JEREMIA 51:2 - Biblia Ilagho Jiboie Kwa Wandu Wose

² nani nichareda wandu wa kighenyi wenona Babuloni seji mbeo ielagha makanda, nawo wichanona ugho muzi na kusigha isanga iduu, ingelo wacha kufuma chia rose ituku ja wasi.

JEREMIA 51:2 ပူးပေါင်းရင်းမြစ်များ

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 43:14

BWANA, uo Mkomboli wako, Mlungu Mweli wa Israeli, waghamba huwu, “Nichaduma majeshi Babuloni kwa wundu ghonyu, wipate kuwidwa Wababuloni andenyi ya meli rawo sa wakimbii, na kukukasa kwawo kuchaghaluswa kuwuye kililo.

JEREMIA 15:7

Nameria kuwiela na lungo, mbengenyi ra isanga; nabwaghie wana wawo, na kuwitotesha wandu wapo, kwa kukaia ndeweresighieghe chia rawo mbiwi.

JEREMIA 50:29

“Wizerenyi wakumbi mawanu wichelasa wandu wa Babuloni, ee, awo wose witumiagha ndana. Bonyenyi kambi mughurughaie muzi, mndungi wawo usefufunuke. Mlipenyi karakara na mabonyo ghake, mum'bonyere agho ghose karakara sa iji koni orebonyereghe, kwa kukaia wakukasire ukanimenya ini BWANA Mlungu, uo Mweli wa Israeli.

JEREMIA 50:32

Mbari yako ikukasire ichakuwa na kughwa, isepate mndungi oiwusira; nani nichaikora mizi yako, na modo ghuchaimeria hata iyo mizi imarie mbai mbai yaro.”

EZEKIELI 5:12

Ifungu jenyu ja kadadu, jichafwa kwa saka izamie na kumerelwa ni njala aghadi konyu; na ifungu jimu ja kadadu jichafwa kwa wuda ghwa lufu ghuchaammara chia rose; na ifungu jimu ja kadadu nichajisasara andu kose, na kuwinugha nyuma kwa wuda ghwa lufu.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”