JEREMIA 5:3 - Biblia Ilagho Jiboie Kwa Wandu Wose

³ Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

JEREMIA 5:3 ပူးပေါင်းရင်းမြစ်များ

KUZOYA 19:34

Ituku ja kawi uja mwai m'baa ukamzera uja mtini, “Ola nalale na aba ikwau; ndedimnyoshe divei sena ichi kio, na oho kungie kulale nao, nesi dikupatire kivalwa kwa aba.”

1 WAZURI 13:33

Hata nyuma ya huwo saki, Mzuri Jeroboamu nderesighieghe wuwiwi ghwake, ela ukachuria kuwika wakohani andu kotasira mighondinyi icho kisha kufuma kwa wandu wa ndonyi. Mundu uo ose orekundeghe wukohani, Jeroboamu wadammbika ukaie mkohani wa andu kotasira mighondinyi.

2 WAZURI 1:13

Mzuri ukaduma m'baa umu wa kadadu na wandu wake mirongo misanu. Uja m'baa ukaghenda na kughwa maghunyi kwa Elija, ukamvoya ukighamba, “Ee mundu wa Mlungu, nakulomba kuwone irangi japo na ja awa wandu mirongo misanu kukaia ja zoghori imbiri kwako.

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

2 MALAGHO GHA NGELO 28:22

Iyo ngelo cheni Mzuri Ahazi orekoghe andenyi ya wasi m'baa, ukachuria kusowa kukaia mloli kwa BWANA.

ZABURI 51:6

Oho kwadakunda loli ya kondenyi; kunifundishe hikima ya ngolonyi.

ZABURI 51:8

Kunibonye niboilo na kuseka; andu korekuchikanyireghe, kuwurilo ni kuboilwa.

ZABURI 55:20

Mngara wapo orekufunyireghe kulwa na waghenyi wake, ukajinona ilaghano jake.

MAKATANISHO 21:29

Mundu mmbiwi wadakubonya wei uabonya kazi, ela mundu mucha wadabonya agho ughipimie nicha.

MAKATANISHO 22:12

BWANA wadazighana na kuilindia loli, ela wadaghilegha malagho gha watee.

MAKATANISHO 23:35

Kuchaghamba, “Nakabilo, ela sivavirikie; Nabulilo, ela simanyagha. Niwukali niendelola imu?”

MAKATANISHO 27:22

Kukeduamkaba mkelu uvikie kuwoneka seji kwaamchana na kumfashanya na viro a kidunyi, sena ndelekaa wukelu ghwake.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 42:25

Niko huwo BWANA ukawidiria machu ghake ghibirie, na ugho wuda ghubirie; werekoreloghe ni machu ghake, ela awo ndeweremanyireghe gherewikorieghe, hata ndeweretalieghe anduangi.

ISAYA 48:4

Ini nakuichi kwaghilikie, na singo yako yakurie sa chuma, na wushu ghwako sa shaba;

ISAYA 9:13

Hata ngera BWANA wa majeshi wawikabie, ela wandu wa Israeli ndewiherie wikaghaluka na kumlola BWANA anduangi.

JEREMIA 15:7

Nameria kuwiela na lungo, mbengenyi ra isanga; nabwaghie wana wawo, na kuwitotesha wandu wapo, kwa kukaia ndeweresighieghe chia rawo mbiwi.

JEREMIA 17:23

Elaima sena ndeweresikireghe, hata kudegha madu ghawo kwapo, ela wikaghilisha singo, eri wisechesikira na kuwada mafundisho.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

JEREMIA 3:3

Kwa huwo mishushure ya vua yamerie kughirilwa na vua ya kwari kusoweka. Sena kwadazighana sa ilaya, hata ndekune waya.

JEREMIA 32:19

kuko m'baa kwa njama rako na kwa mabonyo ghako; kwadawona chia rose ra wadamu na kumlipa kula mundu karakara na mabonyo ghake;

JEREMIA 35:13

BWANA wa majeshi, Mlungu wa Israeli wanizerie nighende niwizere wandu wa Juda na awo wikaiagha Jerusalemu, “Welee, moolegha mafundisho, na kuleghasikira malagho ghapo?

