JEREMIA 5:10 - Biblia Ilagho Jiboie Kwa Wandu Wose

¹⁰ Jokenyi muitoteshe mizabibu yawo, ela mseitoteshe putu; injenyi mbashu raro, kwa kukaia si ra BWANA kungi.

JEREMIA 5:10 ပူးပေါင်းရင်းမြစ်များ

2 MALAGHO GHA NGELO 12:4

Ukaiwada mizi ya ngome ya Juda, ukacha hata Jerusalemu.

2 MALAGHO GHA NGELO 36:17

Kwa huwo BWANA ukawiredia mzuri wa Babuloni, ukawibwagha wandu wawo wa irika andenyi ya Hekalu; nao nderekoghe na wughoma ghungi kwa mdawana, angu mwai; mghosi, angu mkeku; Mlungu ukamneka kuwisima wose.

JEREMIA 2:21

Ela sena nerekuwaeghe karakara na mzabibu ghusaghulo, ghufumie kwa mbeu ndicha. Kwaghalukie-ghalukie wada, kukawuya mzabibu ghwa isakenyi?

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 30:11

Angu ini neko andwamweri nenyo nipate kumkira; nicharitotesha putu iro mbari rose andu neremsaghisireghe, ela inyo sichaamtotesha anduangi; nichamkaba kwa hachi, hata sichaamsigha jingi kuseko na makabo ghemmbunja.”

JEREMIA 39:8

Wababuloni wikaikora ngome ya mzuri, na nyumba ra wandu; wikaghuchikanya wurigha ghwa Jerusalemu.

JEREMIA 4:27

BWANA waghamba huwu, “Isanga jose jichawuya iduu, ela sichaajimeria putu kungi.

JEREMIA 46:28

Msakeobua ee kivalwa cha Jakobo mdumiki wapo, angu ini neko chiaimweri na inyo. Nicharinyamirisha mbari rose aho neremghenjereghe; ela inyo sichaamnyamirisha, nichamkania kwa kipimo cha hachi, na kwa ivo vose sichaamsigha kuseko na ikabo.”

JEREMIA 5:11

Kwa kukaia wandu wa Israeli na wandu wa Juda, waleghie kukaia waloli kwapo putu.”

JEREMIA 5:18

BWANA waghamba, “Ela hata andenyi ya matuku ghaja, sichaawimeria wandu wapo putu anduangi.

JEREMIA 5:9

Welee, ndeinifwane niwikabe kwa maza iri? Ndeinifwane nilipie kisasi kwa mbari ya wandu sa ihi?

EZEKIELI 12:16

Ela nichabonya watini wawo wifufunuke icho kifwa cha lufu na cha njala na cha saka izamie, eri ingelo wiko aghadi ya iro mbari ra wandu wirighendiagha, wipate kurumiria ugho wuchafu ghwawo wereghubonyereghe na kumanya kukaia Ini ne BWANA.”

EZEKIELI 14:17

Na hata iji nareda wuda isangenyi, na kufunya momu waisanga wibwagho, hata wadamu na nyamandu rimerelo,

HOSEA 1:9

BWANA ukamzera Hosea, “Mbange, ‘Si wandu wapo kungi’, kwa kukaia wandu wa Israeli si wapo kungi, na ini se Mlungu wawo kungi.”

AMOSI 9:8

Olenyi ini Bwana MLUNGU naawuyazighanira wandu wa ughu wuzuri ghwa Israeli ghubonyagha kaung'a, nani nichawitotesha wifume ndoenyi; elaima sichaawitotesha wandu wa kivalwa cha Jakobo putu anduangi.

MATHAYO 22:7

Uja mzuri ukawawa ni ngolo, ukaduma masikari ghake, ukawitotesha waja wabwaghi, ukaghukora muzi ghwawo.