JEREMIA 5:22 - Biblia Ilagho Jiboie Kwa Wandu Wose

²² Wele ndemuniobuagha ini? Ndemsughusikagha imbiri kwapo? Ini nawikie msangagha ghukaie mpaka ghwa bahari, kighirio cha toe machi ghisedimagha kuchumba, hata ngera mivo-mivo ya bahari yakumicha, isedimagha kughusima, hata ngera yaruruma, isedimagha kuida aighu yaro.

JEREMIA 5:22 ပူးပေါင်းရင်းမြစ်များ

KUZOYA 1:9

Mlungu ukaghamba, “Machi ghiko mlungunyi nandonyi ndeghitumbanyike chiaimweri, na ndoe iomie iwoneke.” Nao ikakaia wokoni.

1 WAZURI 13:28

Ukaghenda ukaghuwona mumbi ghwa uja mlodi wa Mlungu ghuko achienyi, na shimba na punda riko kimusi mbai na mbai ya ugho mumbi. Shimba ndeerejieghe ugho mumbi, hata kubwagha punda.

AYUBU 26:10

Wawaghie mwengere na kira, ukabonya mwano aighu ya bahari.

AYUBU 37:24

Kwa huwo wandu wadamuobua kwa ishima, nao ndewitalagha wandu wikughesheragha weni kukaia na hikima.”

AYUBU 38:8

“Nani orevingieghe machi gha bahari, ingelo gherevungukagha embelonyi kwaro?

ZABURI 104:9

Korebonyereghe mwano machi ghisechumbe, ghisechewuyafinikira ndoenyi sena.

ZABURI 119:120

Naawuyakuobua; niaobua matanyo ghako.

ZABURI 33:7

Oretumbanyireghe machi gha bahari kitungu kitungu, ukawika andu kumilie nganyenyi.

ZABURI 46:3

Hata ngera machi gharo gharuruma na kufunya ifuo, na mighondi kusughuswa ni mivo-mivo yaro, ndedichaaobua.

ZABURI 99:1

BWANA ni mzuri, wandu ndewisughusike! Wasea kidombo kifumbinyi cha nguma naighu ya makerubi, ndoe ndeizingizike!

MAKATANISHO 8:29

iji orewikagha mwano ghwa bahari, eri machi gharo ghisechumbe andu kwaro, iji orebonyagha msingi ghwa ndoenyi.

ISAYA 50:2

Kwaki mndungi userekoghe iji nerechieghe? Na kwaki mndungi useredikieghe iji nerewangieghe? Welee, ndighi rapo reepungua nisedimagha kukombua? Angu welee, siwadie ndighi rekira? Olenyi ngaikemia bahari yadaoma; nani nadaomera meda hata andu kwaro kuwuye ikara. Samaki raro rasowa machi naro rafwa kwa kau na kuwoa.

ISAYA 64:2

seji modo ghukoragha visachi, na kughibonya machi ghichemke, sea kubonye irina jako jimanyike kwa wamaiza wako, na iro mbari ra wandu risughusike imbiri kwako.

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

JEREMIA 10:7

Nani usekuobuagha oho ee Mzuri wa iro mbari ra wandu? Angu kwafwana oho kuwusa ijo ishima; angu ndekuwadie ungi sa oho, aghadi ya wandu wa akili wa iro mbari, hata aghadi ya mawuzuri ghawo ghose.

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 31:35

BWANA, uo uwikie iruwa jifunyeghe mwengere nadime, uo ulaghirie mori na nyerinyeri rifunyeghe mwengere nakio, uo unyavuragha bahari hata mivo-mivo yake irurume, uwangwagha BWANA wa majeshi, waghamba huwu,

DANIELI 6:26

Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.

AMOSI 4:12

“Kwa wundu ugho nichamkaba ee wandu wa Israeli. Idana kwa kukaia nichabonya huwo, kuboisenyi mkwane na kutanya kwapo.”

AMOSI 9:6

BWANA wadaagha muzi ghwake mlungunyi, na kuwika mawingu naighu ya ndoenyi. Wadawanga machi gha baharinyi na kughidia aighu ndoenyi. Irina jake ni BWANA.

JONA 1:16

Nao wandu wikamuobua BWANA nandighi, wikamfunyira kizongona na kum'bonyera ighemi.

NAHUMU 1:4

Wadaidokia bahari na kuiomera, wadaomera meda yose. Mbuwa ra Bashani ranyaya, na Mghondi ghwa Karmeli ghwaoma. Maua gha Lebanoni ghasia.

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

MARKO 4:39

Jesu ukawuka, ukaikemia mbeo, na kuizera ndiwa, “Nyama, kuhoo”. Nao mbeo ikasia, kukakaia kuhoa kubaa.

LUKA 12:5

Ela nichammbonyera uo ufwane kuobolwa, muobuonyi uo nyuma ya kubwagha, uko nandighi rekumba jehanamunyi, ee namghoria, muobuonyi Uo.

WUKUMBUSO 28:58

“Kukalegha kulindia na kubonya malagho agha ghose gha sharia ghiandikilo andenyi ya chuo ichi; eri kupate kujiobua ijo irina ja BWANA Mlungu wako, jiko ibaa, jeobosha,

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”