JEREMIA 51:29 - Biblia Ilagho Jiboie Kwa Wandu Wose

²⁹ Isanga jaawuyasughusika na kuwawa kwa wasi, kwa kukaia mipango yapo ini BWANA aighu ya Babuloni ndeighalukie, nipate kujibonya ijo isanga jisigho iduu jisekailwagha ni wandu.

JEREMIA 51:29 ပူးပေါင်းရင်းမြစ်များ

ISAYA 14:16

Awo wafu wichakukuya meso wikishinika, nawo wichakotia, ‘Welee, uhu nuo mundu oreisughusireghe ndoe? Uo oresughusireghe mawuzuri?

ISAYA 24:20

Ndoe yazingizika sa mmbongeri, yakumbwakumbwa sa nyumba idukwagha ni kiremba. Ndoe yalemerelwa ni kaung'a rake, nayo ichatota putu hata ndeichaawuka sena anduangi.

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

JEREMIA 50:13

Kwa wundu ghwa machu ghapo ini BWANA, muzi ugho ndeghuchaakailwa ni mndungi, ela ghuchasighwa mduu putu; kula mundu uchaaida kaavui nagho uchashinika na kughuzomea kwa wundu ghwa agho makabo ghake.

JEREMIA 50:36

Kifwa kwa walaghui, awo ni makelu! Kifwa kwa mang'oni ghake gha wuda, wakambwa ni chongo!

JEREMIA 50:43

“Mzuri wa Babuloni wasikire malagho gharo mikonu yake ikateweleka; ukangilwa ni luwawo, sa lwa muka ukumbagha lufu lwa kuva.

JEREMIA 50:45

Kwa huwo sikira mpango ghwapo ini BWANA nighubonyere aighu ya Babuloni, na makusudi ghapo nighibonyere aighu ya isanga ja Wababuloni. Loli wana wawo watini wichadwalwa noko, na kula umu uchaoboshwa.

JEREMIA 50:46

Ndoenyi kuchasughusika ngelo esikira kuwadwa kwa Babuloni, na kililo charo chichasikirika kwa iro mbari ra wandu.”

JEREMIA 51:26

Igho jingi ja mbembenyi ndejichaapatika kwako, hata igho jingi ja msingi, ela kuchasighwa duu kwa kala na kala, ini BWANA naghamba.

JEREMIA 51:28

Wikenyi iro mbari ra wandu ripate kulwa na Babuloni; wazuri wa Waamedi chiaimweri na awo wibonyagha nguma, na wabaa wawo watini, na kula isanga jiko aisi ya wuzuri ghwake.

JEREMIA 51:37

Na Babuloni ichanonwa na kuwuya ighacho; iwuye andu kwa mizozo, koshinikilwa na kusekwa, kusekailwagha ni wandu.

JEREMIA 51:43

Mizi yaro yawuya kilambo cheobosha, isanga jiomie jiwurie ikara ja kireti; isanga jisekailwagha ni mndungi, hata jiseidwagha ni mdamu ungi.

JEREMIA 8:16

Mrurumo ghwa farasi ra wamaiza wedu ghwasikirika kufuma Dani, lwaka lwa farasi rawo ra womi, lwasughusa ndoe yose. Wacha kujimeria isanga chiaimweri na kula kilambo chiko andenyi yaro, ugho muzi na wandu wikaiagha andenyi yaro.”

JOELI 2:10

Ndoe yaawuyasughusika imbiri kwawo; mawingunyi kwaawuyazingizika. Iruwa na mori vawuya kira, na nyerinyeri raleka kung'ala-ng'ala.

AMOSI 8:8

Kwa huwo ndoe ichasughusika, na kula mundu isangenyi uchakaia na wasi. Isanga jose jichasughusika; jikichua na kumichwa-michwa sa ugho moda ghwa Naili ghuko Misri.

WUFUNUO 18:2

Ukaghora kwa lwaka lubaa nandighi ukighamba, “Ghwaghue, ghwaghue, ugho Babuloni m'baa! Ghwawurie malalo gha pepo, andu kwa kula roho mbiwi, na wulalo ghwa kula nyonyi mbiwi, izamie;