JEREMIA 49:3 - Biblia Ilagho Jiboie Kwa Wandu Wose

³ Lilenyi ee wandu wa Heshboni, angu muzi ghwa Ai ghwasighwa mduu; ronyi nguwo ra magunia kwa wasi mkeme, ee wai wa Raba, lilenyi mkimbie na imbiri na nanyuma awurighenyi; kwa kukaia mlungu ghonyu Moleki ghuchabarishwa chiaimweri na wakohani na wabaa.

JEREMIA 49:3 ပူးပေါင်းရင်းမြစ်များ

2 SAMUELI 11:1

Nao iji kimu chavika, ingelo wazuri wighendagha wudenyi, Daudi ukamduma Joabu na wabaa, na majeshi gha Waisraeli wose. Wikawikaba Waamoni na kughumara muzi ghwa Raba. Ela Daudi ukasigharika Jerusalemu.

1 WAZURI 11:33

Kwa kukaia wanisighie ini, ukawoka kutasa Ashtorethi mlungu ghwa waka ghwa Wasidoni, na Kemoshi mlungu ghwa Wamoabu na Milkomu mlungu ghwa Waamoni; nao ndewuebonya agho ghiko gha hachi imbiri kwapo, kwa kuiwadia memu yapo na sharia rapo kara kara na ndee Daudi.

1 WAZURI 11:5

Ukatasa mlungu ghwa waka Ashtorethi ghwa Sidoni, na mlungu ghwa wuchafu ghwa Waamoni.

2 WAZURI 23:13

Mzuri Josia ukakulusha aho andu kotasira milimu mighondinyi korebonyeroghe ni Solomoni, mzuri wa Israeli aho kusinyi ya Mghondi ghwa Kunoneka kwa wundu ghwa mlungu ghwa waka Ashtorethi ugho wuchafu ghwa Wasidoni na Kemoshi, ugho wuchafu ghwa Moabu, na Moleki, ugho wuchafu ghwa Waamoni.

EZRA 2:28

Betheli na Ai wandu maghana awi na mirongo iwi na wadadu.

ISAYA 13:6

Lilenyi, angu ituku ja BWANA jeko kaavui, ijo ituku BWANA Uwadie Ndighi Rose uchaatotesha.

ISAYA 14:31

Lilenyi na kukema mchungu mkilola wutesia inyo mizi ya Wafilisti; mngilo ni wowa inyo mmbose, kwa kukaia teri yawoneka cha kaskazinyi sa mosi, teri ya masikari ghichagha ghisena wowa.”

ISAYA 15:2

Wandu wa muzi ghwa Diboni, wajoka cha mghondinyi andu witasiragha, wipate kulila; wandu wa Moabu wialilia Nebo na Medeba. Wamerie kuara vongo vawo na sombe rawo kwa wasi.

ISAYA 16:7

Wandu wa Moabu wichalila, kula umu wawo uchalilia isanga jake, kwa wundu ghwa wasi mungi ghosowa mikate ya reizini ya Kir-haresethi.

ISAYA 23:1

Agha ni malagho aighu ya Tiro. Lilenyi inyo mabaharia wa Tarshishi, kwa kukaia muzi ghonyu ghwa Tiro ghwanonwa, hata ndekuwadie nyumba ingi angu bandari, rose ranonwa putu. Mchasikira maza iri kufuma Kupro.

ISAYA 23:6

Lilenyi, inyo wandu wa masanga gha pwani! Kimbienyi cha Tarshishi.

JEREMIA 4:8

Kwa wundu ughu, ronyi nguwo ra magunia, mkulilie na kudikwa ni mbori; kwa kukaia machu gha BWANA ghibirie, ndeghidisighie anduangi.”

JEREMIA 46:25

BWANA wa majeshi uo Mlungu wa Israeli waghamba, “Ola nichareda ikabo aighu ya Amoni mlungu ghwa Thebesi, na aighu ya mzuri wa Misri na milungu yake, na wazuri wake; aighu ya Farao chiaimweri na wose wawuyamsuwiria.

JEREMIA 48:2

Wubaa ghwa Moabu ghwasia. Wabonyere mpango ghwa wuwiwi aighu ya Heshboni wikighamba, ‘Choonyi dimuinje putu usekaie mbari na inyo ee wandu wa muzi ghwa Madmena mchanyamirishwa, mchawingwa ni majeshi.’

JEREMIA 48:20

Wichatumbulia, ‘Moabu wafushwa waya angu wameria kughwa, lilenyi na kukema mchungu. Ghorenyi kaavui na Moda ghwa Arnoni kukaia, Moabu wameria kunonwa.’

JEREMIA 48:37

Wandu wose weeara vongo vawo, na kudumbua sombe rawo; mikonu yawo eechughwa-chughwa, na kula umu wawo waawuyarwa nguwo ya igunia.

JEREMIA 48:7

Moabu, korekoghe na irumirio na ngome rako na mali rako, ela oho wori kuchadwalwa; na mlungu ghwako Kemoshi wori ghuchadwalwa wubarishonyi; ghuchadwalwa chiaimweri na wakohani wake na wabaa wake.

JEREMIA 49:1

BWANA waghamba huwu aighu ya Waamoni, “Welee, Israeli ndewadie wana? Welee, ndena mundu wa ifwa? Kwaki wandu wetasa ghuja mlungu Moleki wingirie isanga ja Gadi, na kukaia andenyi ya mizi yaro?

JEREMIA 51:8

Babuloni yaghwa shwa-shwa ikabarika; ililienyi! Wadenyi mavuda gha zeri kwa wundu ghwa luwawo lwake, kewada yadima kuboa.

JEREMIA 6:26

BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.

AMOSI 1:15

Mzuri wawo uchabarishwa chiaimweri na wabaa wake wa kazi.”

ZEFANIA 1:5

Nichatotesha kula mundu ujokagha aighu nyumbenyi kutasa iruwa na mori na nyerinyeri. Sena nichawitotesha awo winitasagha na kughema kwa irina japo sena ii chia wiaghema kwa irina ja ghuja mlungu Moleki.

JAKOBO 5:1

Idana inyo wazuri wa mali, lilenyi na kukema mchungu kwa wundu ghwa bugha rimcheagha.

JOSHUA 7:2

Joshua ukaduma wandu kufuma Jeriko wighende Ai, muzi ghuko cha mashariki ya Betheli kaavui na Beth-aveni ukighamba, “Jokenyi mzighane jija isanga.” Wandu wikaghenda wikajizighana ijo isanga.

JOSHUA 8:1

BWANA ukamzera Joshua, “Kusakeobua hata kusakefwa ngolo, wada masikari ghose, kujoke nawo cha Ai; ola namfunya mzuri wa Ai ungie mikonunyi kwako chiaimweri na wandu wake, muzi ghwake, na isanga jake.

JOSHUA 8:28

Niko Joshua ukaghukora muzi ghwa Ai, ukaghubonya kitungasi hata linu.