JEREMIA 50:14 - Biblia Ilagho Jiboie Kwa Wandu Wose

¹⁴ “Kupangenyi mmbeni aighu ya Babuloni inyo wandu mlwagha kwa ndana, mughurughaie ugho muzi; mughulase, hata msesighe iwanu jingi, kwa kukaia ghwabonyere kaung'a aighu yapo ini BWANA.

JEREMIA 50:14 ပူးပေါင်းရင်းမြစ်များ

2 SAMUELI 10:9

Nao iji Joabu wawona kukaia wuda ghwapangwa naimbiri na nanyuma, ukasaghua mang'oni ghirumirikie kuchumba gha Israeli, ukawipanga wilo na Wasiria;

ZABURI 51:4

Ni oho kumoni, ee, ni oho kumoni kuekeri nikubonyere kaung'a; nabonyere ijo jiko iwiwi imbiri kwako. Kwa huwo, seji kutanyire aighu yapo ni hachi, na kutanya kwako ni kwa loli.

ISAYA 13:4

Sikirenyi ndoghoi ra izungu ibaa aighu mighondinyi, na chwaka ra wazuri na mbari ra wandu rakwanyika chiaimweri! BWANA wa majeshi waawuyakwanya ijeshi kwa wundu ghwa wuda.

ISAYA 5:28

Mawanu ghawo ghakalie, na ndana rawo rafungilo; kochokocho ra farasi rawo rakurie sa magho, na magurudumu gha magare ghawo ghiamara sa kikulughulu.

JEREMIA 46:9

Funyenyi momu farasi rikimbie, na magare ghizoe kughenda. Masikari ndeghifume shighadi, wandu wa Ethiopia na Libya ndewiwade ngao, na wandu wa Ludi awo wiichi kutumia ndana.’”

JEREMIA 49:14

Nasikire malagho kufuma kwa BWANA; mdumwa wadumwa kwa iro mbari uwizere, “Kwanyikenyi chiaimweri mmbose, mpate kulwa na Edomu; wukenyi mngie wudenyi.”

JEREMIA 49:35

BWANA Mlungu wa majeshi ukaghamba huwu, “Olenyi nichawibwagha wandu wa Elamu wose wilwagha na ndana wikusaghikagha nawo;

JEREMIA 50:11

BWANA waghamba, “Hata ngera mwaboilwa na kukujosa ee wandu wa Babuloni; inyo mmbwadagha na kusoka mbari ya wandu wa ifwa japo; hata ngera mwarama-rama sa tagho ya ng'ombe ifashagha ngano, na kukema sa farasi ya womi,

JEREMIA 50:29

“Wizerenyi wakumbi mawanu wichelasa wandu wa Babuloni, ee, awo wose witumiagha ndana. Bonyenyi kambi mughurughaie muzi, mndungi wawo usefufunuke. Mlipenyi karakara na mabonyo ghake, mum'bonyere agho ghose karakara sa iji koni orebonyereghe, kwa kukaia wakukasire ukanimenya ini BWANA Mlungu, uo Mweli wa Israeli.

JEREMIA 50:42

Wawadie ndana na mafumu, ni wandu wing'etere wisene wughoma; lwaka lwa kucha kwawo ni sa kururuma kwa bahari, wajoka farasi, wameria kurwa sa mundu wa wuda wichelwa na oho ee muzi ghwa Babuloni.

JEREMIA 50:7

Awo wose werewiwonieghe werewibwaghieghe; na wamaiza wawo wikaghamba, ‘Isi ndediwadie ikosa, ela awo niwo wibonyere kaung'a kwa BWANA, na aho niko andu kwawo kokaia kwa loli, uo BWANA, uko isuwirio ja weke ndee.’

JEREMIA 50:9

Zighanenyi, nicharinyavurisha iro mbari nyingi ra wandu wiche kufuma kaskazinyi kulwa na Babuloni, wichakuboisa weni kwa wuda aighu ya Babuloni, na aho wichaghuwada ugho muzi. Mawanu ghawo gheeka sa wandu mang'oni wiko na akili, wisewuyagha mikonu miduu.

JEREMIA 51:2

nani nichareda wandu wa kighenyi wenona Babuloni seji mbeo ielagha makanda, nawo wichanona ugho muzi na kusigha isanga iduu, ingelo wacha kufuma chia rose ituku ja wasi.

JEREMIA 51:27

“Josenyi kiweto ndoenyi, kabenyi tarumbeta aghadi ya mbari ra wandu, wikenyi iro mbari nicha, ripate kulwa na Babuloni; wangenyi mawuzuri gha Ararati, na Mini, na Ashkenazi wichelwa nao; mmbike m'baa olongoza wuda gholwa nao, mrede farasi nyingi sa izungu ja zighe.

JEREMIA 51:3

Msesighe wakumbi mawanu wirude ndana rawo, angu kurwa nguwo rawo ra chuma. Msesighare wandu wawo wa irika, mtoteshe ijeshi jawo jose putu.

HABAKUKI 2:17

Kwademie midi ya msidu ghwa Lebanoni. Oho wokoni kuchademwa. Kwabwaghie nyamandu rerekoghe aho; idana nyamandu richakuobosha oho. Malagho agha ghichabonyeka kwako kwa wundu ghwa kubwagha wandu wengi ndoenyi, na kwa kinyanya chako aighu ya wandu wa mizi yawo.

HABAKUKI 2:8

Angu kusokie mbari nyingi vilambo vawo, awo wisigharikie wichakudwa wunyika; kwa kukaia kwabwaghie wandu wengi na kutotesha masanga mengi.

WUFUNUO 17:5

Na chamunyi kwake, koreandikiloghe irina ja ngasu huwu: “BABULONI M'BAA, MAE WA MALAYA, NA MAZA RIZAMIE RA NDOENYI.”

1 SAMUELI 17:20

Daudi ukafuma kokesho kio, na ng'ondi ukarisighanya na mlindiri umu; ukawusa vija vindo oredumwagha navo ni ndee. Ukavika ingelo cheni wandu wawuyafuma kughenda wudenyi, wikikaba ndereri ya wuda.