JEREMIA 40:7 - Biblia Ilagho Jiboie Kwa Wandu Wose

⁷ Wabaa wa majeshi wa Juda wisigharikie chiaimweri na wandu wawo wiko isangenyi weresikireghe kukaia mzuri wa Babuloni wam'bonya Gedalia mwana wa Ahikamu ukaie m'baa wa isanga, uwizighaneghe womi na waka na wanake, awo werekoghe wakiwa isangenyi, wiseredwaloghe wunyika cha Babuloni.

JEREMIA 40:7 ပူးပေါင်းရင်းမြစ်များ

2 WAZURI 25:12

Ela wakiwa wichumbie, ukawisigha isanga ja Juda, wilimieghe mizabibu na kulima mbuwa.

2 WAZURI 25:4

Hata ngera Wababuloni werekoghe waghurughaia ugho muzi, ela wurigha ghwa muzi ghorechikanyiroghe, na masikari ghose ghikakimbia nakio kwa chia ya mbenge ghadi na ghadi ya mawurigha awi, mbuwenyi kwa mzuri; wikaghenda kwa kunugha chia ya Vololo ya Jordani.

JEREMIA 39:10

Ukawisigha awo werekoghe wakiwa wikaie ahoeni isangenyi ja Juda, awo wiserekoghe na kindo chingi; ukawineka mbuwa ra mizabibu na mbuwa iyo ngelo cheni.

JEREMIA 39:14

wikaduma na kunireda kufuma waza ya walindiri; wikaniwika mikonunyi kwa Gedalia mwana wa Ahikamu, wawae Shafani, eri upate kunighalisha. Kwa huwo ini Jeremia ngakaia aghadi ya wandu.

JEREMIA 39:4

Nao iji Mzuri Zedekia na masikari ghake wawiwona, wikakimbia na kufuma mzinyi nakio, wikamaria chia ya mbuwa ya mzuri, wikaidiria mbengenyi iko aghadi ya mawurigha awi, wikaghenda kulangaya Araba.

JEREMIA 39:9

Niko Nebuzaradani, uo m'baa wa majeshi, ukawidwa wunyika cha Babuloni awo wandu weresigharikieghe mzinyi; awo werekimbirieghe cha kwake na awo weresigharikieghe.

JEREMIA 41:1

Mori ghwa mfungade, Ishmaeli mwana wa Nethania wawae Elishama, wa kichuku cha kiwuzuri, sena ni umu wa wabaa wa mzuri, ukacha kwa Gedalia mwana wa Ahikamu aho Mispa, andwamweri na wandu ikumi. Hata iji werekoghe wikija vindo aho Mispa,

JEREMIA 41:10

Niko Ishmaeli ukawidwa wunyika wandu wose werekoghe Mispa, na wai wa mzuri, na wandu wose weresigharikieghe Mispa, awo weresighiloghe mikonunyi kwa Gedalia mwana wa Ahikamu ni Nebuzaradani uja m'baa wa majeshi; awo wose Ishmaeli mwana wa Nethania ukawidwa wunyika, ukazoya charo cheruwuka cha kwa Waamoni.

JEREMIA 41:11

Johanani mwana wa Karea chiaimweri na vilongozi vose va majeshi wiendasikira malagho gha ugho wuwiwi ghose ghubonyero ni Ishmaeli mwana wa Nethania,

JEREMIA 43:6

wandu wa womi, na wa waka, na wana, na wai wa mzuri, na kula mundu oresighiloghe ni Nebuzaradani uja m'baa wa majeshi mikonunyi kwa Gedalia mwana wa Ahikamu wawae Shafani; hata ini na Baruku mwana wa Neria wikadidwa,

JEREMIA 52:16

Ela Nebuzaradani uja m'baa wa ijeshi, ukawisigha wandu wamu werekoghe wakiwa wichumbie isangenyi, wiboiseghe mizabibu na kulima.

EZEKIELI 45:16

Wandu wa isanga wose wichafunya mafunyo agha kwa m'baa wa isanga ja Israeli.