JEREMIA 42:4 - Biblia Ilagho Jiboie Kwa Wandu Wose

⁴ Nani ngawizera, “Namsikira; olenyi nichamlomba BWANA Mlungu onyu sa iji koni mwanilomba, na agho ghose BWANA uchaanitumbulia, nichamghoria; sichaamvisa ilagho jingi anduangi.”

JEREMIA 42:4 ပူးပေါင်းရင်းမြစ်များ

ZABURI 40:10

Ini sivisire ilagho jingi ja wutesia ghwa kukia kwako ngolonyi kwapo; naghorie malagho gha wuloli ghwako na gha kukia kwako. Sivisire ilagho jingi ja lukundo lwako lukatie na wuloli ghwako andenyi ya ijo izungu ibaa ja wandu.

KUFUMA 8:29

Niko Musa ukamzera, “Ola naghenda, nani kesho nichamlomba BWANA uriinje iri izi kufuma kwa Farao, na kwa wadumiki wako, na kwa wandu wako; ela Farao usedikalie sena kwa kulegha kuwisigha awo wandu wighende kumfunyira BWANA kizongona.”

JEREMIA 23:28

Uo mlodi uko na ndodo yake, ndeghore ndodo yake; na uo mlodi uko na ilagho japo, ndeghore ilagho japo kwa wuloli. Kwani mafozi ni kilamboki kwa ngano.

JEREMIA 23:35

Mchazerana huwu kula mundu na mmbao, na kula mundu na mruna, ‘BWANA watumbulia wada?’ Angu, ‘BWANA waghora wada?’

JEREMIA 26:2

ukaghamba, “Kaia kimusi awazenyi ya Hekalu, kughorie wandu wa mizi yose ya Juda, awa wawuyacha kutasa Hekalunyi, malagho ghose nichaakulaghira kuwizere; kuseghirie ilagho jingi.

EZEKIELI 2:7

Na oho kuchawighoria malagho ghapo wisikiragha angu wisesikire; kwa kukaia awo ni wandu welegha.

MABONYO GHA WADUMI 20:20

Mwaichi seji nisereleghieghe kumghoria kula ilagho jifwane ja kumtesia, ngimfundisha worinyi imbiri ya wandu, na nyumba kwa nyumba;

MABONYO GHA WADUMI 20:27

angu na jingi sereleghieghe kummbonyera njama yose ya Mlungu.

WAROMA 10:1

Wanidu, bea ya ngolo yapo na ilombi japo kwa Mlungu ni angu wamzedu wikie.

1 SAMUELI 12:23

Aighu ya agho, hata ini moni ndeinifwane putu kum'bonyera BWANA kaung'a esigha kumlombia inyo, ela wulalo ghwaro, nichamfundisha chia iboie na ya loli.