JEREMIA 48:45 - Biblia Ilagho Jiboie Kwa Wandu Wose

⁴⁵ “Wandu waro wakimbiria Heshboni wikilola wulindiri, wasilwa na ndighi; ela modo ghwakorie Heshboni, ugho muzi ghwa Sihoni, ghukafuma na kukora mido ya mighondi ya mang'oni gha wuda gha wandu wa Moabu.

JEREMIA 48:45 ပူးပေါင်းရင်းမြစ်များ

ZABURI 135:11

Sihoni mzuri wa Waamori, na Ogu mzuri wa Bashani, na wazuri wose wa Kanaani.

ZABURI 78:63

Wadawana wawo werebwaghiloghe wudenyi, na wai wawo wikasowa kulowolwa.

JEREMIA 2:16

Na kuchumba, wandu wa Memfisi na Tahpanesi wamerie kubara chongo chake lughuma.

JEREMIA 48:2

Wubaa ghwa Moabu ghwasia. Wabonyere mpango ghwa wuwiwi aighu ya Heshboni wikighamba, ‘Choonyi dimuinje putu usekaie mbari na inyo ee wandu wa muzi ghwa Madmena mchanyamirishwa, mchawingwa ni majeshi.’

AMOSI 2:2

Kwa huwo nichaduma modo aighu ya isanga ja Moabu, nagho ghuchakora ngome ra Keriothi. Wandu wa Moabu wichafwa wikidoghoda na kukema awudenyi na tarumbeta rikikabwa.

ZEKARIA 10:4

Igho ja mbembenyi jichafuma Juda, kikosi cha hema chichafuma mzawo, ndana ya wuda ichafuma mzawo, na kula m'bonyi nguma uchafuma mzawo.

MITALO 21:21

Niko Waisraeli wikaduma wandu kwa Sihoni mzuri wa Waamori wikighamba,

MITALO 21:26

Muzi ghwa Heshboni ghorekoghe ghwa Sihoni mzuri wa Waamori; nao orekoghe walwa na mzuri wa Wamoabu uo orekoghe ukikaia aho imbiri, ukamsoka isanga jake hata kuvikia Arnoni.

MITALO 21:28

Angu modo ghwafumie Heshboni, lumu lwa modo lukafuma mzinyi kwa Sihoni. Ghorekorieghe Ari muzi ghwa Moabu, na awo wabaa wa ighu wa Arnoni.

MITALO 21:29

Ni bugha kwako ee Moabu! Mwamerie kutoteshwa inyo ee wandu wa Kemoshi! Wabonyere wana wake wa womi wikawuya wakimbii, na wai wake wikawuya wedwalwa wunyika kwa Sihoni mzuri wa Waamori.

MITALO 24:17

Nammbona, ela si idana; namzighana, ela ndeko kaavui; Mzuri uchafuma kwa Jakobo sa nyerinyeri, na uo ubonyagha nguma uchawuka andenyi ya Israeli; uchawikaba Wamoabu, na kuwinona-nona wana wose wa lung'eto.

MATHAYO 21:42

Aho Jesu ukawizera, “Welee, jingi ndemshomie sa iji iandikilo: ‘Igho jerelegheloghe ni waaghi, nijo jeni jiwurie ibaa ja mbembenyi. Na iji ni ibonyo ja Bwana moni, najo jakaia ja mashiniko mesonyi kodu.’