JEREMIA 50:7 - Biblia Ilagho Jiboie Kwa Wandu Wose

⁷ Awo wose werewiwonieghe werewibwaghieghe; na wamaiza wawo wikaghamba, ‘Isi ndediwadie ikosa, ela awo niwo wibonyere kaung'a kwa BWANA, na aho niko andu kwawo kokaia kwa loli, uo BWANA, uko isuwirio ja weke ndee.’

JEREMIA 50:7 ပူးပေါင်းရင်းမြစ်များ

ZABURI 71:5

Oho BWANA ko isuwirio japo; nadakurumiria kufuma wanake ghwapo, ee BWANA.

ZABURI 79:7

Wabwaghie wandu wako, na kujinona isanga jawo.

ZABURI 90:1

BWANA, oho ko andu kodu kokaia matuku ghose.

ZABURI 91:1

Uo ose ukaiagha aisi ya wulindiri ghwa Uo-Uko-Aighu-Nandighi, uo ukaiagha aisi ya kiju cha Uo-Uwadie-Ndighi-Rose,

ISAYA 47:6

Wandu wapo werenivavirieghe ngolo, ngawilusha wandu wa ifwa japo; ngawingira mikonunyi kwako, na oho ndekorewifuyeghe wughoma hata kutini; kukawingira waghosi ghongolo ilemere nandighi.

ISAYA 56:9

BWANA wawizera wandu wa mbari ya kighenyi huwu, “Choonyi mfondie nyama ra wandu wapo, seji nyamandu ra isakenyi rijagha.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

JEREMIA 10:25

Machu ghako ndeghikaie aighu ya iyo mbari ya wandu wisekuichi oho, na kwa awo wandu wisejiwangiagha irina jako; kwa kukaia wamerie kuwibwagha wandu wa Israeli, wawibwaghie na kuwimeria putu, hata isanga jawo jeesighwa iduu.

JEREMIA 14:8

Ee Isuwirio ja Israeli, na Mkiri wawo ngelo ya wasi; kwaki kwakaia karakara na mghenyi isangenyi kodu, sa mdambi olala kio chimweri tu.

JEREMIA 17:13

Ee BWANA oho kuko isuwirio ja Israeli, wose wikusighagha wichafushwa waya, na awo wikughalukiagha nambai, wichalaghaya sa marina ghiandikilo andonyi kwa kukaia wamsighie BWANA, uo ndoria ya machi ghiko moyo.

JEREMIA 2:3

Israeli orekoghe wapo, mavalo gha imbiri gha makuwido ghapo; Wose werekukorongieghe nerewitalieghe kukaia wakosi, mawiwi ghikawichea.”

JEREMIA 31:23

BWANA wa majeshi, uo Mlungu wa Israeli waghamba huwu, “Ngelo nichaawiwunja wandu isangenyi kwawo, wichatumia agha malagho sena andenyi ya isanga ja Juda na andenyi ya mizi yawo, ‘BWANA ndeghurasimie ugho mghondi ghwa wueli ghwa Jerusalemu, aho andu kwa wueli ukaiagha.’

JEREMIA 33:15

Matuku agho na ngelo iyo, nichabonya umu wa kivalwa cha Daudi ukaie mzuri, nao uchabonya hachi na loli isangenyi.

JEREMIA 33:16

Matuku agho, wandu wa Juda wichakia, na wandu wa Jerusalemu wichakaia banana. Na muzi ugho ghuchawangwa, ‘BWANA nuo kukia kodu.’

JEREMIA 5:17

Wichaja makuwido ghako na vindo vako; wichabwagha wana wako wa womi na wa waka; wichachinja ng'ondi rako na ng'ombe rako; wichanona mizabibu yako na mitini yako; wichanona mizi yako ya ngome kuirumirie, kwa wuda.”

JEREMIA 50:14

“Kupangenyi mmbeni aighu ya Babuloni inyo wandu mlwagha kwa ndana, mughurughaie ugho muzi; mughulase, hata msesighe iwanu jingi, kwa kukaia ghwabonyere kaung'a aighu yapo ini BWANA.

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

JEREMIA 50:33

BWANA wa majeshi waghamba huwu, “Wandu wa Israeli na wandu wa Juda wakorongelo, wandu werewidwaeghe wunyika wawiwadie na kuwimaziria, wisekunde kuwilekeria wighende.

EZEKIELI 34:5

Kwa huwo reresaghisikieghe, angu riserewadieghe mlisha ungi; rikawuya vindo va nyamandu rose ra isakenyi.

EZEKIELI 35:12

Na oho kuchamanya kukaia ini BWANA nasikire masholio ghose kubonyere aighu ya mighondi ya Israeli kukighamba, ‘Yasighilo miduu, nayo dainekelo dipate kuiwusa.’

DANIELI 9:16

Ee BWANA, kwa wundu ghwa mabonyo ghako gha hachi kubonyere kwa wundu ghodu, nakulomba kusighe machu na kubia kwako. Kughuleke muzi ghwako Jerusalemu, ugho mghondi ghwako ghwa wueli. Kaung'a redu na makosa gha weke aba, ghashekerie Jerusalemu na wandu wako wimenyeke na kusholelwa ni wandu wose widimarie chia rose.

DANIELI 9:6

Dalemelo ni kuwisikira wadumiki wako walodi awo wereghorieghe na wazuri wedu, na wabaa wedu, na weke aba wedu, na wandu wose wa isangenyi kwa irina jako.

ZEKARIA 1:15

nani neko na machu mabaa nandighi aighu ya mbari ra wandu wawuyakaia kima kwa sere; kwa kukaia ingelo neremaziriagha machu ghapo kwa wundu ghwa wandu wapo, awo wedechuria kuwikoronga.

ZEKARIA 11:5

Waghui waro wadaribwagha hata ndewinekwagha adhabu. Wadauza nyama na kughora, ‘BWANA ndekaso, dawuya wazuri wa mali nao!’ Walisha waro weni ndewine wughoma naro.”

1 TIMOTHEO 1:1

Ini Paulo, mdumi wa Jesu Kristo uwikilo kwa amri ya Mlungu Mkiri odu, na ya Kristo Jesu isuwirio jedu.