပေါင်းရင်းမြစ်များ

AYUBU 20:15

Mundu mmbiwi uchadaika mali uriiwie; Mlungu ucham'bonya uridaike.

ZABURI 74:13

Korewaghanyireghe bahari kwa kudima kwako, kukavibara vongo va choka mbaa machinyi.

MAKATANISHO 1:12

Nndokonyi diwimerie sa kumilwa wimoo ni Kaburi; sa awo wiserwagha kaburinyi.

ISAYA 34:11

Isanga ijo jichakailwa ni mbungu na sasa; jichakailwa ni mikango na ngorusa. Mlungu uchawikambira chongo, na wabaa wawo ndewichaasikirana.

ISAYA 42:22

Ela awa ni wandu wiwadilo, wikaiwa, na kufungilwa mirumenyi wose; wangirilo jela, hata ndekuwadie ungi owivuvua, hata oghora Wiwunjenyi!

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

JEREMIA 50:7

Awo wose werewiwonieghe werewibwaghieghe; na wamaiza wawo wikaghamba, ‘Isi ndediwadie ikosa, ela awo niwo wibonyere kaung'a kwa BWANA, na aho niko andu kwawo kokaia kwa loli, uo BWANA, uko isuwirio ja weke ndee.’

JEREMIA 51:44

Nani nichamkaba Beli ghuja mlungu ghwa Babuloni na kumdaisa ivo vindo uvimilie; wandu wa iro mbari ndewichaamchea sena, wurigha ghwa Babuloni ghameria kughwa.

JEREMIA 51:49

Babuloni uchaghwa kwa wundu ghwa kuwibwagha Waisraeli, na wokoni kwa kubwagha wandu wa ndoenyi kose.”

KILILO CHA JEREMIA 1:1

Muzi ghwa Jerusalemu ghorechuloghe ni wandu ghwasighwa wada mduu! Muzi ghorenekeloghe ishima ni wurumwengu ghwakaia wada idana sa muka mkiwa! Muzi ghuboie kuchumba yose ghwangirie wuzumbenyi.

KILILO CHA JEREMIA 2:16

Wamaiza wako wose wakudema sare na kukuzighana kwa lumenyo. Wachunua memu yawo na kuzoma wikighamba, “Dameria kughunona. Wakema, iji nijo ituku derejisuwirieghe, idana dajipata, dajiwona.”

EZEKIELI 36:3

funya wulodi kughambe, Ini Bwana MLUNGU naghamba huwu, Kwa kukaia, ee, angu werekubonyereghe kukawoneka mduu, wikakufasha-fasha kufuma kula chia, hata kukawuya mali ya iro mbari rose ra wandu, wikikughora kisha-kisha wandunyi,

HOSEA 8:8

Israeli oofwanana na wandu wa iro mbari; ooka aghadi kwawo sa nyungu ibarikie.

AMOSI 8:4

Sikirenyi agha inyo muwifashagha wandu wisena kindo chingi, na kukunda kuwitotesha wakiwa wa isangenyi.

NAHUMU 2:2

(BWANA waawuyawiwunjira Israeli wubaa ghwawo, sa iji werekoghe imbiri wisesokelo na kunonwa ni wamaiza.)

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [