JEREMIA 48:14 - Biblia Ilagho Jiboie Kwa Wandu Wose

¹⁴ “Mghamba wada inyo wandu wa Moabu wei ‘Moko mang'oni, wandu wiwadie ndighi wa wuda?’

JEREMIA 48:14 ပူးပေါင်းရင်းမြစ်များ

ZABURI 11:1

Ini neemkimbiria BWANA; munizera wada wei, “Buruka cha mighondinyi sa nyonyi,

ZABURI 33:16

Wusimi ghwa mzuri ndeghuredwagha ni ijeshi jake ibaa, hata ing'oni ndejikirwagha ni ndighi rake nyingi.

MCHILI 9:11

Sena nawonie andenyi ya wurumwengu ughu kukaia, wandu wa iseghe ibaa siwo wangi wisimagha misarigho ngelo rose, na mang'oni sigho ghangi wisimagha wudenyi ngelo rose. Wandu wa hikima ndewipatagha vindo ngelo rose, na wandu wa suku ndewipatagha mali ngelo rose, hata si awo wiko na wuya witalikagha kuchumba anduangi; ela kula mundu wadakwana na mzwana ghwake.

ISAYA 10:13

Kwa kukaia mzuri wa Waashuru wawuyakukasa ukighamba, “Naabonya agha kwa ndighi rapo nimoni, na kwa hikima yapo; kwa kukaia neko na kumanya. Namerie kuinona mano yose ya isanga, na kuwusa vindo vose werevikwanyireghe; namerie kuwisera kufuma vifumbinyi kwawo wazuri wose werekoghe wikibonya nguma.

ISAYA 10:16

Kwa wundu ugho, Bwana, uo BWANA wa majeshi, uchawidumia masikari ghake ghibandie makongo ghewidarumisha; na kwa wubaa ghwake uchaibonya mimbi yawo ibuko ni modo.

ISAYA 16:6

Wandu wa Juda wikatumbulia, “Dasikire seji wandu wa Moabu wikukasire; daichi seji wikudukie na kukuwona, ela kukuduka kwawo ni kwa duu.”

JEREMIA 49:16

Kuobosha kwako na lukaso lwa ngolo yako lwamerie kukukalia, ee, oho kukaiagha mbangenyi ra magho, na aighu ya mghondi. Hata ngera kwabonyere kijungu chako ighu sa cha indu, BWANA uchakusera andonyi.

JEREMIA 8:8

Mdima wada kughora wei moko na hikima, na sharia yapo andenyi konyu? Ola wonenyi seji walimu wa sharia wiandikie malagho ghisena wuloli, na kuibonya sharia ya tee.

JEREMIA 9:23

BWANA waghora huwu, “Mndungi uko na hikima usekukase kwa wundu ghwa hikima yake; hata mundu uko na ndighi usekukase kwa ndighi rake, hata mndungi uko mzuri wa mali usekukase kwa wundu ghwa mali rake.

EZEKIELI 30:6

BWANA waghamba huwu, Awo wandu witeserie Misri wichafwa, na iro ndighi orekukasagha naro richainjwa; wandu wichabwaghwa aghadi kwawo kufuma Megido hata Siene ini Bwana MLUNGU naghamba.

ZEFANIA 2:10

Huwo niko wandu wa Moabu na Amoni wichaakabwa kwa wundu ghwa lukaso na kukuduka kwawo, na kwa kuwidukana wandu wa BWANA Uwadie-Ndighi-Rose.