JEREMIA 47:2 - Biblia Ilagho Jiboie Kwa Wandu Wose

² Ukaghamba, “Wonenyi machi ghawuyacha kufuma kaskazinyi; ghichacha kwa wungi sa moda m'baa; ghichafinikira isanga na kula kilambo chiko aho, iyo mizi na wandu wikaiagha andenyi yaro. Wandu wichalila nandighi, na kula mundu uko isangenyi uchalila na kukema mchungu.

JEREMIA 47:2 ပူးပေါင်းရင်းမြစ်များ

ZABURI 24:1

Wurumwengu na vose viko andenyi yaro ni va BWANA ndoenyi na vose vikaiagha andenyi yaro ni vake.

ZABURI 50:12

“Ngera nedezughwa, sakughoriagha; angu wurumwengu na vose viko andenyi yaro ni vapo.

ZABURI 96:11

Mlungunyi ndekuboilo, na ndoenyi kukaie na iseko; bahari ndeirurume na vose viko andenyi yaro.

ZABURI 98:7

Bahari ndeirurume na vose viko andenyi yaro; wurumwengu na vose vikaiagha andenyi yaro ndevimkase.

ISAYA 14:31

Lilenyi na kukema mchungu mkilola wutesia inyo mizi ya Wafilisti; mngilo ni wowa inyo mmbose, kwa kukaia teri yawoneka cha kaskazinyi sa mosi, teri ya masikari ghichagha ghisena wowa.”

ISAYA 15:8

Kililo chaawuyasikirika kula andu isangenyi ja Moabu, na wandu wa Eglaimu na Beer-elimu wiadikwa ni mbori.

ISAYA 22:1

Agha ni malagho aighu ya Vololo ya Mawono. Kutambua kwaro niki inyo mmbose kujoka aighu nyumbenyi mwambori?

ISAYA 28:17

Nichaibonya loli kukaia kamba epimia na hachi ikaie timazi. Vua ya magho ichainja iyo tee mwawuyaisuwiria, na machi ghichadwa agho mwawuyaghisuwiria.”

ISAYA 59:19

Kwa huwo, kufuma magharibi hata mashariki, wandu wichajiobua irina ja BWANA, na wubaa ghwake; kwa kukaia uchacha sa machi gha moda m'baa ghuenjwagha ni kuweta kwa mbeo ifumagha kwa BWANA.

JEREMIA 1:14

BWANA ukanizera, “Wuwiwi ghuchacha kufuma kaskazinyi kwa wandu wose wikaiagha iji isanga.

JEREMIA 46:12

Iro mbari ra wandu ramerie kusikira malagho ghenyu gha waya, wandu wose wa ndoenyi wamsikire mkilila; kwa kukaia masikari wakuwarishane weni na weni, na wose wikaghwa chiaimweri.

JEREMIA 46:13

BWANA oreghorieghe nani ingelo Nebukadnezari mzuri wa Babuloni orechagha kujikaba isanga ja Misri:

JEREMIA 46:20

Misri ni sa tagho ya ng'ombe ighokie nandighi, yalumwa ni izi ya ng'ombe yafuma kaskazinyi.

JEREMIA 46:24

Wandu wa Misri wichafushwa waya, wichangirwa mikonunyi kwa wandu wifumagha noko cha kaskazinyi.”

JEREMIA 48:39

Ai ee Moabu kabarika! Si kulila ulilie! Moabu wafwa waya nao ukaghaluka noko! Nao huwo Moabu waawuya kilambo chesekwa, na cheshinikilwa ni wose wimmarie chia rose.”

JEREMIA 6:22

BWANA waghamba huwu, “Olenyi wandu wichacha kufuma isanga ja kaskazinyi, mbari mbaa yanyavurika kufuma isanga ja kula nandighi ja ndoenyi kubonya wuda.

JEREMIA 8:16

Mrurumo ghwa farasi ra wamaiza wedu ghwasikirika kufuma Dani, lwaka lwa farasi rawo ra womi, lwasughusa ndoe yose. Wacha kujimeria isanga chiaimweri na kula kilambo chiko andenyi yaro, ugho muzi na wandu wikaiagha andenyi yaro.”

DANIELI 11:22

Ijeshi jimtangalagha uchajiinja; uchainja hata na Mkohani M'baa wa Mlungu.

NAHUMU 1:8

Ela uchawimeria wamaiza wake putu sa kudwalwa ni machi mengi; uchawighenja wamaiza wake cha kifonyi.

1 WAKORINTHO 10:26

Angu maandiko ghaghamba, “Ndoenyi ni kwa Bwana, na vose viko andenyi yaro.”

1 WAKORINTHO 10:28

Ela mndungi ukamzera, “Vindo ivi veefunywa vikaie kizongona kwa mlimu,” msakevija kwa wundu ghwake uo wamghoria; na kwa wundu ghwa nia.

JAKOBO 5:1

Idana inyo wazuri wa mali, lilenyi na kukema mchungu kwa wundu ghwa bugha rimcheagha.

WUFUNUO 17:1

Nao umu wa waja weke malaika werekoghe na bakuli mfungade ukanichea na kunizera, “Choo nikuwonyere seji jija ilaya ibaa jitanywagha, ijo jiseagha kidombo aighu ya machi mengi;

WUFUNUO 17:15

Uo malaika ukanizera sena, “Agho machi kughiwonie, andu ijo ilaya jiseagha kidombo, ni mazungu gha wandu, na mbari, na viteto.