JEREMIA 41:2 - Biblia Ilagho Jiboie Kwa Wandu Wose

² Ishmaeli mwana wa Nethania chiaimweri na waja wandu ikumi ukawuka na kumdema Gedalia mwana wa Ahikamu wawae Shafani na lufu, ukam'bwagha uo orewikiloghe ni mzuri wa Babuloni ukaie m'baa wa isanga.

JEREMIA 41:2 ပူးပေါင်းရင်းမြစ်များ

2 SAMUELI 3:27

Nao iji Abneri wawunjwa Hebroni, Joabu ukamdwa mbalama sa kukunda kubonya njama ya kiviso nao aho mbengenyi; nao ahoeni ukamdunga na ifumu ja kifu ukafwa kulipia iyo bagha ya mruna Asaheli.

2 WAZURI 25:25

Ela andenyi ya mori ghwa mfungade, Ishmaeli mwana wa Nethania, wawae Elishama wa kichuku cha kiwuzuri, ukachanya na wandu ikumi, wikamkaba Gedalia na kum'bwagha, chiaimweri na Wayahudi, na Wababuloni werekwanyeghe aho Mispa.

ZABURI 109:5

Kwa huwo waawuyanilipa kiwiwi kwa nicha yapo, na kuzamilwa ni ini kwa wundu ghwa lukundo lwapo.

ZABURI 41:9

Hata mghenyi wapo wa ngolonyi, umoni neremrumirieghe dikajanya vindo vapo, waghalukie ulo nani.

JEREMIA 40:14

wikamzera, “Keni kwaichi kukaia Baalisi mzuri wa Waamoni wadumie Ishmaeli mwana wa Nethania uchekubwagha?” Ela Gedalia mwana wa Ahikamu nderewirumirieghe.

JEREMIA 40:16

Ela Gedalia mwana wa Ahikamu ukamzera Johanani mwana wa Karea, “Kusebonye ilagho ijo; kwa kukaia oho kwaawuyamzighiria Ishmaeli.”

JEREMIA 40:5

Kawona kuasigharika, kuwuye kwa Gedalia mwana wa Ahikamu wawae Shafani, uo uwikilo ni mzuri wa Babuloni ukaie m'baa wa mizi ya Juda. Kukaianye nao aghadi ya wandu, angu kughende andu uko kose kuwonagha kuchakufwana.” Niko uo m'baa wa majeshi ukanineka vindo vimu na manosi, ukanisigha nighende.

JEREMIA 40:7

Wabaa wa majeshi wa Juda wisigharikie chiaimweri na wandu wawo wiko isangenyi weresikireghe kukaia mzuri wa Babuloni wam'bonya Gedalia mwana wa Ahikamu ukaie m'baa wa isanga, uwizighaneghe womi na waka na wanake, awo werekoghe wakiwa isangenyi, wiseredwaloghe wunyika cha Babuloni.

JEREMIA 40:8

Wikamghendia Gedalia aho Mispa; nawo werekoghe Ishmaeli mwana wa Nethania, na Johanani mwana wa Karea, na Seraia mwana wa Tanhumethi, na wana wa Efai, Mnetofathi, na Jezania mwana wa Mmaaka; nawo werekoghe na wandu wawo.

JEREMIA 41:3

Wokoni Ishmaeli ukawibwagha Wayahudi wose werekwanyeghe na Gedalia aho Mispa, chiaimweri na masikari gha Wababuloni werekoghe aho.

JOHANE 13:18

“Siwueghora huwu kwa inyo mmbose anduangi, angu nawiichi awa niwisaghue, ela ni suti Maandiko ghikatie, agho ghighambagha, ‘Uo dijanye vindo vapo, waghalukie ulo nani.’