JEREMIA 48:44 - Biblia Ilagho Jiboie Kwa Wandu Wose

⁴⁴ Uo uchaakimbia kiture uchachunukia kinenyi; na uo ujokagha kufuma kinenyi uchawadwa ni mdegho. Kwa kukaia nichareda maza iri aighu ya Moabu, andenyi ya mwaka ghwawo ghokabwa, ini BWANA naghamba.

JEREMIA 48:44 ပူးပေါင်းရင်းမြစ်များ

1 WAZURI 19:17

Mundu uchaafufunuka usebwaghilo ni Hazaeli, uchabwaghwa ni Jehu; na uo uchaafufunuka usebwaghilo ni Jehu, uchabwaghwa ni Elisha.

1 WAZURI 20:30

Waja waresigharikieghe wikakimbiria muzi ghwa Afeki; wamu wa awo, wandu elfu mirongo iwi na mfungade wikaghulwa ni wurigha ghwa ugho muzi. Wokoni Ben-hadadi ukafufunuka na kungia mzinyi. Ukangia chumba chimu cha ndenyi cha nyumba ya nanyuma.

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

ISAYA 24:17

Kiture na vina na midegho vaawuyammbesera inyo wandu wa ndoenyi.

ISAYA 24:18

Uo uchaakimbia kwa wundu ghwa icho kiture, uchachunukia andenyi ya kina, na uo uchajoka kufuma kwa icho kina, uchawadwa ni mdegho. Kwa kukaia vua mbaa yanya kufuma mlungunyi, na misingi ya ndoenyi yasughusika.

JEREMIA 10:15

Nderiwadie fwaida ingi, ni kazi ra tee; ngelo yawo etanywa, richatoteshwa.

JEREMIA 11:23

Ndekuwadie hata ungi wawo uchaasigharika, kwa kukaia nichareda wuwiwi aighu ya Anathothi, nagho ni mwaka ghwawo ghokabwa.”

JEREMIA 16:16

“Olenyi nichadumiria wawadi samaki wengi nawo wichawiwada awo wandu; konyuma nichadumiria wadiwi, nawo wichawidiwa awa wandu kula mghondi na kula mghondi mtini, hata na chukororonyi ra magho.

JEREMIA 23:12

Chia rawo richawuya redendeluka a kirenyi, andenyi ya iro chia, wichawingwa na kughwa; kwa kukaia nichareda wuwiwi aighu kwawo, andenyi ya ugho mwaka ghwa kukabwa kwawo.

JEREMIA 46:21

Hata na masikari ghake ghekodeshwa ghiko aghadi kwake gheeka sa ngache ribandie, ee, waghalukie, wikakimbia; ndewidimie kumanga, kwa kukaia wavikilwa ni ituku jawo ja wasi, ni ngelo ya kukabwa kwawo.

JEREMIA 49:8

Inyo wandu wa Dedani, ghalukenyi mkimbie mkuvise ndenyi; angu nichareda wuwiwi aighu ya kivalwa cha Esau; ngelo yavika niwikabe.

JEREMIA 50:24

Nerekudeghieghe mdegho kukawadwa ee Babuloni, na oho ndekoremanyireghe, ela koochakua kwawadwa, angu korekoghe kukisimana na ini BWANA.

JEREMIA 50:27

Bwaghenyi wandu wake wa irika wose; wiserenyi wibwagho. Ni bugha kwawo, angu ituku jawo jekabwa jameria kuvika.

JEREMIA 51:18

Ndeiwadie fwaida ingi, ni kazi ya duu; ngelo ya kukabwa kwawo ichatota.

JEREMIA 8:12

Welee, werewonieghe waya iji werebonyereghe ugho wuwiwi? Ndewerewonieghe waya hata kutini hata ndewiichi kufwa waya. Kwa wundu ugho wichaghwa aghadi ya awo wighue, Na ngelo nichaawikaba wichaghwa putu.

KILILO CHA JEREMIA 3:47

Dapatiro ni wasi na kunoneka; daawuyakaia ndengonyi, diko na kiture.

HOSEA 9:7

Ngelo ekabwa yameria kuvika, agho matuku gha wandu kulipwa agho ghiwifwanagha. Matuku agho ghikacha, Israeli ichaghimanya. Inyo mwaawuyaghamba, “Uhu mlodi ni mkelu; umundu uchulo ni Roho ooka na isu.” Inyo mwaawuyazamilwa ni ini angu kaung'a renyu riko nyingi.

AMOSI 5:19

jeeka seji mundu uikimbiagha shimba nao ukwane na kibarabara angu seji mundu ungiagha nyumbenyi, nao eukusaghikagha na wurigha, ulumo ni choka.

MIKA 7:4

Mundu uboie uko mloli kuchumba wose, kwawo wadamenywa na kuwoneka sa isaka. Ituku jekabwa ni Mlungu jameria kuvika; kwa kukaia wawionyere kwa kutumia walindiri wake, awo walodi. Idana walaghalwa ni akili.