JEREMIA 40:5 - Biblia Ilagho Jiboie Kwa Wandu Wose

⁵ Kawona kuasigharika, kuwuye kwa Gedalia mwana wa Ahikamu wawae Shafani, uo uwikilo ni mzuri wa Babuloni ukaie m'baa wa mizi ya Juda. Kukaianye nao aghadi ya wandu, angu kughende andu uko kose kuwonagha kuchakufwana.” Niko uo m'baa wa majeshi ukanineka vindo vimu na manosi, ukanisigha nighende.

JEREMIA 40:5 ပူးပေါင်းရင်းမြစ်များ

2 WAZURI 22:12

Mzuri ukafunya momu kwa mkohani Hilkia, na Ahikamu mwana wa Shafani na Akbori mwana wa Mikaia, na Shafani karani, ukawizera,

2 WAZURI 22:14

Niko Mkohani M'baa Hilkia, na Ahikamu, na Akbori, na Shafani na Asaia, wikaghenda kwa mlodi wa waka Hulda mka wa Shalumu mwana wa Tikva, wawae Harhasi mlindiri wa kabati ya nguwo, (orekoghe ukikaia Jerusalemu, mtaa ghwa kawi); wikaja malagho nao.

2 MALAGHO GHA NGELO 34:20

Niko mzuri ukafunya momu kwa Hilkia, Ahikamu mwana wa Shafani, Abdoni mwana wa Mika, muandiki Shafani, na mdumiki wa mzuri Asaia ukighamba,

EZRA 7:27

Ezra ukaghamba, “BWANA, uo Mlungu wa weke aba ndekaso! Wam'bonyere mzuri ukunde kuibonyera ishima Hekalu iyo iko Jerusalemu.

EZRA 7:6

Uo Ezra, orejokieghe Jerusalemu kufuma Babuloni. Orekoghe mwalimu wa Sharia ukufudishire sharia ya Musa loli-loli, iyo BWANA Mlungu oreifunyireghe; mzuri ukamneka vose orelombieghe angu orekoghe na irasimio ja BWANA Mlungu wake.

NEHEMIA 1:11

Degha kudu kwako kusikire malombi ghapo ini mdumiki wako na gha wadumiki wako wose wiboilwagha ni kujibonyera ishima irina jako; kunineke kusima, na ini mdumiki wako nifuilo wughoma ni m'baa wa isanga.” Ngelo iro, ni ini nerekoghe mnyoshi divei wa mzuri.

AYUBU 22:29

Mlungu wadawisera awo wikujosagha, na kuwikira awo wikuseragha.

MAKATANISHO 16:7

Mundu ukakaia na mighendo im'boiagha BWANA, uchabonya hata wamaiza wake wikaie na sere nao.

MAKATANISHO 21:1

Ngolo ya mzuri eeka sa kamoda ka machi mikonunyi kwa BWANA; wadaghilongoza sa iji ukundagha moni.

JEREMIA 15:11

BWANA ukaghamba, “Kwa loli nichakukira kwa wundu ghwa wucha, kwa loli nichawibonya wamaiza wako wikuvoye ngelo ya wasi.

JEREMIA 26:24

Ela kwa kukaia Ahikamu mwana wa Shafani oremteserieghe Jeremia, ndeeredimikieghe ufunyo kwa wandu ubwagho anduangi.

JEREMIA 39:14

wikaduma na kunireda kufuma waza ya walindiri; wikaniwika mikonunyi kwa Gedalia mwana wa Ahikamu, wawae Shafani, eri upate kunighalisha. Kwa huwo ini Jeremia ngakaia aghadi ya wandu.

JEREMIA 40:4

Idana zighana nakufungua ihi minyororo iko mikonunyi kwako idime. Iji kwawona nicha kughendanya nani cha Babuloni, choo tu nichakulindia; ela kukawona si nicha kughendanya na ini cha Babuloni, kuseche. Wona isanga jose jeko imbiri kwako; ghenda andu uko kose kuwonagha nicha kughenda.

JEREMIA 41:1

Mori ghwa mfungade, Ishmaeli mwana wa Nethania wawae Elishama, wa kichuku cha kiwuzuri, sena ni umu wa wabaa wa mzuri, ukacha kwa Gedalia mwana wa Ahikamu aho Mispa, andwamweri na wandu ikumi. Hata iji werekoghe wikija vindo aho Mispa,

JEREMIA 41:18

kwa wundu ghwa kuwiobua Wababuloni angu Ishmaeli mwana wa Nethania orem'bwaghieghe Gedalia mwana wa Ahikamu, uo orewikiloghe ni mzuri wa Babuloni ukaie m'baa wa isanga.

JEREMIA 41:2

Ishmaeli mwana wa Nethania chiaimweri na waja wandu ikumi ukawuka na kumdema Gedalia mwana wa Ahikamu wawae Shafani na lufu, ukam'bwagha uo orewikiloghe ni mzuri wa Babuloni ukaie m'baa wa isanga.

MABONYO GHA WADUMI 27:3

Ituku ja kawi dikabusa Sidoni; Julio ukam'bonyera nicha Paulo kwa kumrumiria ughende kwa waghenyi wake uteselo.

MABONYO GHA WADUMI 27:43

Ela m'baa wa masikari ukikunda kumkira Paulo, ukawikania. Ukafunya momu waja widimagha kuogelia, wirame machinyi kande, wizoe kuogelia cha ndoe iomie;

MABONYO GHA WADUMI 28:10

Wikadineka zawadi nyingi, hata iji derezoeghe kudamba, wikakumbiria melinyi vilambo vose derekoghe na bea navo.

WAEBRANIA 13:6

Niko dadima kughamba kwa wuwana, “Bwana nuo mtesia wapo, sichaaobua anduangi; mdamu wadima kunibonya wada?”