JEREMIA 4:4 - Biblia Ilagho Jiboie Kwa Wandu Wose

⁴ Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

JEREMIA 4:4 ပူးပေါင်းရင်းမြစ်များ

2 MALAGHO GHA NGELO 34:25

Kwa kukaia wanisighie na kuifukiria milungu mizima marumba, hata wikanibonya nijoko ni machu kwa iro kazi wiribonyere; nichakaba Jerusalemu kwa machu mabaa ghisehoagha.

ISAYA 10:17

Mlungu, uo uko mwengere ghwa Israeli, uchawuya modo, Uo Mweli uchawuya modo, na kumeria minjwa na mindandangoma kwa ituku jimweri.

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

ISAYA 51:17

Wuka! Wuka kukaie kimusi ee Jerusalemu, oho korenyueghe kikombe cha machu gha Mlungu kufuma mkonunyi kwake; kwachinyue hata kukachiangamira na kutatarika.

JEREMIA 15:14

Nichakubonya kuwidumikie wamaiza wako isanga kusejiichi, angu kwa machu ghapo, modo ghwakorelo ghuchaadua ghukiaka matuku ghose.”

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 21:5

Ini moni nichalwa na oho kwa mkonu ghwapo ghwa ndighi, niko na machu ghibirie, najokwa nandighi.

JEREMIA 23:19

Ola machu gha BWANA ghafuma sa kiremba ghawichea awo wawiwi sa kikulughulu.

JEREMIA 36:7

Kewada wadima kulomba na kuvoya imbiri ya BWANA, na kewada kula umu wawo uchaghaluka na kusigha mighendo yake izamie; kwa kukaia machu na lubio BWANA ughorie aighu ya awa wandu ni lubaa.”

JEREMIA 44:22

BWANA ndedimie kurumaghia wuwiwi na wuchafu ghonyu moregubonyereghe. Kwa wundu ugho, isanga jenyu jeesighwa iduu jisewadie wandu, jiwadilo ni njowe sa iji jiko idime.

JEREMIA 9:25

BWANA waghamba, “Ola matuku ghichacha, nichawikaba wandu wishamishiro, sena wiseshamishiro kungi.

JEREMIA 9:26

Nichawikaba wandu wa Misri, na wa Juda, na wa Edomu, na wana wa Amoni, na wandu wa Moabu, na wandu wose wikaiagha kireti widumbuagha maridia ghawo virodi; wandu awa wose ndewishamishiro, na wandu wa Israeli wori ndewishamishiro ngolonyi kwawo.”

KILILO CHA JEREMIA 4:11

BWANA walekerie machu ghake ghose ghibirie; ukakora muzi ghwa Sioni ghukahia hata misinginyi.

EZEKIELI 16:38

Nichakutanya kara kara na awo waka wilakagha wiko wilowolo, na kubwagha; kwa wundu ghowadwa ni iriso na kujokwa ni machu ghibirie, nichakutanya kubwagho.

EZEKIELI 18:31

Sighenyi makosa ghenyu ghose m'bonyere aighu yapo, mmbuse ngolo mbishi na roho mbishi. Kwaki mfwagha ee wandu wa Israeli?

EZEKIELI 20:33

“Sa iji ini Bwana MLUNGU nikaiagha moyo, naghamba, kwa loli nicham'bonyera nguma kwa kudima kwapo, na kwa ndighi, na kwa machu ghapo.

EZEKIELI 21:17

Hata ini moni wori nichakaba chui rapo na kuhoresha lubio lwapo; ini BWANA najighora ilagho ijo.”

EZEKIELI 24:13

Ngama yaro ni agho mabonyo ghako ghizamie gha wulaki ee Jerusalemu. Angu kumangu nakueleshere, ela koolema kuela kufumanya na wuchafu ghwako; kwa huwo ndekuchaaeleshwa sena hata nameria kukatisha lubio lwapo aighu yako.

EZEKIELI 24:8

Eri nikaie na machu ghelipia kisasi, naisigha iyo bagha idikie maghonyi isevisike.”

EZEKIELI 44:7

Wawuyarumiria wandu wa kighenyi wiseshamishiro, hata wisenisikiragha, kungia andenyi ya Hekalu yapo na kuilusha, ingelo munifunyiragha vindo vapo, mavuda na bagha. Aho mwajichikanyire ilaghano japo, mkichuria ugho wuchafu ghonyu ghose.

EZEKIELI 6:12

Uo uko kula, uchafwa kwa saka izamie; na uo uko kaavui, uchabwaghwa wudenyi; na uo usigharikie usebonyero ilagho jingi, uchabwaghwa ni njala. Huwo niko nichaameria lubio lwapo aighu yawo.

EZEKIELI 8:18

Kwa huwo nichawibonyera malagho kwa machu, sichaawiwonia wughoma hata kuwilekia, hata wikanikemia kwa lwaka lubaa, sichaawisikiria anduangi.”

WALAWI 26:28

nichamghalukia na kumkaba kwa kubia mando mfungade kwa wundu ghwa kaung'a renyu.

WALAWI 26:41

nani ngawilegha na kuwireda andenyi ya isanga ja wamaiza wawo; wikaghaluka ngolonyi kwawo na kukusera, hata wiboise makosa ghawo,

AMOSI 5:6

Mghendienyi BWANA mpate kukaia moyo, usechemseria sa modo andenyi ya wandu wa Israeli. Modo ghuchawikora wandu wa Betheli, hata usepatike mndungi oghurimisha.

ZEFANIA 2:2

imbiri mseinjiro sa mafozi ghadukwa ni mbeo, imbiri msechelo ni machu ghibirie gha BWANA, imbiri ijo ituku ja lubio jisechee aighu yenyu.

WAROMA 2:25

Kushamishwa kwafwane too iji kwaikatisha Sharia; ela iji kwainona Sharia, kushamishwa kwako ndekufwanagha anduangi.

WUKUMBUSO 10:16

Kwa huwo, kufuma idana, m'bonyo wawishi ngolonyi konyu, mseduo mghilikie.

WUKUMBUSO 30:6

Sena BWANA Mlungu onyu uchaboisa ngolo renyu na ra wana wenyu, mpate kumkunda BWANA Mlungu onyu kwa ngolo renyu rose, na kwa roho renyu rose, eri mpate kukaia moyo.

WUKUMBUSO 32:22

Nichajokwa ni machu sa lumu lwa modo nani nichakora kula kilambo ndoenyi. Ghuchasea hata Andu kwa Wafu, na kumeria miri ya mghondi.

WAKOLOSAI 2:11

Andenyi kwake wori, inyo mwashamishiro, kwa kushamishwa kusebonyero ni mikonu anduangi, ela ni kuja kubonywagha ni Kristo moni kwa chia ya kughurua ghuja wundu ghwa mumbi ghwa kaung'a.