JEREMIA 4:24 - Biblia Ilagho Jiboie Kwa Wandu Wose

²⁴ Nerezighanireghe aighu ya mighondi ngawona yaawuyasughusika, na mighondi mitini yose yawuyaghenda noko imbiri na noko nyuma.

JEREMIA 4:24 ပူးပေါင်းရင်းမြစ်များ

1 WAZURI 19:11

BWANA ukamzera, “Ghenda kukaie kimusi aighu mghondinyi imbiri kwapo.” BWANA ukaida; mbeo mbaa ikawaghanya mighondi, na kubara magho, ela BWANA nderekoghe andenyi ya mbeo. Nyuma ya iyo mbeo, ghukacha msughusiko ghwa ndoe, ela BWANA nderekoghe andenyi ya ugho msughusiko.

ZABURI 18:7

Niko ndoenyi kukatatarika na kunenganenga, misingi ya mighondi wori ikasughusika na kuzingizika; kwa kukaia BWANA orejokeloghe ni machu.

ZABURI 77:18

Lukuwa lorekabieghe andenyi ya kikulughulu, chuhehia rako rikang'ala-ng'ala wurumwengunyi; ndoenyi kukanyavurika na kusughusika.

ZABURI 97:4

Chuhehia rake raghulangalishira wurumwengu; ndoenyi kwawona na kusughusika.

KUFUMA 19:18

Mghondi ghwa Sinai ghukafinikirwa ni mosi, angu BWANA oreserieghe aighu yake andenyi ya modo; mosi ghwaro ghukajoka nokoighu sa mosi ghwa iwiwi, mghondi ghose ghukasughusika na ndighi.

ISAYA 13:13

Kwa huwo nichasughusa mlungunyi, na ndoenyi kuchasughusika hata kufume andu kwaro, ngelo Ini BWANA wa majeshi nichaawonyera machu ghapo ghibirie.

ISAYA 24:20

Ndoe yazingizika sa mmbongeri, yakumbwakumbwa sa nyumba idukwagha ni kiremba. Ndoe yalemerelwa ni kaung'a rake, nayo ichatota putu hata ndeichaawuka sena anduangi.

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

JEREMIA 8:16

Mrurumo ghwa farasi ra wamaiza wedu ghwasikirika kufuma Dani, lwaka lwa farasi rawo ra womi, lwasughusa ndoe yose. Wacha kujimeria isanga chiaimweri na kula kilambo chiko andenyi yaro, ugho muzi na wandu wikaiagha andenyi yaro.”

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

EZEKIELI 38:20

ugho msughusiko ghuchasughusa samaki baharinyi, na nyonyi ra mbeonyi, na nyamandu ra mlambenyi, na shimandu riavuagha andoenyi, na wandu wose wiko aighu ndoenyi. Ngelo ya kucha kwapo wandu wose wichasughusika, na mighondi ichang'arishwa andoenyi, na maghamba ghichaghwa, na kula wurigha ghuchaghwa andoenyi.

MIKA 1:4

Mighondi ichasagha aisi ya maghu ghake sa sungu yakabishirwa modo; ichasea cha vololonyi, seji machi ghiseagha andu kwa lughongo lwa kimusi.

HABAKUKI 3:10

Iji mighondi erekuwonieghe ikaobua; vua ikanya kufuma mawingunyi; machi mengi ghikaghona ndoenyi nandonyi, na mivo-mivo yaro ikawuka nokoighu.

HABAKUKI 3:6

Ukakaia kimusi ndoe yadasughusika; ukazighana tu, mbari ra wandu radasughisika. Mighondi mibaa ya kokala ikasaghasika, na mighondi mitini ya kokala ikaneng'ena, iyo mighondi oreiselieghe kokala.

WUFUNUO 6:14

Mawingunyi koreinjikieghe seji karatasi rikuchwagha, na kula mghondi na kisiwa vereinjikieghe andu kwaro.