JEREMIA 43:12 - Biblia Ilagho Jiboie Kwa Wandu Wose

¹² Nichakora hekalu ra milungu ya Misri, naro richahia; na Nebukadnezari uchaikora milungu yawo, angu kuidwa wunyika. Na sa iji koni mlisha uoghoshagha nguwo rake risekaie na inda, huwo koni mzuri wa Babuloni uchaelesha isanga ja Misri na kughala kwa sere.

JEREMIA 43:12 ပူးပေါင်းရင်းမြစ်များ

2 SAMUELI 5:21

Wafilisti wikaisigha milimu yawo aho, na Daudi na wandu wake wikaidwa.

ESTA 6:9

Agho marwao na farasi kumneke umu wa vilongozi varo unekelo ishima, upate kumrusha uo mundu, na ukameria kumjosa aighu ya iyo farasi, umghenje mundu uo kiwachenyi cha muzi ukitangaza, ‘Huwu niko ubonyerwagha uo mundu mzuri ukundagha kumneka ishima.’”

AYUBU 40:10

“Basi rwaa wubaa ghwako na ishima; kukupambe nguma na wucha.

ZABURI 104:2

Kwadarwa mwengere sa nguwo, kwawikie mlungunyi sa hema.

ZABURI 132:16

Nichawirusha wakohani waro kukia, na waeli waro wichabora kwa kuboilwa.

ZABURI 132:18

Nichawifusha waya wamaiza wake, ela wuzuri ghwake ghuchachurikia na kuwona nicha.”

KUFUMA 12:12

Angu nichaida aghadi ya isanga ja Misri kio icho, na kuwibwagha wavalwa wa imbiri wose wa isanga ja Misri; mdamu na nyamandu wori; nichaitanya milungu yose ya Misri, Ini ne BWANA.

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

ISAYA 21:9

Ola, wajoki farasi wiacha, hawaja wiacha wawi-wawi,” Nao ukatumbulia, “Ghwaghue, ugho muzi ghwa Babuloni, ghwaghue, na fwana ra milungu yake raghushwa andoenyi.”

ISAYA 46:1

“Milungu ya Babuloni, Beli na Nebo, iyo erekoghe ikitaswa na kughoghomelwa yasia; yadukwa ni weke punda na ng'ombe, na kurilemeresha nyamandu rasilwa.

ISAYA 46:2

Iyo milungu yasia, nayo yadukwa isedimagha kukukira cheni, ela yadwalwa wunyika.

ISAYA 49:18

Wusira meso ghako kuzighane kose kuwone; wandu wako wose wakwanyika wiakuchea oho. Sa iji koni niko moyo, waghamba BWANA, wandu wako wichakaia kwako sa mapambo, wichakaia aghadi kwako sa mapambo gha mwai ulowolwagha.

ISAYA 52:1

Wuka! Wuka kukurushe ndighi rako ee Jerusalemu; rwaa nguwo rako righokie ee Jerusalemu muzi ghwa wueli. Mndungi useshamishiro angu useelie jingi ndechaangia kwako sena anduangi.

ISAYA 59:17

Wakurushire hachi sa ngao ya laghenyi, na kukia sa kofia ya chuma chongonyi kwake. Warwae kisasi sa nguwo rake, na kukurigha lubio sa nguwo ekumba.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 61:5

Waghenyi wichamlishira mfugho renyu, wichamlimia mbuwa renyu ra mizabibu.

JEREMIA 10:11

Muwighorie wandu huwu: “Iyo milungu iseumbie mlungunyi na ndoenyi, ichatota ndoenyi na aisi ya mlungunyi.”

JEREMIA 10:15

Nderiwadie fwaida ingi, ni kazi ra tee; ngelo yawo etanywa, richatoteshwa.

JEREMIA 25:19

Na Farao, mzuri wa Misri ukanywa icho kikombe chiaimweri na wadumiki wake, na wabaa wake, na wandu wose;

JEREMIA 43:13

Ucharinona fwana retasa riwikilo Heliopolisi aho Misri, na kurikora hekalu ra milungu ya Misri.”

JEREMIA 46:25

BWANA wa majeshi uo Mlungu wa Israeli waghamba, “Ola nichareda ikabo aighu ya Amoni mlungu ghwa Thebesi, na aighu ya mzuri wa Misri na milungu yake, na wazuri wake; aighu ya Farao chiaimweri na wose wawuyamsuwiria.

JEREMIA 48:7

Moabu, korekoghe na irumirio na ngome rako na mali rako, ela oho wori kuchadwalwa; na mlungu ghwako Kemoshi wori ghuchadwalwa wubarishonyi; ghuchadwalwa chiaimweri na wakohani wake na wabaa wake.

JEREMIA 49:27

Nichakora mawurigha gha Dameshki, na modo ghwaro ghuchakora na kumeria ngome rose ra Mzuri Ben-hadadi, ini BWANA wa majeshi naghamba.”

JEREMIA 50:2

“Ghoria iro mbari kughambe, wusira kiweto kughore, hata kusesighe ilagho jingi: ‘Babuloni wameria kuwadwa Mlimu Beli ghwamerie kufushwa waya. Ugho mlungu Merodaki ghwakambwa ni chongo. Milimu yake yameria kufushwa waya, fwana rake rakambwa ni chongo.’

JEREMIA 51:44

Nani nichamkaba Beli ghuja mlungu ghwa Babuloni na kumdaisa ivo vindo uvimilie; wandu wa iro mbari ndewichaamchea sena, wurigha ghwa Babuloni ghameria kughwa.

EZEKIELI 29:11

Mdamu ungi ndechaawadia aho, hata nyamandu ndeichaawadia aho; jichakaia iduu kwa miaka mirongo ina.

EZEKIELI 29:19

Kwa huwo, ini Bwana MLUNGU naghamba huwu: Olenyi nichamneka Nebukadnezari isanga ja Misri, nao uchawada mali raro na kuridwa wunyika, ripate kuwuya malipo gha iyo kazi ikurie ibonyero ni ijeshi jake.

EZEKIELI 30:13

Bwana MLUNGU waghamba huwu, “Nichainona milimu, na kuinja fwana riko Memfisi; ndekuchaakaia na m'baa ungi sena isanga ja Misri, kwa huwo nichangira kiture aho.

DANIELI 11:8

Wokoni uchaduka milungu yawo cha Misri, chiaimweri na milimu ya fwana rechana, na vilambo vawo va zoghori mbaa va feza na dhahabu; na kwa miaka imu uchasigha kumkaba mzuri wa Siria.

ZEFANIA 2:11

BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.

WAROMA 13:12

Kio chalighisa kusia, na dime eko kaavui. Kwa huwu idana, ndedisighe iro kazi ra kira na kurwa maswagha gha mwengere.

WAEFESO 4:24

na kurwa wundu wuwishi ghuumbilo kwa fwana ya Mlungu, kwa hachi ya loli na wueli.

WAEFESO 6:11

Ronyi maswagha ghose gha Mlungu, eri mdime kuitangala mikalo ya Ibilisi.

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

WAKOLOSAI 3:14

Aighu ya agha ghose, mkaie na lukundo, ulo luwadanishagha maza rose chia imweri, na kurikatisha nicha.