JEREMIA 4:7 - Biblia Ilagho Jiboie Kwa Wandu Wose

⁷ Mtoteshi wa iro mbari ra wandu wameria kufuma sa shimba ifumagha kisachinyi chake; waawuyacha kumtotesha Juda, na mizi ya Juda ichasighwa yameria kuwuya maghacho; na mndungi okaia andenyi yaro uchaasoweka.

JEREMIA 4:7 ပူးပေါင်းရင်းမြစ်များ

2 WAZURI 24:1

Ngelo Jehoiakimu orekoghe mzuri wa Juda, Nebukadnezari mzuri wa Babuloni ukajoka na kum'bonya Jehoiakimu ukaie aisi yake kwa miaka idadu; konyuma Jehoiakimu ukamlegha Nebukadnezari.

2 WAZURI 25:1

Nao Sedekia ukamlegha mzuri wa Babuloni; na mwaka ghwake ghwa ikenda ghobonya nguma mori ghwa ikumi, Nebukadnezari mzuri wa Babuloni ukacha Jerusalemu na ijeshi jake jose; ukaghurughaia na kughubonyera isanju chia rose.

ISAYA 1:7

Isanga jenyu jasighwa iduu, mizi yenyu yakorwa; waghenyi waja isanga jenyu mkizighanira; jeesighwa iduu seji jeenonwa ni waghenyi.

ISAYA 5:9

Bwana waghemie huwu ngisikira, “Loli nyumba nyingi mbaa sena righokie, richasighwa nduu risena wandu wekaia.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

JEREMIA 2:15

Wiamdokia sa shimba, wadoka nandighi; Wajibonyere isanga jake jikawuya kireti, na mizi yake yasighilo putu ikawuya maghacho.

JEREMIA 22:6

“BWANA waghamba huwu aighu ya ngome ya mzuri wa Juda, ‘Ini nadakuwona sa Gileadi, kooka sa mdo ghwa Lebanoni; elaima nichakubonya kuwuye kireti, muzi ghusekailwagha ni wandu.

JEREMIA 22:7

Nichakuwikia watoteshi, kula umu na iswagha jake nawo wichadema nguro rako ra misida ireni riboie, na kurikumba modonyi.

JEREMIA 25:38

BWANA wasighie andu kwake sa shimba isighie mbanga yake, isanga jawo jawurie iduu, kwa wundu ghwa wuda ghwa mkorongi, na kwa wundu ghwa agho machu ghake ghibirie.”

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 26:9

Kwaki kwafunya wulodi kwa irina ja BWANA kukighamba, ‘Ihi Hekalu ichakaia sa Shilo, na wei ughu muzi ghuchakaia mduu ghusewadie wandu?’” Wandu wose wikakwana na kummaria Jeremia aho Hekalunyi ya BWANA.

JEREMIA 27:8

“‘“Ela mbari angu wuzuri ghungi ghukalegha kumdumikia Nebukadnezari mzuri wa Babuloni, na kurumiria kungira singo rawo andenyi ya ghongolo yake, nichaikaba ija mbari kwa wuda, na kwa njala, na kwa saka izamie, waghamba BWANA; hata nam'bonya Nebukadnezari uwimerie putu.

JEREMIA 33:10

BWANA waghamba huwu, “Mwawuyaghamba wei isanga iji jeesighwa iduu jisene mundu hata nyamandu; ela sena, andenyi ya ihi mizi cheni ya Juda na chia ra Jerusalemu, ireni riko nduu risewadie wandu hata nyamandu, luchasikirika sena

JEREMIA 34:22

Olenyi nichawilaghira, nani nichawiwunja kwa ughu muzi wipate kulwa nagho, wighusime, na kughukora. Nichaibonya mizi ya Juda iwuye miduu isene wandu.”

JEREMIA 4:29

Kwa kusikira tiri ra wandu wa farasi, na ra wandu wa ndana, kula mundu uko mzinyi uchakimbia cha isakenyi, wamu wichajoka cha maghambenyi; na mizi yose ichasighwa miduu, na mndungi ndechaasigharika ukikaia andenyi yaro anduangi.

