JEREMIA 5:18 - Biblia Ilagho Jiboie Kwa Wandu Wose

¹⁸ BWANA waghamba, “Ela hata andenyi ya matuku ghaja, sichaawimeria wandu wapo putu anduangi.

JEREMIA 5:18 ပူးပေါင်းရင်းမြစ်များ

JEREMIA 30:11

Angu ini neko andwamweri nenyo nipate kumkira; nicharitotesha putu iro mbari rose andu neremsaghisireghe, ela inyo sichaamtotesha anduangi; nichamkaba kwa hachi, hata sichaamsigha jingi kuseko na makabo ghemmbunja.”

JEREMIA 4:27

BWANA waghamba huwu, “Isanga jose jichawuya iduu, ela sichaajimeria putu kungi.

JEREMIA 5:10

Jokenyi muitoteshe mizabibu yawo, ela mseitoteshe putu; injenyi mbashu raro, kwa kukaia si ra BWANA kungi.

JEREMIA 5:17

Wichaja makuwido ghako na vindo vako; wichabwagha wana wako wa womi na wa waka; wichachinja ng'ondi rako na ng'ombe rako; wichanona mizabibu yako na mitini yako; wichanona mizi yako ya ngome kuirumirie, kwa wuda.”

JEREMIA 5:19

Na ngelo wichaaghamba, ‘Ado kwaki BWANA Mlungu odu wadibonyera maza iri?’ Kuchawizera, ‘Sa iji koni winileghie na kuidumikia milungu ya kighenyi isangenyi kwawo, niko koni wichaawidumikia wandu wa kighenyi isangenyi jiseko jawo.’”

EZEKIELI 11:13

Nao iji nerekoghe ngifunya wulodi, Pelatia mwana wa Benaia ukafwa. Niko ngaghwa kiwushu-wushu, ngamlilia BWANA kwa lwaka lubaa ngighamba, “Ai e Bwana MLUNGU! Wele kuaghimeria masighariko gha wandu wa Israeli putu?”

EZEKIELI 20:17

“Elaima nerewiwonieghe wughoma, hata serewitoteshereghe angu kuwimeria kireti anduangi.

EZEKIELI 9:8

Hata iji werekoghe wikibwagha, nani ii chia naasigharika niekeri, ngaghwa kiwushu-wushu ngalila ngighamba, “Ai, e Bwana MLUNGU! Kuabwagha masighariko ghose gha Israeli kwa wundu ghwa machu kwakaia nagho aighu ya Jerusalemu?”

HABAKUKI 1:12

Ee BWANA Mlungu wapo, kuko Mweli wapo, si oho kumoni kuko wa kala na kala? Ndedifwagha kungi. Ee BWANA, ni oho kumoni kuredie Wababuloni wipate kutanya, na oho ee Mlindiri, koowimangisha wipate kudikaba.