JEREMIA 50:12 - Biblia Ilagho Jiboie Kwa Wandu Wose

¹² ela ugho muzi ghonyu m'baa ghuchafushwa waya nandighi, muzi ghwa Babuloni ghuchaserwa nandighi. Ola! Ghuchawuya muzi ghwa nyuma putu ghwa iro mbari ra wandu, na kuwuya kireti chiomie chiwurie ikara.

JEREMIA 50:12 ပူးပေါင်းရင်းမြစ်များ

ISAYA 14:22

BWANA wa majeshi waghamba, “Nichawuka aighu ya Babuloni, na kughunona ugho muzi putu hata usoweke mndungi oghorwa aho, hata mwana ungi, hata kivalwa chingi.

ISAYA 23:13

(Wakaldayo niwo wishekerie muzi ghwa Tiro ghukangilwa ni nyamandu, si Waashuru wangi; Wakaldayo niwo wiaghie minara yawo kughumara ugho muzi, na kughusha ngome rawo hata rikawuya maghacho.)

JEREMIA 12:14

BWANA waghora huwu aighu ya wambao Israeli wose wawiwi, awo wiwadie ifwa ja isanga orejinekieghe wandu wake Israeli jiwuye ifwa jawo: “Ola nichawifunya isangenyi kwawo, na kumvuvua Juda ufume aghadi kwawo.

JEREMIA 15:9

Muka orevaeghe wana mfungade uchasilwa ni ngolo na kudumbuka; uchaserelwa ni kira nadime; wafushwa waya na kusowelwa ishima. Awo wisigharikie wichabwaghwa wudenyi, na kughwa imbiri ya wamaiza wawo,” waghamba BWANA.

JEREMIA 22:6

“BWANA waghamba huwu aighu ya ngome ya mzuri wa Juda, ‘Ini nadakuwona sa Gileadi, kooka sa mdo ghwa Lebanoni; elaima nichakubonya kuwuye kireti, muzi ghusekailwagha ni wandu.

JEREMIA 25:12

“Ela nyuma ya iyo miaka mirongo mfungade kukatia, nichaikaba mbari ya Babuloni chiaimweri na mzuri waro. Nichajitotesha ijo isanga ja Wakaldayo, kwa wundu ghwa mawiwi ghawo, kujibonya jiwuye iduu kwa kala na kala.

JEREMIA 25:26

wazuri wose wa masanga gha kaskazinyi kula na kaavui; na mawuzuri ghose gha wurumwengunyi wiko ndoenyi, wose kwa kunughishirana wikakaia winyo icho kikombe. Na kutua kwa wose, mzuri wa Babuloni uchachinywa.

JEREMIA 49:2

Olenyi matuku ghichacha, nani nichabonya kililo cha wandu chisikirike muzi ghwa Raba ghuko kwa Waamoni, nagho ghuchasighwa mduu, na mizi yaro mitini ichakorwa; niko aho Israeli ichawunja isanga jake, waghamba BWANA.

JEREMIA 51:43

Mizi yaro yawuya kilambo cheobosha, isanga jiomie jiwurie ikara ja kireti; isanga jisekailwagha ni mndungi, hata jiseidwagha ni mdamu ungi.

JEREMIA 51:47

Zighana matuku ghichacha, nani nichaikaba milimu ya Babuloni na isanga jake jose jichafushwa waya; na wandu wake wichaabwaghwa, wichafuya aghadi ya ugho muzi.

WAGALATIA 4:26

Ela Jerusalemu ghwa mlungunyi ghooka huru, nagho nuo mao.

WUFUNUO 17:5

Na chamunyi kwake, koreandikiloghe irina ja ngasu huwu: “BABULONI M'BAA, MAE WA MALAYA, NA MAZA RIZAMIE RA NDOENYI.”