JEREMIA 5:15 - Biblia Ilagho Jiboie Kwa Wandu Wose

¹⁵ “Ola nawuyareda aighu yenyu inyo wandu wa Israeli, mbari ya wandu ifumagha kula. Ni mbari imange, mbari ya kala, kiteto chawo msechimanyagha, hata msedimagha kuelelwa ni agho wighoragha.

JEREMIA 5:15 ပူးပေါင်းရင်းမြစ်များ

KUZOYA 11:7

Idana ndedisee diwitasanyire kiteto chawo, eri wisesikirane madedo weni na weni.”

ZABURI 81:5

Odeiwika ikaie momu kwa wandu wa Israeli, ingelo orekabagha isanga ja Misri. Nasikira lwaka niseluichi lukighamba,

ISAYA 28:11

Mkalegha kunisikira, Mlungu uchatumia waghenyi kudedanya nenyo wipate kumfundisha.

ISAYA 29:3

Na Mlungu uchaghurughaia ugho muzi; uchaagha ngome na minara minara, elwa nagho.

ISAYA 29:6

kuchachelwa ni BWANA wa majeshi, kukuvuvua kwa lukuwa na msughusiko ghwa ndoe; na lwaka lubaa, na kikulughulu na kiremba; na lumu lwa modo lukoragha.

ISAYA 33:19

Wang'eti ndekuchaawiwona, wandu wa madedo gha kighenyi ghisekueliagha; widedagha seji wiaghughumia.

ISAYA 39:3

Niko mlodi Isaya ukamchea Mzuri Hezekia ukamzera, “Awandu wafumie hao, nawo waghorie wada?” Hezekia ukaghamba, “Weenichea kufuma isanga ja kula ja Babuloni.”

ISAYA 5:26

BWANA uchaikunyiria mbari ya wandu iko kula, uchawifughia mori kufuma kutua kwa ndoenyi, na wandu waro wichacha na iseghe shwa-shwa.

ISAYA 5:7

Wandu wa Israeli niwo iyo mbuwa ya BWANA wa majeshi, na wandu wa Juda niwo ugho mzabibu ghuboie oreghuwaeghe; ukalola kuwona loli ikibonywa, ela wulalo ghwaro ukawona kifwa, ukalola kuwona mabonyo gha hachi, ela wulalo ghwaro ukasikira kililo.

JEREMIA 1:15

Olenyi nichariwanga mbari ra mawuzuri gha kaskazinyi, nawo wichacha, na kula umu wawo uchawika kifumbi chake cha nguma aho andu kongiria kwa mbenge ya Jerusalemu, wikibonya wuda na kughumara wurigha ghwaro, wikilwa na mizi yose ya Juda.

JEREMIA 2:26

BWANA waghamba, “Seji kitoi chifwagha waya ingelo chawadwa, ni huwo koni Israeli uchaafwa waya, awo weni, na wazuri wawo, na wabaa wawo wa wandu, na wakohani wawo, na walodi wawo

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 4:16

Ghorienyi iro mbari ra wandu kukaia m'maiza waawuyacha; tangazirenyi Jerusalemu huwu, “Wamaiza wawuyacha kufuma isanga ja kula, nawo wiakema aighu ya mizi ya Juda;

JEREMIA 5:11

Kwa kukaia wandu wa Israeli na wandu wa Juda, waleghie kukaia waloli kwapo putu.”

JEREMIA 6:22

BWANA waghamba huwu, “Olenyi wandu wichacha kufuma isanga ja kaskazinyi, mbari mbaa yanyavurika kufuma isanga ja kula nandighi ja ndoenyi kubonya wuda.

JEREMIA 9:26

Nichawikaba wandu wa Misri, na wa Juda, na wa Edomu, na wana wa Amoni, na wandu wa Moabu, na wandu wose wikaiagha kireti widumbuagha maridia ghawo virodi; wandu awa wose ndewishamishiro, na wandu wa Israeli wori ndewishamishiro ngolonyi kwawo.”

EZEKIELI 18:31

Sighenyi makosa ghenyu ghose m'bonyere aighu yapo, mmbuse ngolo mbishi na roho mbishi. Kwaki mfwagha ee wandu wa Israeli?

DANIELI 1:4

Werekoghe wikaie wandu wa irika wiseko na itiko, wighokie sena wiko na kumanya kwa hikima yose. Wichulo ni kumanya, na hikima ekunda kukufundisha, widimagha kudumika andenyi ya ngome ya mzuri. Ashpenazi orekoghe uwifundishe hata wimanye kiteto cha Kibabuloni.

DANIELI 7:7

“Nyuma ya iro, nerewonieghe kwa mawono nakio, nyamandu ya kana eobosha na ya mashiniko; nayo erekoghe nandighi nyingi, na maghegho mabaa gha chuma; ikabara-bara madiwo ghake na kuja; ikafasha-fasha masighariko kwa maghu ghake. Erekoghe na wuchumbano m'baa na iro nyamandu zima rerekoghe imbiri yake; nayo erekoghe na mbembe ikumi.

AMOSI 6:14

BWANA Uwadie-Ndighi-Rose waghamba, “Olenyi nichamredia ijeshi ja kighenyi isangenyi konyu, ee wandu wa Israeli, nawo wichamkoronga kufuma mbembe ya Hamathi cha kaskazinyi hata kamoda ka Araba cha kusinyi.”

HABAKUKI 3:16

Nasikire agho malagho, ngasughusika; na memu yapo ikasughusika kwa wowa. Maindi ghapo ghikateweleka, ngawoka kutighina. Nichaweseria mboaeri ituku jivike, ingelo Mlungu uchaawikaba wandu wawuyadikaba.

1 WAKORINTHO 14:21

Yaandikilo Sharienyi, “Kwa chia ya wandu widedagha viteto va ngenyi, na kwa memu ya waghenyi, nichaghora na wandu awa; ela hata huwo saki, ndewichaanisikira anduangi, waghamba Bwana.”

WUKUMBUSO 28:33

Mbari kuseiichi, ichaja vindo kuvilimie kwa wasi, na oho kuchadua kukikorongwa na kubonywa kiwiwi;

WUKUMBUSO 28:49

BWANA uchareda mbari kufuma kula ichelwa nakumoni; ni mbari iangue sa indu iburukagha, idedagha kiteto kusechimanyagha.