JEREMIA 42:2 - Biblia Ilagho Jiboie Kwa Wandu Wose

² wikanizera, “Dakulomba kudibonyere seji dikuzeragha, nao kumlombe BWANA Mlungu wako kwa wundu ghodu, ee kwa wundu ghwa agha masighariko ghose gha wandu (kwa kukaia isi derekoghe wengi deechasigharika watinieri seji kudiwonagha);

JEREMIA 42:2 ပူးပေါင်းရင်းမြစ်များ

1 WAZURI 13:6

Mzuri Jeroboamu ukamzera mlodi, “Tafadhali nilombie kwa BWANA Mlungu wako, kumvoye mkonu ghwapo ghupate kuboa.” Mlodi wa Mlungu ukamlomba BWANA, na mkonu ghwa mzuri ghukaboa na kuwuya sa iji koni ghorekoghe.

ZABURI 119:170

Nakuvoya kunisikire; kunikire kunughana na ilagho jako.

KUFUMA 8:28

Niko Farao ukaghamba, “Nichamsigha mghende cha kireti kum'bwaghia Mlungu onyu kizongona, ela mseghende kula. Nilombienyi.”

KUFUMA 9:28

Mlombenyi BWANA, angu ulu lukuwa na vua ya magho vakata. Nichamlekeria mghende, hata ndemuchaamuka anduangi.”

ISAYA 1:15

Mkaghorua mikonu yenyu kunilomba, sichaamzighana; hata mkalomba malombi mengi, sichaaghisikira anduangi; kwa kukaia mikonu yenyu eechua bagha.

ISAYA 1:9

Ngera BWANA wa majeshi nderedisighieghe masighariko gha wandu wikirie, Kumangu deeka sa Sodoma, kumangu dawurie sa Gomora.

ISAYA 37:4

Kewada BWANA Mlungu wako wameria kusikira malagho ghaghorwa ni Rabshake agho wadumwa ni bwana wake mzuri wa Waashuru, ghemsholia Mlungu uko moyo; nao ughikemie agho malagho ghake. Kwa huwo, kumlombe Mlungu kwa wundu ghwa masighariko gha wandu wisigharikie.’”

ISAYA 42:20

Israeli kwawuyawona malagho mengi, ela ndekuwueghizighana; kwawuyasikiria malagho mengi, ela ndeghiwuengia.”

JEREMIA 15:11

BWANA ukaghamba, “Kwa loli nichakukira kwa wundu ghwa wucha, kwa loli nichawibonya wamaiza wako wikuvoye ngelo ya wasi.

JEREMIA 2:27

awo wighuzeragha mudi, ‘Oho ko aba,’ na igho, ‘Oho ko mao.’ Kwa kukaia waghalukie na mbai kufuma kwapo, hata ndewikunde kunizighana; ela wikapatwa ni wasi waghamba, ‘Wuka kudikire!’

JEREMIA 21:2

“Kukotie BWANA kwa wundu ghodu, kwa kukaia Nebukadnezari mzuri wa Babuloni waawuyabonya wuda nesi, kewada BWANA uchadibonyera mabonyo ghake gha mashiniko, upate kudiinjikia.”

JEREMIA 36:7

Kewada wadima kulomba na kuvoya imbiri ya BWANA, na kewada kula umu wawo uchaghaluka na kusigha mighendo yake izamie; kwa kukaia machu na lubio BWANA ughorie aighu ya awa wandu ni lubaa.”

JEREMIA 37:20

Idana sikira nakulomba ee bwana wapo mzuri, kurumirie ilombi japo nikulombagha ngikusera imbiri kwako, kuseniwunje nyumbenyi kwa uja muandiki Jonathani nichefuya aho.”

JEREMIA 37:3

Mzuri Zedekia ukaduma Jehukali mwana wa Shelamia na mkohani Zefania mwana wa Maaseia wiche kwapo winizere, “Dilombie kwa BWANA Mlungu odu.”

JEREMIA 38:14

Mzuri Zedekia ukanidumiria, nao ngaredwa mbengenyi ya kadadu ya Hekalu ya BWANA. Mzuri ukanizera, “Nichakukotia ikoto, na oho kusenivise ilagho jingi.”

