JEREMIA 42:16 - Biblia Ilagho Jiboie Kwa Wandu Wose

¹⁶ niko aho ugho wuda mwawuyaghuobua ghuchaamchea ahoeni isanga ja Misri, na iyo njala mwawuyaiobua ichamchea kwa wungi ahoeni Misri, nenyo mchafuya aho.

JEREMIA 42:16 ပူးပေါင်းရင်းမြစ်များ

MAKATANISHO 13:21

Wakaung'a wadanughwa ni wasi kula andu, ela wahachi wadapata mafungu mecha.

JEREMIA 27:8

“‘“Ela mbari angu wuzuri ghungi ghukalegha kumdumikia Nebukadnezari mzuri wa Babuloni, na kurumiria kungira singo rawo andenyi ya ghongolo yake, nichaikaba ija mbari kwa wuda, na kwa njala, na kwa saka izamie, waghamba BWANA; hata nam'bonya Nebukadnezari uwimerie putu.

JEREMIA 41:18

kwa wundu ghwa kuwiobua Wababuloni angu Ishmaeli mwana wa Nethania orem'bwaghieghe Gedalia mwana wa Ahikamu, uo orewikiloghe ni mzuri wa Babuloni ukaie m'baa wa isanga.

JEREMIA 42:13

“Ela mkaghamba, ‘Isi ndedichaakaia andenyi ya iji isanga’, nao mleghe kumsikira BWANA Mlungu onyu

JEREMIA 44:27

Olenyi naawuyamzighanira woruwu, si kwa kum'bonyera mecha ela kiwiwi; inyo mmbose wandu wa Juda mkaiagha isanga ja Misri mchabwaghwa wudenyi, na kwa njala hata mwasia putu.

EZEKIELI 11:8

Mwaobue lufu, ela nichareda wandu wilo nenyo kwa lufu, ini Bwana MLUNGU naghamba.

ZEKARIA 1:6

Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”

JOHANE 11:48

Dikamsigha huwu, kula mundu uchamrumiria, na Waroma wichacha na kuinona Hekalu na mbari edu.”

WUKUMBUSO 28:15

“Ela kukalegha kumsikira BWANA Mlungu wako, angu kuleghalindia kukatisha agho malaghiro ghake gha sharia rake nikulaghiragha idime, kuchawadwa ni njowe iri rose.

WUKUMBUSO 28:22

BWANA uchakukaba na makongo ghewasirana, homa, na kuakwa modo, na iruke jibirie, na kuoma kwa ndoe, na kiremba, na ngama ya miwalwa; maza iri richakunugha hata kwatota.

WUKUMBUSO 28:45

Kuchawadwa ni njowe iri rose, hata rikunone na kukutotesha, kwa kukaia, ndekoremsikireghe BWANA Mlungu wako kwa kughiwadia malaghiro ghake na sharia rake iro orekulaghirieghe.