JEREMIA 5:17 - Biblia Ilagho Jiboie Kwa Wandu Wose

¹⁷ Wichaja makuwido ghako na vindo vako; wichabwagha wana wako wa womi na wa waka; wichachinja ng'ondi rako na ng'ombe rako; wichanona mizabibu yako na mitini yako; wichanona mizi yako ya ngome kuirumirie, kwa wuda.”

JEREMIA 5:17 ပူးပေါင်းရင်းမြစ်များ

ISAYA 62:8

BWANA waghemie kwa ndighi rake mbaa, kwa kudima kwake; “Sichaafunya viro vako sena vikaie vindo va wamaiza wako, na waghenyi ndewichaanywa sena divei yako koreidumikieghe anduangi.

ISAYA 62:9

Ela awo wandu weni werevikuwidireghe wichaja vindo varo na kunikasa ini BWANA; na awo wereriwaieghe zabibu wichanywa divei yaro wazenyi kwa Andu kwapo kwa Wueli.”

ISAYA 65:22

Ndewichaagha nyumba nao riwuekailwa ni wandu wazima, hata ndewichaawa viro na vindo varo vijigho ni wandu wazima. Wandu wapo wichadua moyo miaka mingi sa midi, na wasaghulwa wapo wichaboilwa luma ni kazi ra mikonu yawo.

JEREMIA 1:15

Olenyi nichariwanga mbari ra mawuzuri gha kaskazinyi, nawo wichacha, na kula umu wawo uchawika kifumbi chake cha nguma aho andu kongiria kwa mbenge ya Jerusalemu, wikibonya wuda na kughumara wurigha ghwaro, wikilwa na mizi yose ya Juda.

JEREMIA 25:37

Maranu gha sere ghichasaghiswa kwa wundu ghwa agho machu ghibirie gha BWANA.

JEREMIA 4:26

Ngazighana ngawona, isanga jerechuloghe ni matunda jawuya kireti; na mizi yaro yose yawuya maghacho, kwa wundu ghwa machu ghibirie gha BWANA.

JEREMIA 4:7

Mtoteshi wa iro mbari ra wandu wameria kufuma sa shimba ifumagha kisachinyi chake; waawuyacha kumtotesha Juda, na mizi ya Juda ichasighwa yameria kuwuya maghacho; na mndungi okaia andenyi yaro uchaasoweka.

JEREMIA 5:18

BWANA waghamba, “Ela hata andenyi ya matuku ghaja, sichaawimeria wandu wapo putu anduangi.

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

JEREMIA 50:7

Awo wose werewiwonieghe werewibwaghieghe; na wamaiza wawo wikaghamba, ‘Isi ndediwadie ikosa, ela awo niwo wibonyere kaung'a kwa BWANA, na aho niko andu kwawo kokaia kwa loli, uo BWANA, uko isuwirio ja weke ndee.’

JEREMIA 8:13

“Ngelo nichaawitumbanya wandu wapo wichakaia sa mzabibu ghusewadie zabibu, na sa mtini ghusewadie tini; na mbashu raro richakaia riomie, na icho nerewinekieghe, wichasokwa.”

JEREMIA 8:16

Mrurumo ghwa farasi ra wamaiza wedu ghwasikirika kufuma Dani, lwaka lwa farasi rawo ra womi, lwasughusa ndoe yose. Wacha kujimeria isanga chiaimweri na kula kilambo chiko andenyi yaro, ugho muzi na wandu wikaiagha andenyi yaro.”

KILILO CHA JEREMIA 2:12

Walilia weke mae kwa wundu ghwa njala na kau; “Mkate na divei ghoko hao?” waghwa achienyi sa wandu wishoghonolo, nawo wafwa mboa mboa mikonunyi kwa weke mae.

KILILO CHA JEREMIA 2:2

BWANA wanonie kula muzi ghwa Israeli kuseko wughoma. Wavuchue ngome ra wandu wa Juda kwa machu ghake; ukainja ishima ja mawuzuri na wabonyi nguma waro.

EZEKIELI 36:4

kwa huwo ee mighondi ya Israeli, sikira seji ini Bwana MLUNGU nighambagha aighu ya mighondi mibaa na mitini, mavongo na vololo, andu kusighilo kuduu, na mizi ya kireti iwurie madiwo na kusekwa ni wandu wa mbari riko mbai-mbai;

HOSEA 2:12

Nichainja mizabibu na mitini yake, iyo orekoghe ukighamba wei wakundwa wake wedemneka kwa wundu ghowidumikia. Nichaighalua mizabibu na matunda ghake ghiwue kireti.

HOSEA 8:14

“Wandu wa Israeli waaghie ngome, ela wamliwie Muumbi wawo. Wandu wa Juda waaghie mizi ya ngome, ela nichaduma modo aighu ya iyo mizi ghukore ngome na mizi yawo.”

JOELI 2:3

Riameria miwalwa yose sa modo; imbiri risechee isanga jedeeka sa Mbuwa ya Edeni; nyuma yawo isanga jikaawuya ikara. Ndekuwadie kindo chingi chisighilo chisejilo.

WALAWI 26:16

nicham'bonya huwu: Nichamredia maza reobosha, makongo ghiseboagha, homa rem'bwagha meso na kumeria marangi ghenyu. Mchawa viro, ela ndemchaapata kindo chingi; kwa kukaia wamaiza wenyu wichavija.

ZEFANIA 3:6

BWANA waghamba, “Nameria kuritotesha mbari zima rose; namerie kuinona mizi yawo, mawurigha gharo na minara yawo. Chia rawo reesighwa nduu, ndekuwadie mndungi aho.

MALAKI 1:4

Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’”

WUKUMBUSO 28:33

Mbari kuseiichi, ichaja vindo kuvilimie kwa wasi, na oho kuchadua kukikorongwa na kubonywa kiwiwi;