JEREMIA 4:13 - Biblia Ilagho Jiboie Kwa Wandu Wose

¹³ Wonenyi! M'maiza waawuyacha sa mawingu. Magare ghake ghaawuyacha sa kikulughulu, na farasi rake raangue kuchumba indu. Ni bugha kodu, kwa kukaia dameria kusia!

JEREMIA 4:13 ပူးပေါင်းရင်းမြစ်များ

2 SAMUELI 1:23

“Sauli na Jonathani werekoghe wakundwa wikundikie ndewitane jingi kufuma wiko moyo hata kifwa. Werekoghe wiangue kuchumba indu, werekoghe na ndighi kuchumba shimba.

ISAYA 13:5

Wafuma isanga ja kula, noko cha kutua kwa ndoenyi; BWANA waawuyacha na maswagha ghake, na kwa machu ghake uchatotesha ndoenyi kose.

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

ISAYA 3:8

Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

ISAYA 5:28

Mawanu ghawo ghakalie, na ndana rawo rafungilo; kochokocho ra farasi rawo rakurie sa magho, na magurudumu gha magare ghawo ghiamara sa kikulughulu.

ISAYA 66:15

BWANA uchacha na modo, na magare ghiendagha na iseghe sa mbeo upate kuwonyera worinyi machu ghake ghibirie na kukania kwake sa lumu lwa modo.

JEREMIA 10:19

Wandu wa Jerusalemu wikakema, “Ni bugha kodu kwa wundu ghwa kushoghonoka kodu! Chonda chedu ndechiboagha. Nesi dereririkanyeghe ughu ni wasi, didimagha kughurumaghia.

JEREMIA 4:12

ela chichakaia kiremba chiwadie ndighi, chafuma kwapo. Ni ini nighoragha kwa kureda kutanya aighu kwawo.”

JEREMIA 4:31

Kwa kukaia namerie kusikira kililo, sa cha muka ukumbagha lufu; luwawo sa lwa muka uvagha mwana wake wa imbiri; Ni lwaka lwa Jerusalemu, ukumbagha miruke na kukumba mikonu yake nokoighu ukighamba, “Ni bugha kwapo, naawuyadumbuka imbiri ya wabwaghi.”

JEREMIA 46:18

“Mzuri, uo uwangwaghwa BWANA wa majeshi waghema, Sa iji koni nikaiagha moyo, waghamba Mzuri, mndumu uchacha sa Mghondi ghwa Tabori aghadi ya mighondi, na sa Mghondi ghwa Karmeli ghuko mbai na mbai ya bahari.

JEREMIA 48:40

BWANA waghamba huwu: “Olenyi mbari ichacha shwa iangue sa indu, ikighorua mawawa ghake aighu ya Moabu;

JEREMIA 49:22

Olenyi mbari imu ichajoka shwa iangue sa indu, na kughorua mawawa ghake aighu ya Bozra, ipate kuikaba; na ngolo ra mang'oni gha Edomu ituku ijo, richatika-tika sa muka ukumbagha lufu kwa kuva.”

JEREMIA 6:23

Wadwae ndana na mafumu ghawo; wang'etere hata ndewiwadie wughoma ghungi. Tiri ra kughenda kwawo ni kara kara na kururuma kwa bahari; wajoka aighu ya farasi na kukupanga sa mundu uko tayari kwa wuda, wipate kulwa na oho ee Jerusalemu.”

JEREMIA 9:19

Lwaka lwa kililo lwasikirika Jerusalemu, “Danonwa, dafushwa waya putu; kwa kukaia damerie kusigha isanga, na malalo ghedu ghamerie kughushwa ni wamaiza.”

KILILO CHA JEREMIA 4:19

Awo werekoghe wikidinugha werekoghe na iseghe kuchumba indu riburukagha. Werediwingieghe aighu mighondinyi, wikadilaliria kireti.

EZEKIELI 26:10

Farasi rake richakaia nyingi, rifukire teri ikufinikire. Mawurigha ghako ghichasughusika ingelo wajoki farasi wakaida na magare, ukingia mbengenyi ra muzi ghwavuchulwa.

EZEKIELI 38:9

Kuchawuka na kucha sa kiremba, na sa ikungughu ibaa kujifinikira isanga; kuchawichea na masikari ghako ghose, na wandu wengi mkwanye.”

DANIELI 11:40

“Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.

DANIELI 7:4

Nyamandu ya imbiri erekoghe sa shimba, nayo erekoghe na mawawa gha indu. Hata iji nerezighanireghe, ngawona mawawa ghake ghainjwa, ikawusirwa na kubonywa ikaie kimusi sa mdamu, nayo ikanekwa akili ra kidamu.

HOSEA 8:1

BWANA waghamba, “Kabenyi tarumbeta! Wamaiza waawuyangia isangenyi japo sa indu! Wandu wapo wajichikanyire ilaghano nibonyere nawo, na kughilegha mafundisho ghapo.

MIKA 2:4

Ngelo iyo ikavika, wandu wichatumia lughano lukaie mfwano ghwa wasi, nawo wichabora lumbo ulu lofwa ngolo kwa agho mughiwonie wikighamba, ‘Dameria kunonwa putu, BWANA wamerie kuwusa isanga jedu, na kujineka wandu wididwae wunyika.’”

NAHUMU 1:3

BWANA ndekaiagha wa shwa-shwa kubonya machu, ela wawadie kudima. Ndemsighagha mkosi usemkabie; wadasela andenyi ya kikulughulu na kiremba; mawingu ni teri yawusirwa ni maghu ghake.

HABAKUKI 1:8

“Farasi rawo raangue kuchumba inge; rabirie kuchumba vikwau vasinda njala. Wajoki farasi wawo wacha wikirama-rama wikukasire wafuma kula; waghenda na iseghe sa indu rikunde kufondia madiwo ghawo.

ZEKARIA 6:1

Nao ngazighana ngawona magare ana ghafuma ghadi na ghadi ya mighondi iwi erekoghe ya shaba.

MATHAYO 24:30

Niko aho ichawoneka alama ya Mwana wa Mdamu aighu mawingunyi, na mbari rose ra ndoenyi richakema na kulila, nawo wichammbona Mwana wa Mdamu ukicha aighu ya mawingu gha mlungunyi uko nandighi na wubaa mungi;

WUKUMBUSO 28:49

BWANA uchareda mbari kufuma kula ichelwa nakumoni; ni mbari iangue sa indu iburukagha, idedagha kiteto kusechimanyagha.

WUFUNUO 1:7

Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.