JEREMIA 44:2

“BWANA wa majeshi, Mlungu wa Israeli ukaghamba mwamerie kuwona wuwiwi ghose nereghuredieghe aighu ya Jerusalemu, na aighu ya mizi yose ya Juda. Zighanenyi idime eeka miduu isewadie mndungi wawuyakaia aho,

JEREMIA 46:18

“Mzuri, uo uwangwaghwa BWANA wa majeshi waghema, Sa iji koni nikaiagha moyo, waghamba Mzuri, mndumu uchacha sa Mghondi ghwa Tabori aghadi ya mighondi, na sa Mghondi ghwa Karmeli ghuko mbai na mbai ya bahari.

JEREMIA 49:19

Olenyi sa iji shimba ichagha iranunyi ja ng'ondi jimange, kufuma kwa icho kilemba cha Moda ghwa Jordani, niko koni nichaawibonya Waedomu wikimbie shwa-shwa kufuma isangenyi kwawo; nani nichamsaghua mundu mzima ojibonyera nguma uo ose nichaamkunda. Nani uko sa ini, nani udimagha kunishitakia? Ni m'bonyi nguma uao udimagha kusimana nani?

JEREMIA 5:6

Kwa huwo wichabwaghwa ni shimba ifumagha kilembenyi, na kikwau chifumagha kireti chichawitotesha. Inge yaawuyalaliria mizi yawo, mndungi uchaafuma ucharashulwa vipande vipande, kwa kukaia makosa ghawo ni mengi, na kuwuya nyuma kwawo kwakaia kubaa.

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

JEREMIA 50:44

“Ola nichacha shwa-shwa seji shimba ijokagha kufuma kilembenyi cha Jordani, kungia iranu ja ng'ondi jimange, na kuwibonya wikimbie kufuma mzinyi kwawo, nani nichammbika mundu mzima aighu ya ugho muzi, uo nichaamsaghua. Nani uko sa ini? Nani udimagha kunishitakia? Ni m'bonyi nguma uao udimagha kulwa nani?

JEREMIA 8:16

Mrurumo ghwa farasi ra wamaiza wedu ghwasikirika kufuma Dani, lwaka lwa farasi rawo ra womi, lwasughusa ndoe yose. Wacha kujimeria isanga chiaimweri na kula kilambo chiko andenyi yaro, ugho muzi na wandu wikaiagha andenyi yaro.”

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

EZEKIELI 12:20

Mizi ichulo ni wandu, ichawuya maghacho, na isanga jichasighwa iduu; nenyo mchamanya kukaia Ini ne BWANA.”

EZEKIELI 21:31

Nichakaia na lubio aighu yako nani nichakukaba kwa machu ghapo ghiko sa modo; nichakungira mikonunyi kwa wandu wibwaghagha kwa lung'eto, wiichi kutotesha.

EZEKIELI 32:2

“Mwana wa mdamu, mlilie mzuri wa Misri kumzere naghamba huwu: Kwadakuwona kumoni sa shimba aghadi ya iro mbari ra wandu, ela kooka sa mamba uko baharinyi; kwadaida a medenyi yako na kuvurugha machi kwa maghu ghako na kughilusha.

DANIELI 5:19

Kwa wundu ghwa ugho wubaa oremnekieghe, wandu wose wa mbari na viteto weremuobueghe na kumsughusikia; uo orekundieghe kum'bwagha, orem'bwaghieghe; na uo orekundieghe ukaie moyo, orekaieghe moyo; uo orekundieghe kumjosa, oremjosereghe; na uo orekundieghe kumsera, oremserieghe.

DANIELI 7:4

Nyamandu ya imbiri erekoghe sa shimba, nayo erekoghe na mawawa gha indu. Hata iji nerezighanireghe, ngawona mawawa ghake ghainjwa, ikawusirwa na kubonywa ikaie kimusi sa mdamu, nayo ikanekwa akili ra kidamu.

WALAWI 26:31

Nichabonya mizi yenyu iwue maghacho, na kunona andu konyu kotasira; nani nichavilegha vizongona venyu.

WALAWI 26:33

Nani nichamredia wuda na kumsaghisa aghadi ya mbari zima. Isanga jenyu jichawuya kireti, na mizi yenyu ichawuya maghacho.