JEREMIA 42:6 - Biblia Ilagho Jiboie Kwa Wandu Wose

⁶ Dichalusikira lwaka lwa BWANA, uo dakuduma kwake ikaiagha ni kwa mawiwi angu kwa mecha, dipate mecha iji damsikira BWANA Mlungu odu.”

JEREMIA 42:6 ပူးပေါင်းရင်းမြစ်များ

ZABURI 128:2

Kuchaja mavalo gha kazi rako; kuchaboilwa, na kukaia nicha.

ZABURI 78:36

Ela weremkalieghe kwa memu yawo, wikatumia chumi rawo kumghoria tee.

KUFUMA 24:7

Ukawusa chuo cha malaghano, andu malaghiro gha BWANA ghereandikiloghe; ukaghishomia wandu kwa lwaka. Nawo wikaghamba, “Dichamsikira BWANA, na kubonya agho ghose oreghilaghirieghe.”

ISAYA 3:10

Wizerenyi wahachi kukaia maza rawo richakaia nicha, angu wichaja matunda gha mabonyo ghawo.

JEREMIA 22:15

Kuaghesha kooka mzuri angu kusimanagha aighu ya kuagha na midi ya sida? Welee, ndeyo nderejieghe na kunywa, ukabonya agho ghiko gha loli na gha hachi? Aho niko orewonieghe mecha.

JEREMIA 43:4

Kwa huwo Johanani mwana wa Karea na wabaa wose wa majeshi na wandu wose, wikalegha kumsikira BWANA, wipate kusigharika isanga ja Juda.

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

WAROMA 7:13

Welee, icho chiboie nicho chiwurie chikaniredia kifwa sena? Hata kutini. Ela ni kaung'a ibonyere huwo; ikaniredia kifwa kwa kutumia icho chiko chiboie, eri ipate kuwoneka seji iko kaung'a loli. Niko huwu kwa chia ya ugho momu, kaung'a yawonyerwa seji iko izamie nandighi loli-loli.

WAROMA 7:7

Da dighora wada? Wei Sharia ni kaung'a? Hata kutini! Angu wei si Sharia, seremanyagha kaung'a. Seremanyagha kubonya iriso niki, ngera Sharia isereghorieghe, “Kusakebonya iriso”.

WAROMA 8:7

Kwa kukaia mundu uririkanyagha ra mumbi ni m'maiza wa Mlungu; angu ndeusikiragha Sharia ya Mlungu, nao loli ndeudimagha kuisikira anduangi;

WUKUMBUSO 5:27

Oho Musa, ghenda kaavui kusikire malagho ghose BWANA Mlungu odu uchaaghighora, ima kuchedighoria agho malagho ghose BWANA Mlungu odu waghora; nesi dichasikira na kughibonya.’

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.

WUKUMBUSO 5:33

Mghende seji BWANA Mlungu onyu ulaghirie, mpate kukaia moyo na kuwona nicha; matuku ghenyu ghikaie mengi andenyi ya isanga mchaajiwusa.

JOSHUA 24:24

Awo wandu wikamzera Joshua, “Dichamdumikia BWANA Mlungu odu, na kumsikira.”