JEREMIA 42:18 - Biblia Ilagho Jiboie Kwa Wandu Wose

¹⁸ “BWANA wa majeshi, uo Mlungu wa Israeli waghamba huwu: ‘Sa iji koni machu ghapo na kubia kwapo korediriloghe aighu ya wandu werekoghe Jerusalemu, niko koni na machu ghapo ghichaadilwa konyu iji mwaghenda cha Misri. Mchawuya sa vilambo va kisha, wandu weshinikilwa, wandu wa njowe, na wandu wesekwa. Ndemchaajiwona iji isanga sena.’

JEREMIA 42:18 ပူးပေါင်းရင်းမြစ်များ

2 MALAGHO GHA NGELO 34:25

Kwa kukaia wanisighie na kuifukiria milungu mizima marumba, hata wikanibonya nijoko ni machu kwa iro kazi wiribonyere; nichakaba Jerusalemu kwa machu mabaa ghisehoagha.

ISAYA 30:3

Kwa wundu ugho wichafushwa waya wikakaia aisi ya wulindiri ghwa mzuri; na kuja kukuwika aisi ya kiju cha Misri kuchawibonya wikaie wa ndonyi.

ISAYA 65:15

Wasaghulwa wapo wichatumia irina jenyu kwa kuwasira njowe, na ini BWANA Mlungu nicham'bwagha inyo; ela wadumiki wapo nichawineka irina izima.

JEREMIA 18:16

Wamerie kubonya isanga jawo jishinikilo, kilambo chesholelwa ngelo rose. Wandu wichaaida aho wichazighana na kushinika, nawo wichasughusa vongo vawo.

JEREMIA 22:27

Mchakaia na bea ewuya isanga morevailoghe, ela mdua jingi msewurie aho sena.”

JEREMIA 23:40

Nani nichamredia aighu konyu masholio ghedua na waya ghwa ngelo rose ghusechaaliwika.”

JEREMIA 24:9

Nichawiredia wuwiwi ghoobolwa ni mawuzuri ghose gha ndoenyi, wipate kukaia masholio, na wandu wetanilwa na kusekwa na kutumia irina jawo sa wandu wiwadilo ni njowe andu kose nichaawisasara ndoenyi.

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 26:6

nichaibonya Hekalu ihi iwuye sa Shilo; na mbari rose ra ndoenyi wichatumia irina ja ughu muzi sa kilambo chiwadilo ni njowe.’”

JEREMIA 29:18

Nani nichawinugha kwa wuda na njala na saka izamie, na kuwibonya wishinikilo ni mawuzuri ghose ghiko ndoenyi; wiwuye wa njowe, weshinikilwa, wezomelwa, na wesholelwa andu uko kose nichaawighenja kwa mbari rose;

JEREMIA 29:22

Na kwa wundu ghwawo, wandu wose wa Juda widwalo wunyika, na awo wiko Babuloni, wichakaia wikitumia malagho agha kwa kuwasira njowe, “BWANA ndekubonye sa Zedekia na Ahabu awo wereocheloghe wimoo ni Nebukadnezari mzuri wa Babuloni;”

JEREMIA 33:5

Wamu waro wichacha kulwa na Wababuloni nawo wichabwaghwa, na kurichura iro nyumba ra awo wandu nichaawibwagha kwa machu na kubia kwapo; kwa kukaia namerie kughughalukia na mbai ughu muzi kwa wundu ghwa wuwiwi ghwawo ghose.

JEREMIA 44:12

Awo wandu wa Juda wisigharikie, nao wikakufunya kucha cha Misri wipate kukaia aha, nichawibonya witotesho wose ahaeni isangenyi ja Misri. Wichafwa wudenyi, na kwa njala, kufuma mtini wawo hata m'baa wawo; nawo wichawoneka sa kilambo cha kisha, cheshinikilwa, chiwasirilo njowe, na chesholelwa.

JEREMIA 44:22

BWANA ndedimie kurumaghia wuwiwi na wuchafu ghonyu moregubonyereghe. Kwa wundu ugho, isanga jenyu jeesighwa iduu jisewadie wandu, jiwadilo ni njowe sa iji jiko idime.

JEREMIA 44:6

Kwa huwo nerejokeloghe ni machu ghapo na kubia kwapo aighu ya mizi ya Juda, na chienyi ra Jerusalemu, nayo ikasighwa miduu seji iwonekagha idime.

