JEREMIA 5:1 - Biblia Ilagho Jiboie Kwa Wandu Wose

¹ Kimbienyi ii chia na ii chia andenyi ya chia ra Jerusalemu, mzighane nicha, lolenyi viwachenyi vake kose, ngera mwadima kuwona mndungi ubonyagha hachi, ulolagha loli, nani nichaghufuya wughoma ugho muzi.

JEREMIA 5:1 ပူးပေါင်းရင်းမြစ်များ

1 WAZURI 19:10

Ukatumbulia, “Naabwaghwa ni iriso jako BWANA Mlungu Uwadie-Ndighi-Rose; kwa kukaia wandu wa Israeli wasighie malaghiro ghako, wikachikanya madhabahu ghako, na kubwagha walodi wako kwa lufu. Idana naasighwa niekeri, nawo waawuyalola kunibwagha.”

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

ZABURI 12:1

BWANA ditesie, ndekuwadie mndungi mucha uduagha. Wandu waloli ndewiduagha wandunyi anduangi.

ZABURI 14:2

BWANA wadawizighana wadamu kufuma mlungunyi, uwone ngera oko mndungi uko na hikima, umlolagha Mlungu.

ZABURI 14:3

Wandu wose weelaghaya, wose weenoneka; ndekuwadie ungi ubonyagha nicha, ndeuko hata umweri.

ZABURI 94:16

Nani uchaakufunya unitesie kulwa na wawiwi? Nani uchaanitesia kulwa na wabonyi kiwiwi?

MAKATANISHO 20:6

Wandu wengi wadakunda kukuwonyera seji wiko waloli; ela nani udimagha kumpata mundu uko mloli?

MAKATANISHO 23:23

Kughuo loli, ela kuseiuze; pata hikima, mafundisho, na kutambukilwa.

MAKATANISHO 8:3

Waawuyawangia mbai na mbai ya mbenge ra muzi, andu kongiria:

LUMBO 3:2

Nawukie ngaendamlola mzinyi kose, na chienyi ra muzi, namlolie mkundwa wapo, neremlolieghe ela seredimieghe kummbona anduangi.

ISAYA 59:4

Ndekuwadie ungi onyu ughendagha kotinyi ukikaia na hachi, hata ndekuwadie ungi onyu ukaiagha mloli kwa sharia. Mwakusaghika kwa malagho gha duu, mkighora tee, mwachua mikalo emredia wuwiwi.

JEREMIA 2:29

Kwaki munishitakiagha na hoku mmbose moonilegha?

JEREMIA 44:15

Niko awo womi weremanyireghe kukaia waka wawo werefukirieghe marumba kwa milungu mizima, na awo waka wose werekoghe kimusi aho, izungu ibaa ja wandu, awo wandu wose werekaiagha Misri ya Lughu wikamtumbulia,

JEREMIA 8:6

Nasikirie nao ngasikira, ela ndewiwadie wuloli ghungi. Mndungi ndewuehea wuwiwi ghwake, ughambe, ‘Nabonya wada huwu?’ Kula umu uaghenda kwa chia rake reni, kara kara na farasi ikimbiagha cha wudenyi.

JEREMIA 9:2

Na wei nadapata andu kungi kolala kireti, andu kolala kwa wandu widambagha, kumangu nawisigha wandu wapo nipate kughenda na kukaia kula nawo. Kwa kukaia wose ni walaki, izungu ja wandu wa mikalo.

JEREMIA 9:7

Kwa huwo BWANA wa majeshi waghamba huwu: “Olenyi nichawielesha sena niwitime; da nibonya ilaghoki kwa wundu ghwa wandu wapo?

EZEKIELI 22:30

Neremlolieghe mndungi aghadi kwawo oagha ugho wurigha, nao ukaie kimusi andu kuvuchukie imbiri kwapo, upate kujidederia ijo isanga, eri nisejitoteshe, ela serewonieghe mndungi.

EZEKIELI 9:9

Nao ukanizera, “Kaung'a ra wandu wa Israeli na wandu wa Juda raaka mbaa nandighi; wandu wachulwa ni kudiana bagha isangenyi, na hachi kusoweka andenyi ya muzi ghwa Jerusalemu; angu waghamba, ‘BWANA wamerie kujisigha isanga; na BWANA ndewuewona.’

DANIELI 12:4

Ela oho Danieli, kucha icho chuo, kukabe mhuri aighu yaro hata ngelo ya kutua. Wandu wengi wichaghenda ii chia na ii chia wikilola kuchuria kumanya.”

JOELI 2:9

Raramia muzi na kukimbia aighu ya mawurigha; rajoka aighu na kungia nyumbenyi, rangia na madirisha sa vitoi.

AMOSI 8:12

Wandu wichamara-mara kufuma kutua uku kwa bahari, hata kutua kuja kwa bahari na kufuma kaskazinyi hata mashariki; wichakimbia ii chia na i chia wikilola ilagho ja BWANA, na ndewichaajiwona anduangi.

ZEKARIA 2:4

Ukamzera mmbao, “Kimbia kumzere uja mdawana uwadie kamba epima kukaia kuchakaia na wandu wengi na mfugho nyingi andenyi ya Jerusalemu risedimagha kuaghilwa wurigha.

LUKA 14:21

Niko uja mdumiki ukawuya na kumghoria bwana wake. Uja mundu wa nyumba ukajokwa ni machu, ukamzera mdumiki wake, ‘Ghenda shwa-shwa kwa chia mbaa, na chia ndini ra mizi, kuwirede aha wakiwa, watighini, wakelemeri, na vitungure.’

2 WATHESALONIKE 2:10

na mikalo yose izamie kwa wundu ghwa wandu witotagha, kwa kukaia wereleghieghe kuikunda ija loli eri wipate kukia.