JEREMIA 41:10 - Biblia Ilagho Jiboie Kwa Wandu Wose

¹⁰ Niko Ishmaeli ukawidwa wunyika wandu wose werekoghe Mispa, na wai wa mzuri, na wandu wose weresigharikieghe Mispa, awo weresighiloghe mikonunyi kwa Gedalia mwana wa Ahikamu ni Nebuzaradani uja m'baa wa majeshi; awo wose Ishmaeli mwana wa Nethania ukawidwa wunyika, ukazoya charo cheruwuka cha kwa Waamoni.

JEREMIA 41:10 ပူးပေါင်းရင်းမြစ်များ

NEHEMIA 2:10

Ela iji Sanbalati mundu wa Beth-Horoni wasikira na Tobia m'baa wa isanga ja Amoni, wikazamilwa nandighi kuwona mndumu wachalola kuwitesia wandu wa Israeli.

NEHEMIA 2:19

Ela iji Sanbalati Mhoroni, na Tobia m'baa wa isanga ja Amoni, na Muarabu uwangwaghwa Geshemu wiendasikira huwo, wikadiseka na kudimenya wikighamba, “Niki ichi mwawuyabonya? Mwawuyamlegha mzuri?”

JEREMIA 22:30

BWANA waghamba huwu, “Kumuandike umundu sa usewadie mwana ungi; mundu usechaawona nicha kwa ilagho jingi, matuku ghake ghose; kwa kukaia ungi wa wuvalo ghwake ndechaadima kuseria kifumbi cha nguma cha Daudi, na kubonyera isanga ja Juda nguma.”

JEREMIA 38:23

Waka wose na wana wako wichafunywa na kughenjwa kwa Wababuloni, hata oho kumoni ndekuchaafufunuka kusewadilo, ela kuchawadwa ni mzuri wa Babuloni, na ughu muzi ghuchakorwa.”

JEREMIA 39:6

Ukawibwagha wana wa Zedekia aho Ribla, Zedekia ukizighanira; wokoni ukawibwagha wabaa wose wa Juda.

JEREMIA 40:14

wikamzera, “Keni kwaichi kukaia Baalisi mzuri wa Waamoni wadumie Ishmaeli mwana wa Nethania uchekubwagha?” Ela Gedalia mwana wa Ahikamu nderewirumirieghe.

JEREMIA 40:7

Wabaa wa majeshi wa Juda wisigharikie chiaimweri na wandu wawo wiko isangenyi weresikireghe kukaia mzuri wa Babuloni wam'bonya Gedalia mwana wa Ahikamu ukaie m'baa wa isanga, uwizighaneghe womi na waka na wanake, awo werekoghe wakiwa isangenyi, wiseredwaloghe wunyika cha Babuloni.