JEREMIA 44:8

Kwaki mughiwusiragha machu ghapo kwa kazi ra mikonu yenyu, na kuifukiria marumba milungu mizima ya Misri, andu mchee mpate kukaia, eri mkumerie mmbeni hata mmbuye wandu wewadwa ni njowe na wesholelwa aghadi ya mbari rose ra ndoenyi?

JEREMIA 6:11

Kwa huwo nachulwa ni machu gha BWANA; Ilagho ja BWANA janisira ndighi kujiwadia.” BWANA ukanizera, “Dia agho machu ghapo kwa wana chienyi, na wokoni andenyi ya makwanyiko gha wandu wa irika. Womi wilowue na waka wilowolo wichadwalwa chiaimweri, na waghosi na awo wighosere nandighi; hata ungi ndechaasighwa.

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

KILILO CHA JEREMIA 2:4

Wadilengie na iwanu sa m'maiza, ukabwagha wose werediboiagha; dawonie machu ghake ghiakagha sa modo aha Jerusalemu.

KILILO CHA JEREMIA 2:6

Wainona Hekalu yake andu derekoghe dikimtasa, waribonya ndima na sabato risekaie. Mzuri na mkohani wawona seji uko na ndighi.

KILILO CHA JEREMIA 4:11

BWANA walekerie machu ghake ghose ghibirie; ukakora muzi ghwa Sioni ghukahia hata misinginyi.

EZEKIELI 20:34

Nichamreda kufuma kwa wandu, na kufuma masanga ghose moresaghisikieghe, kwa kudima kwapo, na kwa ndighi, na kwa machu ghapo;

EZEKIELI 22:22

Sa iji feza isaghishwagha kwa modo ghubirie, na inyo wori mchasaghishwa andenyi ya muzi ghwa Jerusalemu, nenyo mchamanya machu ghapo aighu yenyu.”

DANIELI 9:11

Wandu wose wa Israeli wamerie kuchikanya sharia rako, wikaghaluka na kulegha kukusikira. Kwa huwo njowe na maghemi ghose ghiandikilo andenyi ya Sharia ya Musa mdumiki wako, ghamerie kudichea; kwa kukaia dakubonyere kaung'a.

DANIELI 9:27

Uja m'bonyi nguma uchabonya mapatano ghimange na wandu wengi kwa miaka mfungade, nao uchafunga vizongona na mafunyo visefunyo ghadi na ghadi ya iyo miaka mfungade. Mmbiwi mnoni uchangirwa kondenyi Andu kwa Wueli kwa Hekalu, nao uchakaia aho hata uo oremmbikieghe aho uvikie kutua kwake kupangilo ni Mlungu.”

HOSEA 7:16

Wanisighie na kuighalukia milungu isewadie ndighi; wakaia sa ndana ikomekie isedimagha kusuwirilwa. Wabaa wawo wichabwaghwa wudenyi angu wikukasire, na Wamisri wichawiseka.”

NAHUMU 1:6

Nani udimagha kukaia moyo ukajokwa ni machu? Nani udimagha kughirumaghia machu ghake ghibirie? Machu ghake ghadilwa sa modo, na magho ghabarika imbiri yake.

ZEKARIA 8:13

Inyo wandu wa Juda na Israeli, kokala waghenyi werewasiranagha njowe kwa kughora ‘Wasi ghorewipatireghe wandu wa Juda na Israeli ndeghukupate oho!’ Ela nichamkira, na awo waghenyi wichazerana, ‘Kupate irasimio jerepatiroghe ni wandu wa Juda na Israeli!’ Kwa huwo mkaie na ngolo msakeobua.”

MITALO 5:27

Ukameria kumnyosha agho machi ghiredagha njowe, ghichamredia luwawo lubaa, iji umerie kukulusha kwa kulala na mndwawomi mzima. Aho mumbi ghwake ghuchavimba, na via vake vichazama; na uo muka uchazama aghadi ya wandu wake.

WUFUNUO 14:10

uchanywa divei irudie ya kubia kwa machu gha Mlungu, idungilo andenyi ya kikombe cha machu ghake; nao uchatirirwa kwa modo na kibiriti imbiri ya weke malaika wielie, na imbiri ya Mwana wa Ng'ondi.