JEREMIA 5:21 - Biblia Ilagho Jiboie Kwa Wandu Wose

²¹ Sikirenyi malagho agha inyo wandu wakelu msewadie akili ringi; wandu muko na meso, ela msewonagha.

JEREMIA 5:21 ပူးပေါင်းရင်းမြစ်များ

ZABURI 94:8

Inyo wandu msowie akili tambukilonyi! Wakelu, ni lii mchaakufundisha?

MAKATANISHO 17:16

Eko fwaidaki mkelu kukaia na pesa reghua kishomo, ikakaia usene haja ekufundisha?

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

ISAYA 43:8

Mlungu waghamba, “Wiredenyi wandu wapo wiko na meso ela ndewiwonagha, awo wiko na madu ela ndewisikiragha.

ISAYA 44:18

Wandu awo ndewiichi ilagho jingi, hata ndewimanyagha; kwa kukaia meso ghabwaghilo wisewone, na akili rawo rafue ndewitambukilwagha.

JEREMIA 10:8

Wose wakaia wakelu wisena akili, wifundishwagha ni milimu ya midi!

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

JEREMIA 5:20

BWANA waghamba, “Ghorienyi kivalwa cha Jakobo, na kuwiereshera wandu wa Juda maza iri,

JEREMIA 5:4

Niko ngaghamba, “Awa ni wandu wakiwa, ndewiwadie akili ringi; kwa kukaia ndewiichi chia ya BWANA iyo sharia ya Mlungu wawo.

JEREMIA 6:10

Nani ngaghamba, “Malaghiro agha nimzera angu nimghoria ani udimagha kusikira? Ola madu ghawo ghafindikikie, ndeghidimagha kusikira; hata ilagho ja BWANA kwawo jakaia sa madukano, ndejikundikie kwawo; hata ndejiwiboiagha anduangi.

JEREMIA 7:13

Mwabonyere kaung'a iri rose; na iji nereghorieghe nenyu kalazi, ndemorenisikireghe; hata iji neremmbangieghe wori ndemoredikieghe.

JEREMIA 8:7

Ichachula jiburukagha mbeonyi jaichi ngelo rake rewuya, hata mbughi, na mbeumbeu, na mnyange walindiagha ngelo rawo rewuya, ela wandu wapo ndewiichi sharia rapo.

EZEKIELI 12:2

“Mwana wa mdamu, oho kwadakaia aghadi ya wandu welegha. Wawadie meso, ela ndewiwonagha; wawadie madu, ela ndewisikiragha, kwa kukaia, awo ni wandu welegha.

HOSEA 7:11

Israeli ooka sa mbughi isena akili; wandu wake wiammbanga Misri uchewitesia, sena ii chia wiakimbiria cha Ashuru.

ZEKARIA 7:11

“Ela wandu wapo wereleghieghe kusikira, wikaghilika, wikafindika madu ghawo wisesikire.

MARKO 4:12

eri, ‘Kuzighana, loli wizighane, ela wisakewona anduangi; na kusikira, loli wisikire, ela wisaketambukilwa anduangi. Eri wisecheghaluka, na kulekelwa kaung'a rawo.’”

MARKO 8:18

Meso mwawadie ela ndemmbonagha, na madu mwawadie ela ndemsikiragha, hata ndemkumbukagha?

JOHANE 12:40

“Mlungu wawifunga meso ghawo, na kurikurisha akili rawo eri meso ghawo ghisepate kuwona, na akili rawo risetambukilo, wisechenighalukia, nipate kuwiboisa.”

MABONYO GHA WADUMI 28:26

‘Ghenda kuwizere wandu awa, Kusikira loli mchasikira, ela jingi ndemchaatambukilwa; na kuzighana loli mchazighana, ela ndemchaawona.

WAROMA 1:20

Kufuma Mlungu waumba wurumwengu, ndighi rake ra kala na kala na wulungu ghwake ghusewonekagha, vamerie kuwoneka worinyi kwa chia ya ivo vilambo vibonyero. Kwa huwu, awo wandu ndewiwadie jekudederia anduangi;

WAROMA 11:8

sa iji koni iandikilo, “Mlungu oowineka roho ya wukelu, meso ghisewonagha, na madu ghisesikiragha hata idime.”

WUKUMBUSO 29:3

Morewonieghe makabo mabaa, alama na mashiniko.

WUKUMBUSO 29:4

Ela hata idime, BWANA waduagha usemnekie akili retambukilwa, angu meso ghewona, angu madu ghesikira.

WUKUMBUSO 32:6

Huwo niko mumlipagha BWANA inyo wakelu msewadie akili? Uo ni ndeyo na Muumbi onyu, wam'bonyere mkawuya mbari.