JEREMIA 39:8 - Biblia Ilagho Jiboie Kwa Wandu Wose

⁸ Wababuloni wikaikora ngome ya mzuri, na nyumba ra wandu; wikaghuchikanya wurigha ghwa Jerusalemu.

JEREMIA 39:8 ပူးပေါင်းရင်းမြစ်များ

2 WAZURI 25:8

Ituku ja mfungade ja mori ghwa kasanu, mwaka ghwa ikumi na ikenda ghwa kubonya nguma kwa Nebukadnezari mzuri wa Babuloni, Nebuzaradani uo orekoghe mnjama wa Mzuri Nebukadnezari, sena nuo orekoghe m'baa wa majeshi ghake, ukacha Jerusalemu.

2 MALAGHO GHA NGELO 36:19

Wikaikora Hekalu, na kughuchikanya wurigha ghwa Jerusalemu; wikakora ngome raro, na kunona vilambo vose va zoghori mbaa.

NEHEMIA 1:3

Nawo wikanizera kukaia, wandu wisigharikie isangenyi wisebarishiro weko na wasi na kumenywa kubaa. Wurigha ghwa Jerusalemu ghwachikanyiro, na mbenge rawo rikakorwa.

ZABURI 79:7

Wabwaghie wandu wako, na kujinona isanga jawo.

ISAYA 5:9

Bwana waghemie huwu ngisikira, “Loli nyumba nyingi mbaa sena righokie, richasighwa nduu risena wandu wekaia.

JEREMIA 17:27

Ela mkalegha kunisikira na kuleghatala ituku japo ja Sabato, mkiduka misigo enyu na kungia nayo mbengenyi ra Jerusalemu ituku ja Sabato, niko nicharikora iro mbenge, na ugho modo ghuserimikagha ghuchanona ngome ra Jerusalemu.’”

JEREMIA 21:10

Kwa kukaia namerie kughudumbuya ughu muzi ilagho jeghubonya kiwiwi, nichaghungira mikonunyi kwa mzuri wa Babuloni, nao uchaghukora na modo.’

JEREMIA 32:29

Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 34:2

“BWANA, uo Mlungu wa Israeli ukanizera nighende kudedanya na Zedekia mzuri wa Juda nimzere, ‘Ola naawuyaghungira ughu muzi mkonunyi kwa mzuri wa Babuloni, nao uchaghukora.

JEREMIA 34:22

Olenyi nichawilaghira, nani nichawiwunja kwa ughu muzi wipate kulwa nagho, wighusime, na kughukora. Nichaibonya mizi ya Juda iwuye miduu isene wandu.”

JEREMIA 37:10

Angu hata ngera mwadasima ijeshi jose ja Wababuloni wawuyalwa nenyo, nao wisigharike wandu washoghonolwa wiko andenyi hemenyi kwawo, wichawuka na kughukora ughu muzi.’”

JEREMIA 38:18

Ela kukalegha kukufunya kwa wabaa wa mzuri wa Babuloni, niko ughu muzi ghuchaangirwa mikonunyi kwa Wababuloni, nawo wichaghukora, na oho ndekuchaafufunuka wisekuwadie anduangi.”

JEREMIA 5:10

Jokenyi muitoteshe mizabibu yawo, ela mseitoteshe putu; injenyi mbashu raro, kwa kukaia si ra BWANA kungi.

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

KILILO CHA JEREMIA 1:10

Wamaiza wawisokie mali rawo rose. Werewiwonieghe wikingia Hekalunyi cheni tiki, andu BWANA orewighirieghe wandu wa mbari zima wisengie.

KILILO CHA JEREMIA 2:2

BWANA wanonie kula muzi ghwa Israeli kuseko wughoma. Wavuchue ngome ra wandu wa Juda kwa machu ghake; ukainja ishima ja mawuzuri na wabonyi nguma waro.

KILILO CHA JEREMIA 2:7

BWANA waileghie madhabahu yake na kuisigha Hekalu yake ya wueli. Warumiria m'maiza ukavuchua mawurigha gharo. M'maiza ukakema kwa wusimi andu derekoghe dikitasa kwa kuboilwa.

EZEKIELI 16:41

Wichakora nyumba rako na kukutanya imbiri ya waka wengi; nani nichakusighisha ugho wumalaya ghwako, hata ndekuchaafunya malipo ghangi kwa wakundwa wako sena.

EZEKIELI 23:47

Na ijo ijeshi jichawilasa na magho, na kuwibwagha kwa lufu; wichawibwagha wana wawo wa womi na wa waka, na kukora nyumba rawo.

EZEKIELI 33:21

Ituku ja kasanu ja mori ghwa ikumi, mwaka ghwa ikumi na iwi ghwa kudwalwa wunyika kodu, mndumu ufufunukie kufuma Jerusalemu ukanichea ukaghamba, “Muzi ghwamerie kuwadwa.”

AMOSI 2:5

Kwa huwo nichaduma modo aighu ya Juda, nagho ghuchakora ngome ra Jerusalemu.”

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.