JEREMIA 51:27 - Biblia Ilagho Jiboie Kwa Wandu Wose

²⁷ “Josenyi kiweto ndoenyi, kabenyi tarumbeta aghadi ya mbari ra wandu, wikenyi iro mbari nicha, ripate kulwa na Babuloni; wangenyi mawuzuri gha Ararati, na Mini, na Ashkenazi wichelwa nao; mmbike m'baa olongoza wuda gholwa nao, mrede farasi nyingi sa izungu ja zighe.

JEREMIA 51:27 ပူးပေါင်းရင်းမြစ်များ

KUZOYA 10:3

Wana wa Gomeri ni: Ashkenazi, Rifathi, na Togarma.

KUZOYA 8:4

Hata ituku ja ikumi na mfungade ja mori ghwa mfungade, ija safina ikakaria aighu ya mighondi ya Ararati.

2 WAZURI 19:37

Nao iji orekoghe ukitasa andenyi ya hekalu ya mlungu ghwake Nisroki, wana wake Adrameleki na Shareza wikam'bwagha na lufu, wikakimbiria isanga ja Ararati. Na mwana wake Esarhadoni ukabonya nguma wulalo ghwake.

1 MALAGHO GHA NGELO 1:6

Wana wa Gomeri ni Arshkenazi, Difathi, na Togarma.

ISAYA 18:3

Inyo wandu wose mkaiagha wurumwengunyi, inyo mmbose mkaiagha ndoenyi; bendera ikawusirwa mghondinyi mzighane, na tarumbeta ikakabwa msikire.

ISAYA 37:38

Nao iji orekoghe ukitasa andenyi ya nyumba ya mlungu ghwake Nisroki, wana wake wa womi Adrameleki na Shareza, wikam'bwagha kwa lufu, na kukimbia cha isanga ja Ararati. Mwana wake Esarhadoni ukabonya nguma wulalo ghwake.

JEREMIA 25:14

Mbari nyingi na wazuri wabaa wichawibonya Wababuloni wikaie wazumba wawo, nani nichawilipa karakara na kazi ra mikonu yawo.”

JEREMIA 46:23

Wichaghudema msidu ghwawo, hata ngera ghwakambie ghusengirikagha; kwa kukaia wandu wake ni wengi kuchumba zighe, wisetalikagha.

JEREMIA 50:2

“Ghoria iro mbari kughambe, wusira kiweto kughore, hata kusesighe ilagho jingi: ‘Babuloni wameria kuwadwa Mlimu Beli ghwamerie kufushwa waya. Ugho mlungu Merodaki ghwakambwa ni chongo. Milimu yake yameria kufushwa waya, fwana rake rakambwa ni chongo.’

JEREMIA 50:3

“Angu mbari imu ya wandu kufuma kaskazinyi yacha aighu ya Babuloni, nayo ichabonya isanga jake jisigho iduu. Wandu na nyamandu richafuma aho, na mndungi ndechaakaia aho anduangi.”

JEREMIA 50:9

Zighanenyi, nicharinyavurisha iro mbari nyingi ra wandu wiche kufuma kaskazinyi kulwa na Babuloni, wichakuboisa weni kwa wuda aighu ya Babuloni, na aho wichaghuwada ugho muzi. Mawanu ghawo gheeka sa wandu mang'oni wiko na akili, wisewuyagha mikonu miduu.

JEREMIA 51:12

Josenyi kiweto aighu ya mawurigha gha Babuloni, wikenyi wulindiri ghumange; wikenyi walindiri, boisenyi andu kokuvisa; kwa kukaia ini BWANA namerie kubonya mpango, ngaghukatisha sa iji nereghorieghe aighu ya wandu wikaiagha Babuloni.

JEREMIA 51:14

Ini BWANA wa majeshi namerie kughema kwa ini moni ngighamba, kwa loli nichachura wandu aha, wiko wengi sa izungu ja zighe, nawo wichakema ngemi ya wusimi aighu yako.

JEREMIA 51:28

Wikenyi iro mbari ra wandu ripate kulwa na Babuloni; wazuri wa Waamedi chiaimweri na awo wibonyagha nguma, na wabaa wawo watini, na kula isanga jiko aisi ya wuzuri ghwake.

JEREMIA 6:1

Kimbirienyi wusalama inyo wandu wa Benjamini! Fumenyi Jerusalemu! Kabenyi tarumbeta aho Tekoa, wonyerenyi alama aho Beth-Hakeremu, kwa kukaia wuwiwi ghwa kunoneka m'baa nandighi ghwaawuyacha kufuma kaskazinyi.

JOELI 3:9

“Ereshenyi malagho agha kwa mbari zima: ‘Kaienyi tayari kwa wuda wangenyi mang'oni ghenyu; kwanyenyi masikari ghenyu ghose mghende.

AMOSI 3:6

Tarumbeta yadima kukabwa mzinyi nao wandu wilemo ni kuobua? Welee wuwiwi ghwadima kungia mzinyi ghuselaghirilo ni BWANA?

ZEKARIA 14:2

BWANA uchareda mbari zima rose chiaimweri riwade Jerusalemu. Muzi ghuchawadwa, nyumba richabarwa, na waka wichadidikwa. Nusu ya wandu wichabarishwa, ela awa wichaasigharika ndewichaainjwa mzinyi anduangi.

WATANYI 6:5

Werechieghe na mfugho rawo chiaimweri na hema rawo karakara na zighe. Werekoghe wengi wisetalikagha chiaimweri na ngamila rawo, wikajinona isanga iji werekoghe wikicha.