JEREMIA 45:1 - Biblia Ilagho Jiboie Kwa Wandu Wose

¹ Mwaka ghwa kana ghwa kubonya nguma kwa Jehoiakimu mwana wa Josia mzuri wa Juda, Baruku oreandikieghe malagho neremghorieghe,

JEREMIA 45:1 ပူးပေါင်းရင်းမြစ်များ

2 WAZURI 24:1

Ngelo Jehoiakimu orekoghe mzuri wa Juda, Nebukadnezari mzuri wa Babuloni ukajoka na kum'bonya Jehoiakimu ukaie aisi yake kwa miaka idadu; konyuma Jehoiakimu ukamlegha Nebukadnezari.

2 MALAGHO GHA NGELO 36:5

Jehoiakimu orekoghe mundu wa irika ja miaka mirongo iwi na misanu iji orezoyagha kubonya nguma; ukabonya nguma Jerusalemu miaka ikumi na ghumweri. Ukabonya mawiwi imbiri ya BWANA Mlungu wake.

JEREMIA 25:1

Mwaka ghwa kana ghwa kubonya nguma kwake Jehoiakimu mwana wa Josia mzuri wa Juda, (nagho ni mwaka ghwa imbiri ghwa kubonya nguma kwake Nebukadnezari mzuri wa Babuloni), BWANA oreghorieghe nani aighu ya wandu wose wa Juda;

JEREMIA 26:1

Kuzoya kwa kubonya nguma kwake Jehoiakimu mwana wa Josia mzuri wa Juda, BWANA oreghorieghe

JEREMIA 32:12

ngarineka Baruku mwana wa Neria, wawae Mahiseia imbiri ya wamii Hanameli, na imbiri ya washahidi awo werengirieghe barua eghua sahihi, na imbiri ya Wayahudi werekoghe kidombo aho wazenyi ya walindiri.

JEREMIA 32:16

“Nyuma ya kumneka Baruku mwana wa Neria ija barua eghua mbuwa, neremlombieghe BWANA ngighamba,

JEREMIA 36:1

Mwaka ghwa kana ghwa kubonya nguma kwake Jehoiakimu mwana wa Josia mzuri wa Juda, BWANA oreghorieghe nani ukighamba,

JEREMIA 36:2

“Wada chuo, kuandike andenyi yaro malagho ghose nikulaghirie aighu ya Israeli na Juda, na mbari rose ra wandu, kufuma ituku jija nighorie na oho matuku gha Josia, hata linu.

JEREMIA 36:26

Nao mzuri ukafunya momu kwa mwana wake Jerahimeeli, na Seraia mwana wa Azrieli, na Shelemia, mwana wa Abdeeli, winiwade chiaimweri na uja muandiki Baruku, ela BWANA ukadivisa.

JEREMIA 36:32

Niko ngawada chuo kizima, ngamneka uja muandiki Baruku mwana wa Neria, uo oreandikieghe malagho ghose neremghorieghe ini Jeremia andenyi ya chija chuo cherekoreloghe ni Jehoiakimu mzuri wa Juda, ukaandika sena na kuchuria malagho mazima aighu ya agho gha imbiri.

JEREMIA 36:4

Niko ngammbanga Baruku mwana wa Neria, na Baruku ukaandika andenyi ya chuo malagho ghose nimghorie, agho nereghoreloghe ni BWANA.

JEREMIA 45:2

seji BWANA uo Mlungu wa Israeli oreghorieghe huwu:

JEREMIA 46:2

Aighu ya Misri: Malagho gha ijeshi ja Mzuri Neko mzuri wa Misri, ijo jerekoghe aho Moda ghwa Eufrate, aho Karkemishi, ima jikasimwagha ni Nebukadnezari mzuri wa Babuloni mwaka ghwa kana ghwa Jehoiakimu mwana wa Josia mzuri wa Juda, ghighambagha,

JEREMIA 51:59

Seraia mwana wa Neria, wawae Mahiseia orekoghe mzighaniri m'baa wa nyumba ya Zedekia mzuri wa Juda. Mwaka ghwa kana ghwa kubonya nguma kwa Mzuri Zedekia, oreghendanyeghe na mzuri cha Babuloni; na ini Jeremia ngamneka malaghiro.

DANIELI 1:1

Mwaka ghwa kadadu iji Jehoiakimu orekoghe mzuri wa Juda, Nebukadnezari mzuri wa Babuloni orechieghe ukaghurughaia muzi ghwa Jerusalemu.