JEREMIA 40:11 - Biblia Ilagho Jiboie Kwa Wandu Wose

¹¹ Wokoni Wayahudi wose werekoghe Moabu, na aghadi ya Waamoni, na Edomu, na masanga mazima, wiendasikira kukaia mzuri wa Babuloni wasighie masighariko gha wandu wa Juda, na kummbika Gedalia mwana wa Ahikamu, wawae Shafani, ukaie m'baa wa isanga aighu yawo,

JEREMIA 40:11 ပူးပေါင်းရင်းမြစ်များ

KUZOYA 36:8

Kwa huwu Esau, (nuo Edomu), ukakaia mighondinyi isanga ja Seiri.

ISAYA 11:14

Ela wichawadana na kuwingiria Wafilisti wiko cha magharibi; wichawikaba na kuwidwa wunyika wandu wa mashariki. Wichawikaba na kuwisima wandu wa Edomu na Moabu, na Waamoni wichakuwika aisi yawo.

ISAYA 16:4

Sigha wakimbii wa Moabu wikaie kwako, kupate kuwilindia wisetotesho.” (Ngelo uo mkorongi na mtoteshi wainjika, na uko kutoteshwa kwasia, hata uo uwadiagha wandu na maghu ghake kuinjika isangenyi.

JEREMIA 24:9

Nichawiredia wuwiwi ghoobolwa ni mawuzuri ghose gha ndoenyi, wipate kukaia masholio, na wandu wetanilwa na kusekwa na kutumia irina jawo sa wandu wiwadilo ni njowe andu kose nichaawisasara ndoenyi.

JEREMIA 41:10

Niko Ishmaeli ukawidwa wunyika wandu wose werekoghe Mispa, na wai wa mzuri, na wandu wose weresigharikieghe Mispa, awo weresighiloghe mikonunyi kwa Gedalia mwana wa Ahikamu ni Nebuzaradani uja m'baa wa majeshi; awo wose Ishmaeli mwana wa Nethania ukawidwa wunyika, ukazoya charo cheruwuka cha kwa Waamoni.

JEREMIA 43:5

Na Johanani mwana wa Karea na wabaa wose wa majeshi wikawada masighariko ghose gha wandu wa Juda, awo werewurieghe kukaia isanga ja Juda, wifumie kwa mbari rose aho weresaghisiroghe,

JEREMIA 43:6

wandu wa womi, na wa waka, na wana, na wai wa mzuri, na kula mundu oresighiloghe ni Nebuzaradani uja m'baa wa majeshi mikonunyi kwa Gedalia mwana wa Ahikamu wawae Shafani; hata ini na Baruku mwana wa Neria wikadidwa,

JEREMIA 9:26

Nichawikaba wandu wa Misri, na wa Juda, na wa Edomu, na wana wa Amoni, na wandu wa Moabu, na wandu wose wikaiagha kireti widumbuagha maridia ghawo virodi; wandu awa wose ndewishamishiro, na wandu wa Israeli wori ndewishamishiro ngolonyi kwawo.”

EZEKIELI 25:12

Bwana MLUNGU waghamba huwu, “Kwa kukaia wandu wa Edomu werelipieghe ngenga aighu ya wandu wa Juda, na kwa chia iyo wikangia makosenyi mabaa ghelipia iyo ngenga,

EZEKIELI 25:2

“Mwana wa mdamu, zighana cha kwa Waamoni kuwifunyire wulodi.

EZEKIELI 25:6

“Ini Bwana MLUNGU naghamba huwu: Kwa kukaia morekabieghe chui renyu na kuvina mkiboilwanya na mawiwi gherekoghe aghadi konyu kwa wundu ghwa isanga ja Israeli,

EZEKIELI 25:8

Bwana MLUNGU waghamba huwu, “Kwa kukaia Moabu waghambie wei wandu wa Juda weeka sa mbari zima rose,

EZEKIELI 34:6

Ng'ondi rapo reresaghisikieghe, rikamara-mara aighu ya mighondi yose, na kula mghondi mlacha; ng'ondi rapo reresaghisikieghe ndoenyi kose, hata ndekuwadie mndungi orerilolieghe anduangi.

EZEKIELI 35:15

Sa iji koreboiloghe aighu ya ifwa ja wandu wa Israeli, angu wei isanga jeresighiloghe iduu, huwo koni nichakubonyera agho gheni: mghondi ghwa Seiri, na isanga jose ja Edomu jichasighwa iduu putu. Niko wichamanya kukaia ini ne BWANA.

EZEKIELI 35:5

Angu korekoghe na wumaiza ghwa toe na wandu wa Israeli, kwa Waisraeli, kukawifunya wibwagho wudenyi ngelo ya wasi ghwawo, ngelo ya kukabwa kwawo kwa kutua.

EZEKIELI 5:12

Ifungu jenyu ja kadadu, jichafwa kwa saka izamie na kumerelwa ni njala aghadi konyu; na ifungu jimu ja kadadu jichafwa kwa wuda ghwa lufu ghuchaammara chia rose; na ifungu jimu ja kadadu nichajisasara andu kose, na kuwinugha nyuma kwa wuda ghwa lufu.

EZEKIELI 5:3

Ela kuwade iridia itini, kujifunge kidambinyi cha nguwo yako.

MITALO 22:1

Niko wandu wa Israeli wikazoya charo, wikaghenda na kudunga kambi kirindi cha Moabu, Jordani nakimonu, kulangaya Jeriko.

MITALO 25:1

Nao iji wandu wa Israeli werekoghe wikikaia Shitimu, wandu wikazoya kulaka aja Moabu.

MITALO 25:2

Na awo wai wikazoya kuwikaribisha awo wandu vizongona va milimu yawo, nawo wikaja na kuighoghomia iyo milimu.

1 SAMUELI 11:1

Niko Nahashi Muamoni ukajoka na kughurughaia muzi ghwa Jabeshi-gileadi. Wandu wose wa Jabeshi wikamzera Nahashi, “Bonya mapatano na isi, nesi dichakudumikia.”

1 SAMUELI 12:12

Hata iji mwammbona Nahashi mzuri wa Waamoni wamchea, morenizerieghe, ‘Hata! Isi deekunda mzuri odibonyera nguma,’ ingelo cheni BWANA Mlungu orekoghe mzuri onyu.