JEREMIA 48:13 - Biblia Ilagho Jiboie Kwa Wandu Wose

¹³ Niko aho Moabu uchafushwa waya ni mlungu ghwake Kemoshi, seji wandu wa Israeli werefushiroghe waya ni Betheli ugho mlungu wereghurumirieghe.

JEREMIA 48:13 ပူးပေါင်းရင်းမြစ်များ

1 WAZURI 11:33

Kwa kukaia wanisighie ini, ukawoka kutasa Ashtorethi mlungu ghwa waka ghwa Wasidoni, na Kemoshi mlungu ghwa Wamoabu na Milkomu mlungu ghwa Waamoni; nao ndewuebonya agho ghiko gha hachi imbiri kwapo, kwa kuiwadia memu yapo na sharia rapo kara kara na ndee Daudi.

1 WAZURI 11:7

Solomoni ukaagha aighu mghondinyi mashariki ya Jerusalemu andu kotasira ugho mlungu Kemoshi wuchafu ghwa Wamoabu, na mlungu Moleki wuchafu ghwa Waamoni.

1 WAZURI 18:40

Elija ukawizera, “Wadenyi awo walodi wa Baali; msemfufunushe ungi.” Wandu wikawiwada. Elija ukawighenja hata kamoda ka Kishoni, ukawibwagha.

2 MALAGHO GHA NGELO 25:15

Kwa huwo BWANA ukazamilwa ni Amazia, ukamdumia mlodi ukamzera, “Kwaki kuitasagha milungu ya wandu iyo iseredimieghe kuwikira wandu wake weni kusewisime?”

ISAYA 16:12

Wandu wa Moabu wiakusirisha ndighi weni wikijoka mghondinyi kulomba, aja andu kwawo kotasira; nawo ndewichaatesekia anduangi.

ISAYA 2:20

Ituku jija, wandu wicharikumbia fuko na maososi iro fwana rawo ra feza na ra dhahabu, wereribonyereghe wiritase;

ISAYA 45:16

Wandu wose wibonyagha milimu, wakambwa ni chongo na kufwa waya wisemanyagha jebonya.

ISAYA 45:20

BWANA waghamba, “Kwanyikenyi munisoghodere kaavui, inyo masighariko gha iro mbari ra wandu; awo widukagha iyo milimu yawo ya midi, na kulomba milimu isedimagha kukira, ndewiwadie kumanya kungi.

JEREMIA 48:12

“Zighanenyi matuku ghichacha, nani nichamdumia wandu wemuungua sa divei; wichaangamira na kubara-bara mitungi yake.

JEREMIA 48:39

Ai ee Moabu kabarika! Si kulila ulilie! Moabu wafwa waya nao ukaghaluka noko! Nao huwo Moabu waawuya kilambo chesekwa, na cheshinikilwa ni wose wimmarie chia rose.”

JEREMIA 48:46

Ni bugha kwako ee Moabu, wandu wa Kemoshi wameria kunonwa, kwa kukaia wana wako wa womi na wa waka wamerie kudwalwa wunyika.

JEREMIA 48:7

Moabu, korekoghe na irumirio na ngome rako na mali rako, ela oho wori kuchadwalwa; na mlungu ghwako Kemoshi wori ghuchadwalwa wubarishonyi; ghuchadwalwa chiaimweri na wakohani wake na wabaa wake.

WATANYI 11:24

Ndekuwusagha icho mlungu ghwako Kemoshi ghukunekagha chikaie chako? Ela isi dichawusa icho chose BWANA Mlungu odu udinekie.