JEREMIA 4:26 - Biblia Ilagho Jiboie Kwa Wandu Wose

²⁶ Ngazighana ngawona, isanga jerechuloghe ni matunda jawuya kireti; na mizi yaro yose yawuya maghacho, kwa wundu ghwa machu ghibirie gha BWANA.

JEREMIA 4:26 ပူးပေါင်းရင်းမြစ်များ

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

ZABURI 76:7

Oho BWANA kwadaobolwa ni wandu wose; kukajokwa ni machu lee, nani udimagha kukaia kimusi imbiri kwako?

JEREMIA 12:13

Wandu wawae ngano wikakuwida minjwa, wabonyere kazi mbaa, ela ndewipatire kindo chingi. Wichafushwa waya ni mavalo ghawo matini.”

JEREMIA 12:4

Isanga na nyasi ra mbuwenyi rikaia riomie hata lii? Nyamandu ra isakenyi na nyonyi ramerie kutota, kwa wundu ghwa wuwiwi ghwa awo wandu wiko andenyi yaro; wandu waghambie, “Mlungu ndedimagha kuwona agho dawuyabonya.”

JEREMIA 25:11

Isanga jose jichasigharika iduu jimerie kunoneka, na iri mbari ra wandu richamdumikia mzuri wa Babuloni kwa miaka mirongo mfungade.

JEREMIA 7:34

Ndekuchaakaia na mndungi andenyi ya mizi ya Juda na hata chienyi ra Jerusalemu; ndekuchaakaia na kuseka kungi aho, hata kuboilwa kungi; lwaka lwa bwana arusi angu lwa bibi arusi ndeluchaasikirika aho, kwa kukaia aho kuchawuya sa kireti.

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

KILILO CHA JEREMIA 2:7

BWANA waileghie madhabahu yake na kuisigha Hekalu yake ya wueli. Warumiria m'maiza ukavuchua mawurigha gharo. M'maiza ukakema kwa wusimi andu derekoghe dikitasa kwa kuboilwa.

WALAWI 26:31

Nichabonya mizi yenyu iwue maghacho, na kunona andu konyu kotasira; nani nichavilegha vizongona venyu.

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.