JEREMIA 50:6 - Biblia Ilagho Jiboie Kwa Wandu Wose

⁶ “Wandu wapo werekoghe ng'ondi rilagharie, rilongozero kiwiwi ni walisha waro, kwa kurighalua na kurighenja aighu mighondinyi; kufuma mghondi m'baa hata mghondi mtini, hata rikaliwa maranu ghawo.

JEREMIA 50:6 ပူးပေါင်းရင်းမြစ်များ

ZABURI 116:7

Hora ee roho yapo; BWANA wakubonyere maza ndicha.

ZABURI 119:176

Namara-mara sa ng'ondi ilagharie; kunilole ini mdumiki wako, kwa kukaia siwueliwa malaghiro ghako anduangi.

ZABURI 23:2

wanirarisha malishonyi gha nyasi mbishi, na kunilongoza mbai-mbai ya machi ghinyame.

ZABURI 32:7

Oho ko andu kwapo kokuvisa; kwadanilindia nisepato ni wasi; na kunimara na izungu ja wabori.

ZABURI 90:1

BWANA, oho ko andu kodu kokaia matuku ghose.

ZABURI 91:1

Uo ose ukaiagha aisi ya wulindiri ghwa Uo-Uko-Aighu-Nandighi, uo ukaiagha aisi ya kiju cha Uo-Uwadie-Ndighi-Rose,

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

ISAYA 30:15

Angu Bwana MLUNGU, uo Mweli wa Israeli waghambie huwu, “Mkanighalukia na kukusaghika na ini, mchakia; nenyo mchakia na kukaia banana.” Ela mwaleghie,

ISAYA 32:2

Kula umu wawo uchawuya andu kokimbiria ngelo ya kiremba, kituwirio ngelo ya kikulughulu; wichakaia sa ndoria ra machi ikarenyi na kiju cha igho ibaa andenyi ya isanga jiomie.

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

JEREMIA 10:21

Kwa kukaia walisha wasowa akili, hata ndewilombagha njama kwa BWANA; kwa huwo ndewiwonagha mecha, na mfugho rawo rose reesaghisika.

JEREMIA 13:16

Mnekenyi BWANA Mlungu onyu wubaa, imbiri useredie kira, imbiri maghu ghenyu ghisekuwie, aighu ya mighondi ya kira cha ndoe kuelenyi; ngelo msuwiriagha mwengere, uo waghughalua ghuwuye kira, ee, kira cha ndindi.

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

JEREMIA 2:32

Wele mwai wadima kuliwa mapambo ghake gha lulu angu mwai ulowolwagha nguwo yake ya arusi? Ela wandu wapo waniliwie kwa matuku ghisetalikagha.

JEREMIA 23:1

BWANA waghamba, “Ni bugha kwa awo winonagha na kusaghisa wandu wapo.”

JEREMIA 3:23

Ni loli kutasa milimu aighu mighondinyi na karamu ra lwafuo ni kwa tee. Hata mikutano yedu ekema ya mighondinyi ni sa ya tee nduu. Kwa loli kukia kwa Israeli kooka andenyi ya BWANA Mlungu odu.

JEREMIA 3:6

Matuku gha kubonya nguma kwa Mzuri Josia, BWANA orenizerieghe, “Welee, kwawonie seji uhu Israeli useko mloli wawuyabonya? Wawuyajoka kula mghondi mlacha, na kukaia aisi ya midi mibaa ipambie ukitasa milungu mizima.

JEREMIA 33:12

BWANA wa majeshi waghamba huwu, “Isanga iji jeresighiloghe iduu, jisewadie mundu hata nyamandu andenyi ya mizi yake yose, jichakaia na malalo gha walisha ghelisha mfugho rawo.

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

JEREMIA 50:19

Nichabonya wandu wa Israeli wiwuye isangenyi jawo, nawo wichakaia wikija vindo vilimwagha aho Karmeli na Bashani; wichaghuda aighu ya mighondi ya Efraimu na Gileadi.

EZEKIELI 13:10

Kwa kukaia wawilaghashire wandu wapo wikighamba, ‘Sere,’ sena sere iseko; na wandu wikaagha wurigha kisha-kisha, awo walodi wadaghushinga chokaa.

EZEKIELI 34:14

Nicharilisha na malisho mecha aighu ya mighondi milacha ya Israeli, rije na kudima andu kwa nyasi nyingi, aho kuko na malisho mecha aighu ya mighondi ya Israeli.

EZEKIELI 34:15

Ini nimoni nichakaia mlisha wa ng'ondi rapo, nani nicharibonya ridime andonyi nicha, ini Bwana MLUNGU naghamba.

EZEKIELI 34:16

“Nicharilola iro rilagharie, na kuriwunja chienyi iro rilagharilo ni chia; nicharifunga iro richikie, na kutesia iro risewadie ndighi; iro ribandie riko na ndighi, nicharitotesha; nani nicharilisha kwa hachi.

MATHAYO 10:6

Ela muwighendie wandu wilagharie sa ng'ondi wa Israeli.

MATHAYO 15:24

Jesu ukamtumbulia, “Ini nededumwa tu kwa wandu wa Israeli wilagharie sa ng'ondi.”

MATHAYO 9:36

Nao iji wawizighana wandu, ukawiwona wasirimwa na kusaghisika, ukawadwa ni wughoma angu werekoghe sa ng'ondi risewadie mlisha ungi.

1 PETRO 2:25

Angu morekoghe mwalaghaya sa ng'ondi, ela idana mwamerie kummburia Mlisha na Mzighaniri wa roho renyu.