JEREMIA 44:10

Ndewikuserie weni hata idime iji; hata ndewiniobue na kughenda kwa sharia rapo na kughiwadia malaghiro ghapo nighiwikie imbiri konyu na imbiri ya weke ndeyo.

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

JEREMIA 7:28

Na oho kuchawizera, ‘Ihi ni mbari iserelusikireghe lwaka lwa BWANA Mlungu wawo, hata ndewerewusireghe kuja kuwunjwa ni Mlungu, na kwawo loli yamerie kusia, hata ndeikaiagha anduangi.’

JEREMIA 8:5

Kwaki sena awandu wa Jerusalemu wiwurie nyuma wiseheagha? Wiamaziriana na maza ra mikalo, nawo walegha kughaluka na kuhea.

EZEKIELI 2:4

Wokoni awa ni wandu wishughunukie, sena wighilikie. Ini naawuyakuduma kwa awo wandu, na oho kuchawizera, ‘Bwana MLUNGU waghamba huwu,’

EZEKIELI 24:13

Ngama yaro ni agho mabonyo ghako ghizamie gha wulaki ee Jerusalemu. Angu kumangu nakueleshere, ela koolema kuela kufumanya na wuchafu ghwako; kwa huwo ndekuchaaeleshwa sena hata nameria kukatisha lubio lwapo aighu yako.

DANIELI 9:13

Bugha rose riandikilo andenyi ya Sharia ya Musa, ramerie kudichea; sena hoku ndedicheekuvoya BWANA Mlungu odu kudineke kughaluka na kusigha mawiwi ghedu, dipate kuisikira loli yako.

WALAWI 26:23

“Mkalegha kunighalukia nyuma ya agha makabo ghose, na kuchuria kunimenya,

AMOSI 4:10

“Neredumieghe saka izamie aghadi konyu, sa ija nereidumieghe Misri, ngawibwagha wandu wenyu wa irika wudenyi, ngawusa farasi renyu, ngam'bonya mnukilo ni gharia renyu kambinyi. Nenyo hata huwo saki, ndemorenighalukieghe.

AMOSI 4:11

“Neretoteshereghe wamu wenyu seji neretoteshereghe wandu wa Sodoma na Gomora. Awo morevuvukieghe morekoghe sa kamudi kavuvulwa modonyi. Hata huwo saki ndemorenighalukieghe,” waghamba BWANA.

AMOSI 4:6

“Ni ini neremredieghe njala andenyi ya kula muzi ghonyu; mkasowa vindo kula andu morekaieghe; ela hata huwo saki ndemorenighalukieghe.

AMOSI 4:8

Wandu wa mizi iwi idadu wereghendieghe kwa muzi ghumweri kulola machi, ela ndewereghipatireghe gha kuwikata; nenyo hata huwo saki ndemorenighalukieghe.”

AMOSI 4:9

“Neredumieghe mbeo eomera viro venyu. Ngareda zighe riwoneja mbuwa renyu, mizabibu yenyu na mitini yenyu na mizeituni yenyu, nenyo hata huwo saki, ndemorenighalukieghe.

ZEFANIA 3:7

Neregheshereghe wandu wapo wichanitala, winughe mawonyero na mafundisho ghapo kuseko kuliwa. Ela shwa wori wikaazama kuchumba imbiri.

WAROMA 2:2

Isi daichi kukaia kutanya kwa hachi kwa Mlungu ni aighu ya awo wibonyagha maza sa iro.

WAEBRANIA 12:9

Chiaimweri na agho isi derekoghe na weke aba wa ndoenyi, werekoghe wikidikania, nesi dikawineka ishima. Welee, ndeidifwane dikusere kuchumba kwa Aba wa roho redu dipate kukaia moyo anguwada?