JEREMIA 4:11 - Biblia Ilagho Jiboie Kwa Wandu Wose

¹¹ Ngelo yawuyacha, na wandu wa Jerusalemu wichazerwa, “Kiremba cha modo chichaweta kwawo kufuma kireti. Ndechichaakaia kiremba chiboie cheela masemu,

JEREMIA 4:11 ပူးပေါင်းရင်းမြစ်များ

ZABURI 11:6

Mlungu uchawiseria wawiwi modo na kibiriti; nao uchawikaba na mbeo ilunguragha.

ISAYA 22:4

Niko ngaghamba, “Nileke! Nisighe nilile kwa kuwawa, hata kusesumbuke kuninyamirisha, angu nawawa ni uko kunoneka kwa wandu wapo.”

ISAYA 27:8

Kipimo kwa kipimo, korelueghe nawo na kuwighenja wubarishonyi. Korewiinjireghe kwa makabo ghibirie, sa kwa kiremba chenona cha mashariki.

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

JEREMIA 13:24

Nichamsaghisa kara kara na masemu ghidukwagha ni mbeo yafuma kireti.

JEREMIA 14:17

BWANA ukanizera niwighorie wandu malagho agha: “Meso ghapo ndeghidiko ni mbori kio na dime ngelo rose; kwa kukaia wandu wapo washoghonolwa nandighi, wapata ikabo jibirie nandighi.

JEREMIA 23:19

Ola machu gha BWANA ghafuma sa kiremba ghawichea awo wawiwi sa kikulughulu.

JEREMIA 4:12

ela chichakaia kiremba chiwadie ndighi, chafuma kwapo. Ni ini nighoragha kwa kureda kutanya aighu kwawo.”

JEREMIA 8:19

Sikirenyi kililo cha wandu wapo mzinyi, kufuma wulacha ghwaro ii chia, hata wushapa ghwaro ii chia “Welee, BWANA waaisigha Jerusalemu putu? Huwo mzuri wa Jerusalemu ndeuko?” BWANA watumbulia, “Kwaki wanivaviragha ngolo na iro fwana rawo rewachwa; na iyo milimu yawo ya kighenyi?”

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

JEREMIA 9:7

Kwa huwo BWANA wa majeshi waghamba huwu: “Olenyi nichawielesha sena niwitime; da nibonya ilaghoki kwa wundu ghwa wandu wapo?

KILILO CHA JEREMIA 2:11

Meso ghapo ghasera kira kwa kulila; roho yapo eko na kuwawa kubaa. Wasi ghwanisirisha ndighi kwa wundu ghwa kutoteshwa kwa wandu wapo. Wanake na awo wiongagha wiadumbuka achienyi ra muzi.

KILILO CHA JEREMIA 3:48

Naawuyadikwa ni mbori sa machi, kwa wundu ghwa kutoteshwa kwa wandu wapo.

KILILO CHA JEREMIA 4:10

Wasi ghorewichieghe wandu wapo ni ghoobosha; weke mao wiko na lukundo wikawidoghosa wana wawo weni wiwuye vindo!

KILILO CHA JEREMIA 4:3

Hata mzozo ghwaongoshagha mwana wake; ela wandu wapo weeka sa nyagha ing'etere kwa wana wake.

KILILO CHA JEREMIA 4:6

Wandu wapo wakabilo kuchumba wa muzi ghwa Sodoma ugho ghoretotesheroghe mikonunyi kwa Mlungu kwa indo jimweri.

EZEKIELI 17:10

Uko ghukawalwa lee, loli ghukaia nicha? Welee, ghukakabwa ni mbeo enona ya mashariki, ghukia ghusenyarie putu aho itutenyi kwaro?”

EZEKIELI 19:12

Ela ugho mzabibu ghorekuloghe kwa machu mabaa, ghukakumbwa andoenyi; mbeo enona ya mashariki ikaghuomera, na matunda gharo ghikaghughuduka; lumbashu lwaro lubaa lukanyaya, lukakorwa.

HOSEA 13:15

hata ngera Israeli wawoneka kukaia nicha aghadi ya waruna, ela nichawetesha mbeo ya mruke ghwa mashariki ifumagha cha kireti, nayo ichaomera ndoria rake ra machi na viriwa. Iyo mbeo ichakaba na kughusha stoo ra mali rake na ra vilambo vake va zoghori mbaa.

HOSEA 13:3

Kwa huwo wichasoweka sa ikungughu ja luma lwa nakesho, kara kara na mami ghiinjikagha kokio, na kara kara na makanda ghidukwagha noko ni mbeo kufuma kwa lwala loelea viro, angu sa mosi ghufumagha na idirisha.

HOSEA 4:19

Wichainjwa sa kudukwa ni mbeo, nawo wichafwa waya kwa wundu ghwa vizongona vawo va milimu.

HABAKUKI 1:11

Nawo wadaida sa mbeo, na kughenda chia rawo; wandu awa ni wawiwi, na wudimi ghwawo ni mlungu wawo.”

HABAKUKI 1:6

Nichareda Wababuloni, ija mbari ibirie, iangue kubonya malagho. Wadaghenda wurumwengunyi kose, kuwusa malalo ghiseko ghawo.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

LUKA 3:17

Na lungo lwake loko mkonunyi kwake upate kuinja makanda ghose na kungira ngano nganyenyi kwake, ela makanda uchaghikora kwa modo ghuserimikagha anduangi.”