JEREMIA 5:7 - Biblia Ilagho Jiboie Kwa Wandu Wose

⁷ BWANA waaghamba, “Nidima wada kukufuya wughoma? Wana wako wanileghie, na kughema kwa ivo viseko milungu ingi. Iji nerewijishireghe wikaghuda, werelakieghe na kungia andenyi ya nyumba ra malaya.

JEREMIA 5:7 ပူးပေါင်းရင်းမြစ်များ

2 MALAGHO GHA NGELO 13:9

Welee, ndemuwiwingie wakohani wa BWANA awo wana wa Haruni na Walawi; mkakubonyera wakohani wenyu mmbeni sa wandu wa masanga mazima? Mundu ose uchagha kukuwika wakfu ukidwa mwanwanjau na bauru mfungade, uawuya mkohani wa iyo iseko milungu.

AYUBU 31:12

Wulaki ni sa modo ghulunguragha ghwa Jehanamu ghudimagha kutotesha kula kindo niko nacho.

ZABURI 50:18

Kukawona kitoi, kwadarumiriana nacho; na oho kwadawadana na walaki.

JEREMIA 12:16

Na ichakaia, ingelo wichaakufunya kukufundisha chia ra wandu wapo, na kughema kwa irina japo ‘Sa iji Bwana uko moyo,’ wokoni seji werefundishireghe wandu wapo kughema kwa Baali, niko aho wichaamangishwa nicha aghadi ya wandu wapo.

JEREMIA 13:27

Namerie kughuwona wuchafu ghwako; kulaka kwako, na bea rizamie, na wumalaya ghuchumbie, aighu mighondinyi na mbuwenyi. Ni bugha kwako ee Jerusalemu! Kudua mchafu kuseoghoshero hata lii?”

JEREMIA 16:11

Niko kuchawizera, ‘Ni kwa kukaia weke ndeyo wanisighie, nawo wanughie milungu mizima, wikaidumikia na kuitasa, wikanilegha hata ndewereiwadieghe sharia yapo anduangi.

JEREMIA 16:20

Kwani mdamu wadima kukubonyera moni milungu? Iyo si milungu ingi.”

JEREMIA 2:11

Mbari ingi jingi yaghalue milungu yaro, hata ngera si milungu ingi? Ela wandu wapo waindanishire wubaa ghawo kwa kilambo chisewirediagha fwaida ingi.

JEREMIA 2:31

Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’

JEREMIA 23:10

Isanga jeechulwa ni wandu wisowie wuloli na BWANA; kwa wundu ghwa iyo njowe, isanga jaawuyalila, na malisho gha kireti gheeoma. Mighendo yawo ni ya wuwiwi, na wudimi ghwawo si ghwa hachi anduangi.

JEREMIA 3:19

BWANA waghamba, “Yakaiagha nicha saki ngera nedekuwika aghadi ya wana wapo, eri nikuneke isanga jighokie; na ifwa jiboie kuchumba ja mbari rose. Neregheshereghe kuchaniwanga Aba kuseko na ugho wundu ghwa kughaluka na kusigha kughendanya nani.

JEREMIA 3:8

Juda wawonie putu kukaia, namnekie Israeli barua etana nao kwa wundu ghwa wulaki ghwake, ela nao moni kwa kusowa wuloli ukalemwa ni kuobua; ukafuma na kubonya wumalaya.

JEREMIA 7:9

Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

JEREMIA 9:2

Na wei nadapata andu kungi kolala kireti, andu kolala kwa wandu widambagha, kumangu nawisigha wandu wapo nipate kughenda na kukaia kula nawo. Kwa kukaia wose ni walaki, izungu ja wandu wa mikalo.

KILILO CHA JEREMIA 3:42

“Dabonyere kaung'a dikakulegha, na oho ee BWANA ndekudifuye wughoma.

EZEKIELI 22:11

Mndumu uasela na muka wa mmbao na umu ualala na mka-mwanwake, umu ualala na mruna uvalo ni mka-ndee.

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

HOSEA 13:6

Ela iji morejieghe mkaghuda andenyi ya isanga ja ilaghiro, morekujosereghe ngolonyi konyu mkaniliwa.

HOSEA 4:2

Waawuyabonya malaghiro na kughichikanya; waawuyaghora tee, kubwaghwa, na kuiwa, na kulaka. Wachua kuchikanya sharia, na kuchuria kubwagha.

HOSEA 7:4

Wose ni wakalii wisewadie wuloli ghungi. Kuzamilwa kwawo kooka sa modo ghuko irikonyi ghusesindikirwagha ni muochi mikate, hata mufu waghukanda ghwameria kungirwa chachu.

WALAWI 20:10

“Mndungi ukabonya wulaki na muka wa mmbao, waja walaki wose, mndwawomi na muka wibwaghwa.

AMOSI 8:14

Awo wandu wighemagha kwa milimu ya Samaria, wikighamba, ‘Kwa mlungu ghwa Dani’ angu ‘Kwa mlungu ghwa Beer-sheba’ wandu awo wichaghwa hata ndewiichaawuka sena.”

ZEFANIA 1:5

Nichatotesha kula mundu ujokagha aighu nyumbenyi kutasa iruwa na mori na nyerinyeri. Sena nichawitotesha awo winitasagha na kughema kwa irina japo sena ii chia wiaghema kwa irina ja ghuja mlungu Moleki.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

1 WAKORINTHO 6:9

Huwu ndemmanyire angu wawiwi ndewichaapata ifwa ja wuzuri ghwa Mlungu? Msakekalilwa; walaki, watasi milimu, wandu wiselagha na waka wa wandu, womi wikubonyagha weni sa waka, na womi wikanyagha na womi sa waka,

1 WAKORINTHO 8:4

Wokoni na kuja vindo vifunyiro kizongona kwa milimu, isi damanya angu “Milimu si kilambo chingi,” na angu Mlungu ungi mzima ndeuko, ela umweri.

WAGALATIA 4:8

Aho imbiri, iji morekoghe msemwichi Mlungu, morekoghe wazumba wa iyo milungu iseko milungu kwa tabia yawo anduangi;

WUKUMBUSO 32:15

“Wandu wa BWANA werewurieghe wazuri wa mali, ela waleghi; werejieghe vindo wikabanda na kusisina. Weremsighieghe Mlungu Muumbi wawo, na kumlegha mkiri wawo uwadie ndighi.

WUKUMBUSO 32:21

Waniredie machu kwa wundu ghwa milungu yawo, wanibonyere nikaie na iriso kwa iyo milungu iseko milungu ingi loli. Kwa huwo nichawibonya wiwawo ni ngolo kwa kutumia mbari imu; nichawibonya wiwado ni iriso kwa kutumia mbari ya makelu.

WAEBRANIA 13:4

Ndoa ineko ishima ni wandu wose, na awo wilowuane wikaie waloli kula mundu na mmbao; angu Mlungu uchawitanya walaki, na awo wiselagha na waka wa wandu.

JAKOBO 4:4

Inyo walaki! Wele ndemmanyire kubonya wughenyi na wurumwengu ni wumaiza kwa Mlungu? Kwa huwu uhu ukundagha kukaia mghenyi wa wurumwengu wakubonya moni kukaia m'maiza wa Mlungu.

JOSHUA 23:7

eri msechewadana na mbari ra wandu wisigharikie aghadi konyu, angu kuighora milungu yawo, angu kughema, angu kuidumikia, angu kuighoghomia.