JEREMIA 48:11 - Biblia Ilagho Jiboie Kwa Wandu Wose

¹¹ BWANA waghamba, “Moabu orekoghe na raha kufuma wanake ghwake, utumbanyikie sa divei, jingi iseghalusiro kudungirilwa chombo kizima, hata jingi ndedwalo wunyika; kwa huwo wadadua na luwala, na irumba jake ndejighalukie.

JEREMIA 48:11 ပူးပေါင်းရင်းမြစ်များ

ZABURI 123:4

Dasekelo luma ni wazuri wa mali, na kumenywa ni wakorongi wikukasire.

ZABURI 55:19

Mlungu, uo ubonyagha nguma kufuma kala, uchasikira na kuwisima; kwa kukaia ndewighaluagha tabia rawo, hata kumuobua Mlungu anduangi.

MAKATANISHO 1:32

Wandu wisemanyagha wiabwaghwa ni kulegha hikima, na wukelu ghwawo ghuchawitotesha.

ISAYA 16:6

Wandu wa Juda wikatumbulia, “Dasikire seji wandu wa Moabu wikukasire; daichi seji wikudukie na kukuwona, ela kukuduka kwawo ni kwa duu.”

ISAYA 24:3

Ndoenyi kuchanoneka putu na kumerelwa, kwa kukaia BWANA wajighora ilagho iji.

ISAYA 25:6

BWANA wa majeshi uchawibonyera karamu wandu wose aighu ya ughu mghondi; karamu ya manori, karamu ya divei ieresero irudie nicha, na vindo vicha vichulo ni manori.

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 48:12

“Zighanenyi matuku ghichacha, nani nichamdumia wandu wemuungua sa divei; wichaangamira na kubara-bara mitungi yake.

JEREMIA 48:29

Dasikire lukaso lwa Moabu, wakukasire nandighi; kukuduka kwake na lukaso lwake, na lung'eto lwake; na uko kukujosa kwa ngolo yake.

JEREMIA 51:34

Wandu wa Sioni ndewighambe, “Nebukadnezari mzuri wa Babuloni wameria kudija, wamerie kudifasha-fasha; wadibonyere diwoneke sa kilambo kiduu wadimilie sa are; waghudishiro ni kuboa kodu, na kudidaika.

NAHUMU 2:10

Nineve yatoteshwa, yakimbilwa na kusighwa nduu; Wandu wafwa ngolo kwa wowa, vitemberu vawo viasughusika na ndighi rawo rasia, na mawushu ghaghaluka gha mshashu.

NAHUMU 2:2

(BWANA waawuyawiwunjira Israeli wubaa ghwawo, sa iji werekoghe imbiri wisesokelo na kunonwa ni wamaiza.)

ZEFANIA 1:12

“Ngelo iyo, nichashoa taa nimlole Jerusalemu; nani nichawikaba awo wandu wikudukagha weni wikighamba, ‘BWANA ndebonyagha ilagho jingi icha angu iwiwi.’

ZEKARIA 1:15

nani neko na machu mabaa nandighi aighu ya mbari ra wandu wawuyakaia kima kwa sere; kwa kukaia ingelo neremaziriagha machu ghapo kwa wundu ghwa wandu wapo, awo wedechuria kuwikoronga.