JEREMIA 42:22 - Biblia Ilagho Jiboie Kwa Wandu Wose

²² Kwa huwo manyenyi loli angu mchabwaghwa wudenyi, na kwa njala, na kwa saka izamie, andenyi ya ijo isanga mwawuyakaia na bea eghendajikaia.”

JEREMIA 42:22 ပူးပေါင်းရင်းမြစ်များ

ISAYA 30:3

Kwa wundu ugho wichafushwa waya wikakaia aisi ya wulindiri ghwa mzuri; na kuja kukuwika aisi ya kiju cha Misri kuchawibonya wikaie wa ndonyi.

JEREMIA 24:10

Nani nichaduma wuda na njala na saka izamie wipate kubwaghwa, hata wameria kutoteshwa putu kufuma isanga ijo nerewinekieghe awo na weke ndee.”

JEREMIA 42:17

Wandu wose wichaakufunya kwendakaia Misri, wichabwaghwa wudenyi, na kwa njala, na kwa saka izamie; ndekuchaakaia na masighariko ghangi angu mndungi okaia moyo kufumanya na ugho wuwiwi nichaawiredia.’

JEREMIA 43:11

Uchacha na kujikaba isanga ja Misri, na awo wandu wiwikilo kufwa kwa saka izamie, wichafwa kwa saka izamie; na awo wiwikilo wedwalwa wunyika, wichadwalwa wunyika; na awo wiwikilo webwaghwa wudenyi wichabwaghwa wudenyi.

JEREMIA 44:12

Awo wandu wa Juda wisigharikie, nao wikakufunya kucha cha Misri wipate kukaia aha, nichawibonya witotesho wose ahaeni isangenyi ja Misri. Wichafwa wudenyi, na kwa njala, kufuma mtini wawo hata m'baa wawo; nawo wichawoneka sa kilambo cha kisha, cheshinikilwa, chiwasirilo njowe, na chesholelwa.

EZEKIELI 33:27

“Kuwighorie malagho kukaia, Sa iji ini Bwana MLUNGU nikaiagha moyo, naghamba loli awo wawuyakaia andenyi ya andu kunonelo wichabwaghwa wudenyi, na uo uko cha mbuwenyi nichamfunya kwa nyamandu ujigho, na awo wikuvisire ngomenyi na mbangenyi wichafwa kwa saka izamie.

EZEKIELI 6:11

Bwana MLUNGU waghamba huwu, “Kabenyi lagha, mtume tiri mghambe, Wei Ngai! Kwa wundu ghwa mawiwi ghose gha wuchafu ghwa wandu wa Israeli; kwa kukaia wichafwa kwa wuda, na kwa njala, na kwa saka izamie.

EZEKIELI 6:12

Uo uko kula, uchafwa kwa saka izamie; na uo uko kaavui, uchabwaghwa wudenyi; na uo usigharikie usebonyero ilagho jingi, uchabwaghwa ni njala. Huwo niko nichaameria lubio lwapo aighu yawo.

HOSEA 9:6

Iji wasi ghwacha na wandu kusasarika, Misri ichawikwanya wipate kurikilwa Memfisi. Vilambo vawo va zoghori va feza na andu kose mizi yawo erekoghe, ichabukwa ni masaka na minjwa.