JEREMIA 4:10 - Biblia Ilagho Jiboie Kwa Wandu Wose

¹⁰ Niko ngaghamba, “Ai! E Bwana MLUNGU, loli kwamerie kuwikalia awa wandu na Jerusalemu putu, kukiwizera, ‘Mkaia nicha to,’ sena hoku wameria kuchelwa ni kifwa.”

JEREMIA 4:10 ပူးပေါင်းရင်းမြစ်များ

KUFUMA 5:22

Nao Musa ukamghalukia BWANA ukamzera, “Ee BWANA, kwaki kwawibonyera wuwiwi wandu awa? Kwaki korenidumagha?

KUFUMA 9:14

Ngelo ihi nichareda saka kwako koni, kwa wadumiki wako, na wandu wako; kupate kumanya angu ndekuwadie ungi ndoenyi kose uko sa ini anduangi.

ISAYA 30:10

na kuwizera awo wiwonagha, “Msewone;” na walodi, “Mselode malagho gha loli, ela modeghoragha agho gha ighu-ighu, na kudilodera tee.

ISAYA 37:35

Kwa kukaia nichaghulindia muzi ughu na kughukira kwa wundu ghwapo na kwa wundu ghwa mdumiki wapo Daudi.’”

ISAYA 63:17

Ee BWANA, kwaki kudisighaa dilaghalo ni chia rako? Kwaki kwarikurisha ngolo redu hata disedime kukuobua? Wuya kwa wundu ghwa wadumiki wako, ee, awo wandu wiko ifwa jako.

JEREMIA 1:6

Niko ngaghamba “Ai, Bwana MLUNGU! Ola ini siichi kudeda, kwa kukaia ne mwana tu!”

JEREMIA 23:17

Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 32:17

‘Aa e Bwana MLUNGU! Ni oho kuumbie mlungunyi na ndoenyi kwa ndighi rako mbaa na kwa mkonu ghwako ghwa kudima! Ndekuwadie ilagho jingi jisedimikagha kwako,

JEREMIA 4:18

Ni chia rako na mabonyo ghako gheni ee Juda, ghakuredia agha, iji nijo ikabo jako. Jabirie, najo jangia kondenyi ngolonyi kwako.”

JEREMIA 5:12

Wadedie kiwiwi aighu ya BWANA, wikighamba, “Ndedimagha kubonya ilagho jingi, hata ndedichelwagha ni wuwiwi ghungi; ndedichaawona wuda ghungi hata njala.

JEREMIA 6:14

Waawuyatima kuboisa chonda cha wandu wapo ighu ighu tu; wikighamba, ‘Sere, sere,’ sena sere ingi iseko.

JEREMIA 8:11

Weerighita chonda cha wandu wapo ighu ighu, wikighamba, ‘Sere, sere,’ ingelo sere ingi iseko.

KILILO CHA JEREMIA 2:21

Wandu wa irika na waghosi weefuya achienyi, wai na wadawana weebwaghwa na chufu ni wamaiza. Kwawibwaghie kuseko na wughoma ituku kujokelo ni machu.

EZEKIELI 11:13

Nao iji nerekoghe ngifunya wulodi, Pelatia mwana wa Benaia ukafwa. Niko ngaghwa kiwushu-wushu, ngamlilia BWANA kwa lwaka lubaa ngighamba, “Ai e Bwana MLUNGU! Wele kuaghimeria masighariko gha wandu wa Israeli putu?”

WAROMA 1:24

Kwa huwu Mlungu ukawisighanya na bea ra ngolo rawo wipate kubonya maza ra wuchafu, hata kuvikia kusowiana ishima kwa mimbi yawo weni na weni.

WAROMA 1:26

Kwa wundu ughu, Mlungu ukawisighanya na bea ra waya. Waka wawo wikaghalusa matumio ghawo gha asili kwa matumio ghiseko gha asili.

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.