JEREMIA 51:24 - Biblia Ilagho Jiboie Kwa Wandu Wose

²⁴ BWANA waghamba, “Nichamlipa Babuloni na wandu waro ugho wuwiwi ghose wereghubonyereghe Jerusalemu imbiri ya meso ghako.

JEREMIA 51:24 ပူးပေါင်းရင်းမြစ်များ

ZABURI 79:10

Kusakesigha iro mbari zima righambe, “Damsima Mlungu wawo oko hao.” Kudineke kuwona kukikaba iro mbari zima, kwa wundu ghwa kudia bagha ya wadumiki wako.

ISAYA 48:14

“Kwanyikenyi inyo mmbose msikire, nani aghadi ya milimu yenyu, udimie kughora agho malagho ghichagha? Ini BWANA namkunde Koreshi, nao uchakatisha mpango ghwapo aighu ya Babuloni kwa ndighi rapo uchawikaba Wakaldayo.

ISAYA 61:2

Wanidumie kueresha mwaka ghorumirilwa ni BWANA, na ituku ja Mlungu jeluya lugho, upate kuwihoresha awo wose wiko na wasi,

ISAYA 66:6

Sikirenyi mrurumo kufuma mzinyi! Ni lwaka lwawuyafuma Hekalunyi; nalo ni lwaka lwa BWANA wawuyaluya lugho aighu ya wamaiza wake.

JEREMIA 25:14

Mbari nyingi na wazuri wabaa wichawibonya Wababuloni wikaie wazumba wawo, nani nichawilipa karakara na kazi ra mikonu yawo.”

JEREMIA 50:10

Isanga ja Wababuloni jichawadwa, na awo wose wichaawada ugho muzi wichadwa vilambo hata wivikoje, Ini BWANA naghamba.”

JEREMIA 50:15

Kemenyi ngemi ya wuda mzinyi kose kwa kukaia wandu waro wamerie kukufunya, na mawurigha gha muzi ghwawo ghwamerie kuwuduka; angu icho ni kisasi chapo ini BWANA nawuyachilipa. Lipenyi kisasi aighu ya ugho muzi kunughana na mabonyo ghake ubonyere wazima.

JEREMIA 51:11

Kalishenyi mawanu, mmbwade ngao! Ini BWANA narinyavurishire roho ra wazuri wa Wamedi, kwa kukaia makusudi ghapo aighu ya Babuloni ni kutotesha ugho muzi; angu icho nicho kisasi chapo kwa wundu ghwa Hekalu yapo.

JEREMIA 51:23

Nadakutumia kwa kumtotesha mlisha na chagha chake; nadakutumia kumtotesha mlimi na wandu wake, nadakutumia kwa kuwitotesha wabonyi nguma na wabaa wawo wa majeshi.”

JEREMIA 51:35

Wuwiwi ghubonyero aighu yedu na aighu ya wamzedu, ghulipilo aighu ya Babuloni;” na wandu wa Jerusalemu ndewighambe, “Bagha yedu ndeikaie aighu ya wandu wa isanga ja Babuloni.”

JEREMIA 51:49

Babuloni uchaghwa kwa wundu ghwa kuwibwagha Waisraeli, na wokoni kwa kubwagha wandu wa ndoenyi kose.”

JEREMIA 51:56

Mtoteshi wameria kucha aighu ya Babuloni; masikari ghake ghawadwa, na ndana rawo rachikanywa-chikanywa, kwa kukaia ini BWANA ne Mlungu olipia, nani kwa loli nichalipia kisasi.

KILILO CHA JEREMIA 3:64

“Kuwikabe kwa wundu ghwa agho wighibonyagha ee BWANA.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

WUFUNUO 18:24

Na bagha ya walodi, na waeli, na awo wose werebwaghiloghe ndoenyi, erewonekieghe andenyi kwako.”

WUFUNUO 6:10

nawo wikakema kwa lwaka lubaa wikighamba, “Ee Bwana kuwadie nguma, mweli na mloli, ni lii kuchaatanya na kudiluya lugho bagha yedu kwa wandu wiko ndoenyi?”