JEREMIA 48:10 - Biblia Ilagho Jiboie Kwa Wandu Wose

¹⁰ “Ndewado ni njowe uo ubonyagha kazi ya BWANA kwa wughadi, ndewado ni njowe uo usebwaghagha kwa lufu lwake.”

JEREMIA 48:10 ပူးပေါင်းရင်းမြစ်များ

1 WAZURI 20:39

Hata iji mzuri orekoghe ukiida, uja mlodi ukamlilia mzuri ukighamba, “Ee mzuri, ini mdumiki wako nerekoghe ngilwa wudenyi, asikari umu ukaniredia mundu ukighamba, ‘Kumlindie umundu uselaghaye; ukalaghaya, kwadima kulaghasha irangi jako angu wulalo ghwaro kulipe vibelele va feza elfu idadu.’

1 WAZURI 20:40

Ela nichulwa ni kazi, ukafufunuka.” Mzuri wa Israeli ukaghamba, “Kwakutanya kumoni; kuchalipa gharama yaro.”

1 WAZURI 20:42

Uja mlodi ukamzera mzuri, “BWANA waghamba welee, ‘Angu kwamlekeria mundu namreda na kumngira mikonunyi kwako eri kumtoteshe, irangi jako jichakaia wulalo ghwa irangi jake na wandu wako wichakaia wulalo ghwa wandu wake.’”

2 WAZURI 13:19

Elisha ukajokwa ni machu ukamzera, “Kumangu kwalasa mando masanu angu arandadu, niko kwawikabagha Wasiria hata kuwimerie; ela idana kuchawikaba mando adadu tu.”

JEREMIA 11:3

Kuwizere huwu, Ini BWANA, uo Mlungu wa Israeli naghamba, Mundu useghiwadiagha malagho gha ilaghano ijo, uwadwa ni njowe.

JEREMIA 47:6

Mwaghamba, ‘Ai! E lufu lwa BWANA, ni lii kuchaaleka kudema? Wuya kiwonyi kwako, kuhore kima.’

JEREMIA 47:7

Elaa, luhora wada na ini BWANA nilulaghirie lupate kubwagha wandu wa Ashkeloni na wandu wa pwani yaro?”

JEREMIA 50:25

Ini BWANA narughue nyumba yapo ya maswagha, ngafunya maswagha gha machu ghapo, kwa kukaia ini Bwana MLUNGU wa majeshi neko na kazi ebonya andenyi ya isanga ja Wababuloni.

JEREMIA 50:27

Bwaghenyi wandu wake wa irika wose; wiserenyi wibwagho. Ni bugha kwawo, angu ituku jawo jekabwa jameria kuvika.

JOSHUA 10:19

ela inyo mmbeni msekaie aho, muwinughe wamaiza wenyu, muwikabe kwa chia ya na nyuma, msewisighe wikingia mizinyi kwawo; kwa kukaia BWANA, Mlungu onyu wawingira mikonunyi konyu.”

WATANYI 5:23

“Wasirenyi muzi ghwa Mezori njowe, waghamba malaika wa BWANA; wiwasirenyi njowe na ndighi wandu waro. Angu ndewerechieghe kumtesia BWANA, sa masikari ndewerechieghe, kulwa kwa wundu ghwake.

1 SAMUELI 15:3

Idana ghenda kuwikabe Waamaleki; kunone kula kilambo wiko nacho, kusewilekerie; ela kubwaghe mndwawomi na muka, mwana mtini na uo uongagha, ng'ombe na ng'ondi, ngamila na punda.”

1 SAMUELI 15:9

Ela Sauli chiaimweri na wandu wake wikamsigha Agagi kimoyo, na ng'ondi na ng'ombe ribandie; na wana wa ng'ondi chiaimweri na vose verekoghe viboie; hata nderebwaghieghe kula kilambo putu putu, ela iveni vizamie na va kisha kisha.