JEREMIA 4:14 - Biblia Ilagho Jiboie Kwa Wandu Wose

¹⁴ Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

JEREMIA 4:14 ပူးပေါင်းရင်းမြစ်များ

ZABURI 119:113

Nadazamilwa ni waji kuwi, ela naikunde sharia yako.

ZABURI 51:2

Kunioghoshe kiwiwi chapo putu, kunieleshe kaung'a yapo.

ZABURI 66:18

Ngera nedeghesha kiwiwi chingi ngolonyi, BWANA nderenisikiragha anduangi.

MAKATANISHO 1:22

“Inyo wakelu, mkaia wakelu hata lii? Mseka hikima kwa lumenyo hata lii? Wakelu wizamilwa ni kumanya hata lii?

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

JEREMIA 13:27

Namerie kughuwona wuchafu ghwako; kulaka kwako, na bea rizamie, na wumalaya ghuchumbie, aighu mighondinyi na mbuwenyi. Ni bugha kwako ee Jerusalemu! Kudua mchafu kuseoghoshero hata lii?”

JEREMIA 17:1

“Kaung'a ya Juda eandikwa na kalamu ya chuma, mbari reekotwa aighu ya vibau va ngolo rawo rikaashingwa wudovu ghwa almasi; na aighu ya mbembe ra madhabahu ghawo wori,

JEREMIA 18:11

Idana kuwizere wandu wa Juda na wandu wa Jerusalemu, ‘BWANA waghora huwu: Ola nam'bonyera mpango ghom'bonya kiwiwi. Kula umu onyu ndewuye urisighe chia rake mbiwi, boisenyi mighendo yenyu na mabonyo ghenyu.’

JEREMIA 2:22

Hata kukuoghoshe na magadi na kutumia sabuni nyingi, ela wuchafu ghwa wuwiwi ghwako ghwaawuyawoneka imbiri kwapo.

JEREMIA 6:19

Sikirenyi ee ndoenyi, nichareda mawiwi aighu ya wandu awa, nagho ni malipo gha mipango yawo; kwa kukaia ndeweresikireghe malagho ghapo, wikailegha sharia yapo.

EZEKIELI 18:31

Sighenyi makosa ghenyu ghose m'bonyere aighu yapo, mmbuse ngolo mbishi na roho mbishi. Kwaki mfwagha ee wandu wa Israeli?

ZEKARIA 8:17

Msakebonyerana mipango ya wuwiwi mmbeni na mmbeni. Msakefunya wushuhuda ghwa tee kwa ighemi. Ini nadazamilwa ni kughora tee, kusoweana hachi, na kukoronga.”

MATHAYO 12:33

“Mudi ghukakaia ghuboie na matunda ghake ghichakaia ghiboie, ela ghukakaia ghuzamie na matunda ghake ghichakaia ghizamie wokoni. Angu mudi ghwadamanyika kwa matunda gharo.

LUKA 11:39

Nao Bwana ukamzera, “Inyo Mafarisayo, mwadaoghosha vikombe na sahani cha shighadi, ela nandenyi mwachua kusoka na wuwiwi ghose.

JOHANE 13:9

Simoni Petro ukamzera, “Bwana nioghoshe; si maghu ghiekeri, ela hata mikonu na chongo wori.”

MABONYO GHA WADUMI 8:22

Kwa huwu hea ichi kiwiwi chako, kulombe Bwana ngera idimika ukufue wughoma agho maghesho gha ngolo yako.

WAROMA 1:21

kwa kukaia hata ngera weremmanyireghe Mlungu, ndeweremnekieghe ishima sa Mlungu, hata kumfunyira chawucha anduangi; ela werekoghe na maririkanyo gha duu, na akili rawo ra wukelu rikachulwa nikira.

1 WAKORINTHO 3:20

Na sena, “Bwana waichi wori maghesho gha awo wiwadie hikima ni gha duu.”

JAKOBO 4:8

Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.