JEREMIA 43:11 - Biblia Ilagho Jiboie Kwa Wandu Wose

¹¹ Uchacha na kujikaba isanga ja Misri, na awo wandu wiwikilo kufwa kwa saka izamie, wichafwa kwa saka izamie; na awo wiwikilo wedwalwa wunyika, wichadwalwa wunyika; na awo wiwikilo webwaghwa wudenyi wichabwaghwa wudenyi.

JEREMIA 43:11 ပူးပေါင်းရင်းမြစ်များ

AYUBU 20:29

Iji nijo iwaghio ja mundu mmbiwi kufuma kwa Mlungu; ijo ifwa jake jilaghirilo ni Mlungu.”

JEREMIA 15:2

Nawo wikakukotia, ‘Welee, dighende hao?’ Kuchawitumbulia, ‘BWANA naghamba huwu: “Wandu webwaghwa ni saka izamie, wichafwa kwa saka izamie, na awo webwaghwa wudenyi, wichafwa wudenyi, na awo webwaghwa ni njala, wichabwaghwa ni njala, na awo webarishwa, wichabarishwa.” ’

JEREMIA 25:15

Nao BWANA, uo Mlungu wa Israeli ukanizera, “Wada ichi kikombe cha divei ya machu ghapo, kuwinyoshe wandu wa iri mbari rose ra wandu nichaakuduma kwawo.

JEREMIA 25:19

Na Farao, mzuri wa Misri ukanywa icho kikombe chiaimweri na wadumiki wake, na wabaa wake, na wandu wose;

JEREMIA 42:22

Kwa huwo manyenyi loli angu mchabwaghwa wudenyi, na kwa njala, na kwa saka izamie, andenyi ya ijo isanga mwawuyakaia na bea eghendajikaia.”

JEREMIA 44:12

Awo wandu wa Juda wisigharikie, nao wikakufunya kucha cha Misri wipate kukaia aha, nichawibonya witotesho wose ahaeni isangenyi ja Misri. Wichafwa wudenyi, na kwa njala, kufuma mtini wawo hata m'baa wawo; nawo wichawoneka sa kilambo cha kisha, cheshinikilwa, chiwasirilo njowe, na chesholelwa.

JEREMIA 44:13

Nichawikaba awo wikaiagha isanga ja Misri, sa iji koni nerewikabieghe awo werekoghe Jerusalemu, kwa wuda na kwa njala, na kwa saka izamie;

EZEKIELI 29:11

Mdamu ungi ndechaawadia aho, hata nyamandu ndeichaawadia aho; jichakaia iduu kwa miaka mirongo ina.

EZEKIELI 5:12

Ifungu jenyu ja kadadu, jichafwa kwa saka izamie na kumerelwa ni njala aghadi konyu; na ifungu jimu ja kadadu jichafwa kwa wuda ghwa lufu ghuchaammara chia rose; na ifungu jimu ja kadadu nichajisasara andu kose, na kuwinugha nyuma kwa wuda ghwa lufu.

ZEKARIA 11:9

Niko ngarizera ng'ondi, “Siwuyaamlisha sena. Iro riko refwa, nderifo; iro riko renonwa, nderinono, na iro risigharikagha, richatoteshana reni na reni.”

WUFUNUO 13:10

Ikakaia mndungi wawikilo udwalo wunyika, uchadwalwa wunyika ngera mndungi wabwagha kwa lufu, uchabwaghwa kwa lufu. Aha niko jikundikie irumaghio na irumirio ja waeli.