JEREMIA 40:15

Niko Johanani mwana wa Karea ukaghoria Gedalia kivisonyi aho Mispa ukighamba, “Leka niendem'bwagha Ishmaeli mwana wa Nethania, na mndungi ndechaamanya. Kwaki ukunde kukubwagha eri Wayahudi wose wikukwanyikie wipate kusaghiswa na masighariko gha wandu wa Juda witote?”

JEREMIA 42:20

kukaia, mwakulaghashire nenyo mchakubwagha mmbeni. Morenidumieghe kwa BWANA Mlungu onyu, mkighamba, ‘Dilombie kwa BWANA Mlungu odu, na ijo jose kuchaazerwa ni BWANA Mlungu odu, nijo jeni dichaabonya.’

KILILO CHA JEREMIA 1:1

Muzi ghwa Jerusalemu ghorechuloghe ni wandu ghwasighwa wada mduu! Muzi ghorenekeloghe ishima ni wurumwengu ghwakaia wada idana sa muka mkiwa! Muzi ghuboie kuchumba yose ghwangirie wuzumbenyi.

EZEKIELI 12:16

Ela nichabonya watini wawo wifufunuke icho kifwa cha lufu na cha njala na cha saka izamie, eri ingelo wiko aghadi ya iro mbari ra wandu wirighendiagha, wipate kurumiria ugho wuchafu ghwawo wereghubonyereghe na kumanya kukaia Ini ne BWANA.”

HOSEA 8:10

Ela idana nichawikwanya chiaimweri nipate kuwikaba. Wichawoka kudaruma kwa kukorongwa ni mzuri wa Ashuru.

WALAWI 26:22

Nichamredia nyamandu ribirie, ripate kumjia wana wenyu, na kubwagha ng'ombe renyu, na mtalo ghonyu ghupunguo, hata chia renyu rikwame.

AMOSI 7:2

Hata iji zighe rameria kuja nyasi rose ra isangenyi, nereghambieghe, “Ee Bwana MLUNGU, nakuvoya kufuye wandu wako wughoma, Wandu wa Israeli wadima wada kukaia moyo? Weeka watini nandighi.”

MATHAYO 24:22

Na ngera agho matuku ghiserepunguziroghe, kumangu mndungi ndekiagha anduangi; elaima kwa wundu ghwa awo wasaghulwa, Mlungu uchaghipunguza matuku agho.

MABONYO GHA WADUMI 8:24

Simoni ukatumbulia, “Nilombienyi kwa Bwana eri ilagho jingi ja agha mwaghora jisechenipata.”

WUKUMBUSO 28:62

Na seji morekoghe wengi sa nyerinyeri ra mlungunyi, mchasighwa watinieri; angu kuleghie kumsikira BWANA Mlungu wako.

WUKUMBUSO 28:63

Na sa iji koni erem'boieghe BWANA kum'bonyera mecha na kum'bonya mchurikie, huwo koni icham'boia kumnona na kumtotesha; nenyo mchainjwa isangenyi ijo mwawuyangia kujiwusa.

WUKUMBUSO 4:27

BWANA uchamsaghisa aghadi ya wandu wa iro mbari, nenyo mchavuvuka watinieri.

JAKOBO 5:16

Kwa huwo rumirianenyi kaung'a renyu mmbeni na mmbeni, na kulombiana; mlombiane, mpate kuboiswa. Malombi gha mundu wa hachi ghabonyagha kazi kwa ndighi nyingi.

1 SAMUELI 12:19

Na awo wandu wikamzera Samueli, “Dilombie kwa BWANA Mlungu wako isi wadumiki wako disechefwa; kwa kukaia dachuria wuwiwi aighu ya kaung'a redu kwa kulomba mzuri.”

1 SAMUELI 12:23

Aighu ya agho, hata ini moni ndeinifwane putu kum'bonyera BWANA kaung'a esigha kumlombia inyo, ela wulalo ghwaro, nichamfundisha chia iboie na ya loli.

1 SAMUELI 7:8

wikamzera Samueli, “Kusesighe kumlilia BWANA Mlungu odu kwa wundu ghodu, eri udikire disekabo ni Wafilisti.”