JEREMIA 42:14 - Biblia Ilagho Jiboie Kwa Wandu Wose

¹⁴ kwa kughamba, ‘Hata! Isi dichaghenda cha isanga ja Misri, andu disechaawona wuda, angu kusikira lwaka lwa tarumbeta, angu kusowa vindo; nesi dichakaia aho,’

JEREMIA 42:14 ပူးပေါင်းရင်းမြစ်များ

KUFUMA 16:3

wikawizera, “Erekaiagha nicha ngera BWANA odedibwaghia isanga ja Misri, aho dereserieghe kidombo aghadi ya sufuria ra nyama, dikija mikate na kughuda. Ela inyo mwadireda ichi kireti kubwagha iji ikwanyiko jose kwa njala.”

KUFUMA 17:3

Ela wandu werekoghe waoma na ndighi, wikachuria kumzughunukia Musa wikighamba, “Kwaki koredifunyagha Misri kuchedibwagha isi, na wana wedu, na mfugho redu kwa kau?”

ISAYA 30:16

mkaghamba, “Ndedikunde! Isi dichakimbia kwa farasi redu riwadie iseghe,” na huwo mchakimbia kwa farasi riwadie iseghe, ela awo wimmbingagha wichamnugha kwa shwa-shwa.

ISAYA 30:2

Wandu wifumagha kughenda cha Misri wiselolie njama kwapo. Wakusaghika na wulindiri ghwa mzuri, na kubonya Misri ikaie kiju chawo.

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

JEREMIA 4:19

Luwawo lubirie! Luwawo lubirie! Niaghala-ghala kwa ulo luwawo! Ai kondenyi ngolonyi kwapo! Ngolo yapo yaawuyakaba icho kisha, sidimagha kunyama kima; kwa kukaia naawuyasikira lwaka lwa tarumbeta, lwaka lwa wuda.

JEREMIA 4:21

Bendera ya wuda niiwona hata lii, na chwaka ra tarumbeta nirisikira hata lii?

JEREMIA 41:17

Wikaghenda na kukaia Geruthi Kimhamu kaavui na Bethlehemu, wikikunda kughenda cha Misri,

JEREMIA 43:7

na kughenda isanga ja Misri; kwa kukaia ndeweremsikireghe BWANA anduangi. Wikaghenda na kuvika Tahpanesi.

MITALO 14:3

Kwaki BWANA udighenjagha ijo isanga diendebwaghwa wudenyi na waka na wana wedu widwalo wunyika; si baa diwuye Misri?”

MITALO 14:4

Kwa huwo wikazerana weni na weni, “Ndedisaghuo kilongozi, diwuye Misri.”

MITALO 16:13

Kuaghesha ni ilagho itini kudifunya isanga jinorie, na kudireda kuchedibwaghia kireti, nao sena kookunda kuwuye m'baa aighu yedu?

WUKUMBUSO 17:16

Umanye usekaie na farasi nyingi ra ijeshi jake, angu kuwibonya wandu wiwuye Misri kwendachuria farasi rikaie nyingi; kwa kukaia BWANA waleghie jingi msewuye ijo isanga.

WUKUMBUSO 29:19

Mndungi onyu uko aha idime usikiragha malagho gha ilaghano ijo ja ighemi, nao uhoreshe ngolo yake ukighamba, wei ukeduasikira agho malagho na kughilisha ngolo yake ndewonagha ilagho jingi. Ilagho ijo jichareda kutota kwa wose wiboie na wizamie wori.